برنامج تمليك سيارات الأجرة من باب رزق جميل

أمبن السر · #21 (**permalink**) 22-01-2011, 04:57 PM

اقتباس:

المشاركة الأصلية كتبت بواسطة فعال في كل مجال

وتعليق على مساوى بنك التسليف انه يغير المهنه الي سائق تكسي اما بالنسبه للاجرة العامه بباب رزق فانه لايغير المهنه وتستطيع ان تتوظف..واطالب المشرفين بتثبيت هذا الموضوع... وشكرا..

صحيح وهذا العيب الوحيد

ولكن بعدما تنهي الأقساط وتسدد ما عليك سواء خلال المدة النظامية أو قبل ما تنتهي

يعطوك خطاب رسمي وتوديه للأحوال المدنية وتعدل مهنتك مثل ما تريد

وخطاب رسمي آخر للمرور والمواصلات لو تبغى تغير رقم السيارة أو تحولها لخصوصي أو اللي تريده

إضافة لو جتك ظروف خاصة وما عندك إلا خمسمائة ريال مثلا تعطيهم إياه مو مشكلة بس ما تكرر
وأيضا لو تأخرت شهر صدفة لكن مو أكثر من شهرين

حلول? · #22 (**permalink**) 22-01-2011, 05:02 PM

انا ابغى انترا يقولون قسطه 1200 جديده بس وين الشركة الي تقسط والوعلان هل يقسط انترا اجره

ارجو ان تساعوني

كامري قسطه 1760 والله حرام غاليه فيه مصاريف بنزين وزيت
اتمنى انكم ترسلوني رقم شركة تقسط انترا او وكاله تقسط

عاطل برتبه ملازم · #23 (**permalink**) 02-02-2011, 07:06 PM

والله تعبنا قسم بالله جيتهم اليوم وقالو لي ان بطاقتك مظلعها مو من الرياض قلت وش المشكله انا ساكن الرياض قالو لا لازم تكون مطلعها من الرياض ليش طيب ..؟؟؟

قربت الهجره ياقلب لا تحزن

فعال في كل مجال · #24 (**permalink**) 17-02-2011, 10:08 AM

الاجرة مربحة وانصحكم في برامج عبدالطيف

عسووول المدينة · #25 (**permalink**) 03-07-2011, 10:00 AM

اقتباس:

المشاركة الأصلية كتبت بواسطة أمبن السر

أولا صحيح بنك التسليف حول السنة ولكن معدل الفائدة والربح لهم يساوي صفر

حول السنة لأجل السرا والبصمات والكفيل

سعر السيارة الأساس + 2000 رسوم إصدار وتجهيز السيارة فقط
رسوم التأمين الشامل لمدة أربع سنوات تنحسب ضمن الأقساط بقيمة 5000 فقط

القسط الشهري لا يتعدى 1370 ريال وأول شهر مجاناً.

يختلف من سيارة لسيارة حسب سعرها ونوعها

اولاً من قالكم ان بنك التسليف ياخذ سنه

انا الحمد الله ربي رزقني بوظيفة وبعت الليموزين وسددته قبل ابيعه

يا حبيبي انا سنة 2009 رحت لبنك التسليف ورحت قبله لعبد اللطيف جميل

عبد اللطيف جميل حسبلي السيارة قسطها 2042 شهرياً وكاتبين بالموقع مع دفعة مقدم والله نسيت كم

يعني السيارة طايحة عليه فووق المية وعندي الدليل ورقة من المكتب حق عبداللطيف بارب رزق يوم راجعتهم بستفسر ومستعد اسوي لها اسكان واحطها عندكم هنا بس عسى الاقيها والله على ما اقول شهيد انو باب رزق حسبولي الكامري فوق المية موديل 2009 اقل نوع
المشكله غبت 6 شهور ورجعت لقيتها زايدة سعرها والله

قتله معي العرض القديم قال لا السعر تغير

وكاتبين عن البرنامج :

مزايا البرنامج:
◙ أقساط شهرية ميسرة، تنتهي بتملك السيارة بعد ثلاث سنوات.
◙ يسلم للشاب سيارة أجرة من طراز كامري حديث، مع تغطية تأمينية وصيانة دورية وشاملة.
◙ لا يشترط البرنامج دفعة أولى، ولا معرف، ولا كفيل غارم.
◙ لا يدفع المشترك آية عمولات للبرنامج ( بدون أرباح ).
◙ حوافز مشجعة عبر تقديم سيارة أخرى عند إتمام البرنامج وتملك السيارة.
◙ الدخل الشهري المتوقع للشباب يصل ما بين 6 ــ 9 آلاف ريال.
◙ برامج اجتماعية للمشتركين:
ــ رحلات ترفيهية.
ــ معايدات وحفلات تعارف.
ــ تكريم المتميزين.
ــ مسابقات لحفاظ القرآن الكريم.

