والله انكم تنفخون في قربه مفقوعه واعتذر ماعندكم الا الدجه مهما تطرحون من اسباب وتطرحون حلول والله الما حد درى عنكم ومن اصلا يهتم في ذا الكلام الماخوذ خيره فرأييي ياجماعة الخير في ذا الزمن المضروب ببلغه قديمه هو"إن لم تكن ذئب اكلتك الذئاب" فكل واحد يسبع نفسه من بدري بدري قبل ماتعدي اعماركم وانتم طايحين تحترون من ذولاك اللي فالبرج العالي يرأفون بكم ويرحمونكم والله ماهمهم الا عيالهم وان كان باقي شئ لجماعتهم المقربين بعد فخلوكم نشاما وكل يشوف له درب من الحين ونصيحه لله لا حد يعتمد على الحكومه لأنها ماتطرح هذه القضيه الكبيره الا وهي البطاله وكيفية حلولها الا على استحياء وتتمنى تقوم يوم وما تلقى عاطل يطالبها فاهم شئ عندها عدم المطالبه ورفع الاصوات والايادي بأخذ حقوقهم وقاعدين يضحكون على الناس أن السعودي مايرضى يشتغل الا براتب 10000 الاف ومن وراء كرس وتحت مكيف مايدرون اننا والله خللنا من الطيحه وقاعدين نشتغل في مطاعم البيتزا منظفين وحراس أمن ورواتبنا من 1500 ريال ولا تتأخر بعد وحنا من جد قاعدين على بترول بترول ياجماعه وحالنا كذا ماقول إلا لاحول ولاقوة الا بالله العلي العظيم ومالنا الا الصبر على ذا الشقى والحياه المره وكل ماقول يارب يارب عساها تنفرج ترجع وتتنكد أكثر من أول وانا عارف ان ذا الكلام والله مو بس انا لحالي أن في كثير من الشباب حالتهم يمكن بعد أكثر وأزفت مني وانا الحين عمري وصل 29سنه ولاحصلت الا حارس أمن 1500 ريال وقاعد فيها ياأما يجينا الفرج والا الموت ايهما اسرع والعمر ماشي والحاله رديه

اعذروني ياشباب طولت عليكم ولكنها والله زفره فالصدر وطلعت .................

في وجهة نظري ( النظر مشمول مع الفحص الطبي ) لذلك وضعها في إختيار واحد افضل

وشكراً

حرررررررررف الووووواو(الواسطه)

الواسطه

السلام عليكم

انا سجلت في كل القطاعات ولا انقبلت للي يقول ناقص الطول ولا الوزن ولا الطول

وانا ادخل علي الامير للي ابوي كان سواق عنده 20 سنه

وعلمته بكل شي عطاني خطاب مكتوب فيه نرجو منكم قبوله واعفائه عن الشروط
والله ان الظابط للي عطيته الورقه قبل كذا جيته يتكلم من راس خشمه
والله ان اول ما شاف الخطاب ما عاد يتكلم وانا اعرف نقيب علي الفحص الطبي يقول ابي امشيك في الفحص كامل
والحمدلله الدوره حقتي قي شهر 6 والفحص في شهر 3
للي اقوله الله يرزق الجميع وسمعووو الووووووواسطه فوق النطام
الووووووووواسطه غــــــير غير غير غير غير

تم التصويت ..

الطول
حتى راعي الواسطه يقولك امشيك بكل شيء الا الطول

النظر + عمى الالوان
اذا ما مشت امورك من المستشفى ما تمشي امورك بالادارة العسكرية
لازم يكون الكشف الطبي سليم

بالنسبة للوزن محد ينظر له
الا في الكشف عن امراض الدم زي فقر الدم والانيميا والسكر وغيرها

الان زي المخدرات
ليش يقبلون 4000 مبدئياً وياخذون منهم 600 بس
يبونك تصكها مشوار وتدق فلوس ع الفاضي وترجع ,, المشكلة لازم تستلف عشان تقدر تسافر ما عندك دخل شهري
ويحظوون مقر واحد للمراجعه ما يحطون ع الاقل ثلاثه او اربعه عشان تقدر تختار
زي الحين مهم كل الناس من الرياض بعضهم يجيك من الشمال والبعض من الجنوب والشرقيه والغربيه
وفي الاخير نرجع خايبين وهذولي المسؤولين والله ما حسبوا لنا حساب
حتى ولو قبلت تطلب من ضمن رغبات التعيين مناطق قريبة منك وبعدين يحطونك آخر الدنيا

الواااااااااااااااااااااااااااااااااااســـــــــــ ــــــــــــــــــــطـــــــــــــــــة
والله الوواااااااااااااســـــــــــــــــطــــــــــــــ ـــــــة
لو جت الواسطة بعد الله زان كل شيء اذا قصير نظرك ماش اي شيء
انا مقدم بالدفاع المدني وما انقبلت بعد الكشف الطبي ولا عندي شيء والله واحد اعرفه
معه واسطه في طعنه ببطنه ومشووووه وانا لالالالالالالا

السبب الاول النظام ومن حط النظام

الله خلق الناس منهم الطويل ومنهم القصير

يعني موبيدك تطول نفسك او تقصر

الله لايوفق من حط هذا الشرط بالذات