[align=center]
السلام عليكم ورحمة الله

اخواني اعضاء ومشرفين وإداريين منتديات حلول البطالة

انا ابي من الجميع ان يسااعدني على الطريق الناجح

انا الأن طالب في الصف الثالث ثانوي "علمي"

وادرس حاسب آلي لمدة 6 اشهر ( إدخال بيانات ومعالجة نصوص )

وابي افكر بعد الثانوية وين اروح.. وين أدرس.. وين اتوظف..

وللحين ما ادري وين اروح

بس براسي شيئين الأول اني ادرس جامعة بتخصص ( تـربـيـة خـاصـة ) بس مافيه جامعة عندنا بحفرالباطن

الشيء الثاني اللي اقدر عليه..
ادرس بكلية التقنية بس محتار بين تخصصين هم ( الـمـيـكـانـيـكـا أو الـكـهـربـاء )


ســـؤالي الأول هو ::/

اذا درست بالجامعة بتخصص تربية خاصة والمعدل (جيد جداً) هل الوظيفه مضمونه بمشيئة الله؟؟

وهل دراستهااا صعبه ؟؟

وكم راتبي اذا توظفت مدرس تربية خاصه ؟؟


سـؤالي الثانـي هو ::/
(الكلية التقنية) ايش تنصحوني في التخصصات ( مكانيكا أو كهرباء ) ؟؟ < مع ذكر السبب


ماهي الوظائف التي يطالبون بدبلوم الميكانيكا اكثر؟؟


وماهي الوظائف التي يطالبون بدبلوم الكهرباء اكثر؟؟


اذا كانت حامل شهادة كهرباء بمعدل جيد جداً هل شركت الكهرباء تقبلني ؟؟ واذا قبلتني اختبر عندهم او لا ؟؟




شباب البعض منكم يستغرب من أسألتي بس انا ما اعرف شيء ياليت اللي عنده خبره يساعدني
او ينصحني بأشياء من عنده تزودني فهم اكثر.. وانا بصراااحه ما راح اقصر معكم بسوي اللي انا اقدر عليه ابي ادعيلكم ....

اتمنــــىء
اتمنــــىء
اتمنــــىء
اتمنــــىء
اتمنــــىء
اتمنــــىء
اتمنــــىء
اتمنــــىء
الـــكـــل يـــرد على الأسئلــــه

قال الرسول صلى الله عليه وسلم ( حـب لأخـيـك كـمـا تـحـب لـنـفـسـك )

افيدوني ولكم الدعاء

[/align]

اولا بالتوفيق اخوي


ثانيا التربيه الخاصه لها عدة اقسام منها صعوبات تعلم وفكريه وسمعيه وبصريه وتوحد وغيرها

بس هالوظائف متعبه للشخص الي عندة ذمه ويعطي الدرس بالشكل المطلوب
بس شف وضعك تقدر تتقبل ذوي الاحتياجات الخاصه

لي قريب تخرج من جامعه المللك سعود تخصص تربيه خاصه درس سنه كامله وقدم على وظيفه اداريه بدلا من التدريس وفيه البعض يصبر ويتقبل ذوي الاحتياجات الخاصه

وراتبها تقريبا نفس راتب المعلم العادي بس فيه زيادة 30% لاتنسى ان هناك وسائل لابد من احضرها للطلاب


انتظر دعوة منك

واي خدمه انا موجود

اهم حاجة ابعـــــــــــــــــــــــــــــــــــــــــد او انحاش عن الكلية التقنية (كلية البطالة) قدر المستطاع

انا ما اعرف شي عن التربية الخاصة

بس اذا عن التقنية فأقولك خذ كهرباء وانت مغمض

الاسباب انا اول ماتخرجت فريت في الصناعيات الاولى والثانية بالدمام والشركات الي في الخبر

واقدر اقولك اكثر من 80% من الشركات الي رحتها طالبين تخصص كهرباء

وانا حظي النحس اني دخلت الكترونيات

وبالنسبة لشركة الكهرباء الي عرفته ان الدفعة الي قبلوها السنه ذي اغلبهم فوق ال 3.75
فأذا يمديك جيبها ولاتنسى بعدها يدخلونك اختبار لغة الانجليزية كفايات ..

بعمنى اهتم بالانجليزي وجيب معدل حلوو ووتوظف بأذن الله

وبالتوفيق ...

النااايف
نطاح الغمام
عاطل بقراطيسة

الله يجزاكم للجنه جميعــاً

وبكذا احمل معلومات منكم

"""""""""""""""""""""

اخوي عاطل بقراطيسة الله يوفقك وان شاء الله تلقى الوظيفة اللي تعجبك

لا هنتم جميعـــاً



وبإنـــتـــظار الــجــميـــع

بالتوفيق اخوي..

ينقل للقسم المناسب ,

وعليكم السلام ورحمة الله وبركاته

في البداية أخوي حاب اقولك انتبه لا تختبر بالمعهد ولا تأخذ الشهادة إلا بعد ما تتخرج من الثانوي
لأن أي شهادة قبل شهادة الثانوي مو معترف فيها يعني لو بعد الثانوي تبي تضيف الشهادة ذي مع شهاداتك في التقديم عالوظائف ما راح يعترفوا فيها فأنصحك ادرس المعهد لكن أجٌل اختبارك إلى ما بعد الثانوي لكي تستفيد من الشهادة.

> أما عن التربية الخاصة فأعذرني فأنا لا أملك أي معلومة عن هذا التخصص ولا كان ودي افيدك

> وإذا عن الكلية التقنية عندك الإنتاج ربما يفيدك بالقطاع العسكري وممكن بسابك وارامكو.
لكن بوجهة نظري اشوف أن الكهرباء أفضل لأن مثل ما قالوا لك الشباب تفيدك في بعض الشركات.

وأخيراً انصحك بعد ما تخلص حاسب خذ لك دورة بالإنجليزي دبلوم.

.:. يصير عندك في خلال سنتين أو سنة ونصف .:.
1/ حاسب 6 أشهر .
2/ إنجليزي دبلوم (سنتين) .
3/ لو قلنا كلية تقنية (كهرباء) معدل 4 .
وتقدر تكمل بكالوريوس

.. ما اطلب منك إلا تدعي لي أن انقبل بالحرس الملكي ..
موفق بإذن الله ... لك مني أجمل تحية .

الله يوفقك ..up

جزاااكم الله ألف خير

والله يكثر من اشكااالكم

لا هنتم جميعـاً

واللي عنده معلومات وحاااب يضيفهاا حياااه


بإنتــظاااركم

<<<