السلام عليكم ورحمة الله وبركاته

عندي ارض والحمد الله قريبة من جامعة القصيم وودي ابنيها ولو غرف بسيطة بس المشكلة في الفلوس كيف اوفرها

وانا عارضتها للبيع بس الصراحة ماودي ببيعتها

استفساري الشباب عادي يستاجرون بحيالله غرف والا لازم بناء كشخة وماني عارفة ايش

الصراحة براسي من زمان بس المشكلة بتوفير الفلوس للبناء

ووش الجهه اللي تسلف بدون مايطلبون شخص موظف

المسألة مو حي الله ..
هي كل مازادت الكشخة زاد معدل الإيجار
خليها بدون فرش وبدون مكيفات .. نظام إستأجر وإفرش
وإن حصل تكون نظام ملاحق أفضل تكون مرغوبة

الله يوفقك .

عندي استفسار كم بتبيعها؟
وكم مساحتها؟
موقعها بالضبط؟

لك تقديري.

وعلييييكم السلام والرحمه..
كلامي مثل كلام اخوي ابن الرياض
واذا كان ماعندك فلوس تقدرين تستثمرينها بطريقه ثانيه
فيه بنوك اوشركات ع ماظن تبنيها لك وتكون مرهونه لهم وياخذون الايجار لين يخلصون قيمة بنيانهم والفوائد
وبعدها يفكون الرهن.. وترى بعض البنوك ممكن تعطيك قرض ويرهنون الصك عندهم..واذا ماسددتي تروح عليك الارض..
واذا كنتي تفكرين تبيعينها انا اشتريها منك..
والا ادورلك زبوون مطفي بس الله الله بالبخشيش<<دوعابه دوعابه

روح اطلب قرض من البنك او من الصندوق

اكيد لابد من بناء جميل ...على الاقل مقبول ويريح النفس

طيب انتظر لما يرتفع سعرها وبيعها واشتري فيها عمارة شقق سكنيه

اعرضيها على جامعة القصيم ممكن يستثمرونها او ابنيها شقق مفروشه او استثمريها بالمواسم اجريها للجمعيات الخيريه هذا ما يخطر ببالي الان

اول شيء تأكدي الحي اللي فيه ارضك واصلته الخدمات "ماء - كهرباء - صرف صحي - هاتف "
إذا كان واصلته الخدمات يعني البلديه تعطيك فسح بناء كذا تمام

إذا ماتقدرين على تكلفة البناء شوفي بنك يقرضك برهن الارض وعلى راتبك اذا انتي موظفه او شركه عقاريه
او تقدرين تعرضينها على احد يستأجرها منك بعقد طويل ويبنيها ويستثمرها وبعد نهاية عقده يكون المبنى ملكك