وطبعاً كله كلام في الهوى... الشغله ربحية

يعني بالله 2042 ريال باللهي هذا قسط واحد عاطل ...........؟؟ بفهم بس

رحت لبنك التسليف حسبلي السيارة مع كامل القرض والتأمين كامري 2009 بسعر 80 الف كااااااااااامله

بس عيبه تغيير المهنه

ولا الاوارق كلها على طول خلصت ماكملت حتى شهرين حتى فيه ناس قدموا بعدي استلموها معي بنفس دفعتي

لاني سالتهم وحنا رايحين نستلم اسيارات متى قدمو والله تواريخهم بعدي

يمكن الي اخرني البصمات بس اخذت 15 يوم

اما الاجرائات الباقية وقافي سريع سريع خلصتها

لا احد يزعل من الحقيقه هذي تجربتي مو شئ منقول

ايوا نسيت اقول

حسبولي قيمة السيارة على اقساط 4 سنوات 71 الف طبعاً قيمة التأمين الشامل فوق 9 الاف ريال
طبعاً موديل 2009
والحين سعرتها عندهم خبر اكيد 100%100 سعرها 72250 ريال

بس صراحة احلاااااااااا تأمين نفعني كثير لاني سويت حادث والحمد الله على سلامتي وعرفت قيمة التأمين خاصة الي عن طريق بنك التسليف

والسلام خير ختام

بووح الجروح · #26 (**permalink**) 03-07-2011, 02:59 PM

عسول المدينة ,, الحمدلله على السلآمة ومبروك الوظيفه ,,

وتستآهل يالغآلي الخير ::. ومشكور على نقلك لتجربتكـ ,,
وانا اقولكم بالخط العررريض ابتعدوا عن بآب جميل يرزقكم ربي وانا من تضرر منهم حسبي الله عليهم
وكلآم واحلآم والله الغآلبية مبآلغه وكذب ,, يعني ابتعد بيوفقك الله وبتحصل 100 طريقة وطريقة لتبدأ مشروعك
او تشتري اجرهـ ::. بنك التسليف افضل منه مآفي ::.

والله يوفق الجميع وييسر امورهم ان شآء الله ..

عزوبي ومتزوج · #27 (**permalink**) 03-07-2011, 03:23 PM

اقتباس:

المشاركة الأصلية كتبت بواسطة عسووول المدينة

رحت لبنك التسليف حسبلي السيارة مع كامل القرض والتأمين كامري 2009 بسعر 80 الف كااااااااااامله

بس عيبه تغيير المهنه

ولا الاوارق كلها على طول خلصت ماكملت حتى شهرين حتى فيه ناس قدموا بعدي استلموها معي بنفس دفعتي

لاني سالتهم وحنا رايحين نستلم اسيارات متى قدمو والله تواريخهم بعدي

يمكن الي اخرني البصمات بس اخذت 15 يوم

اما الاجرائات الباقية وقافي سريع سريع خلصتها

لا احد يزعل من الحقيقه هذي تجربتي مو شئ منقول

ايوا نسيت اقول

حسبولي قيمة السيارة على اقساط 4 سنوات 71 الف طبعاً قيمة التأمين الشامل فوق 9 الاف ريال
طبعاً موديل 2009
والحين سعرتها عندهم خبر اكيد 100%100 سعرها 72250 ريال

بس صراحة احلاااااااااا تأمين نفعني كثير لاني سويت حادث والحمد الله على سلامتي وعرفت قيمة التأمين خاصة الي عن طريق بنك التسليف

والسلام خير ختام

عسوول المدينه الحمد لله على سلامتك

كلامك صحيح 100%

وانا مطلع من بنك التسليف سياره اجره موديل 2007 بس الحين خلصتها كيف اسعرها عندهم

وانصح جميع من بيطلع سياره اجره لاياخذ من عبدالطيف جميل والله اني اعرف ناس كثير سحبوا سياراتهم منهم عشان تاخير في الاقساط رغم انهم شغالين اكثر منا بس الواحد يصير عنده ضروف ولازم يريح

واتمنى للجميع التوفيق

باسل عمر · #28 (**permalink**) 04-07-2011, 12:30 AM

حملة ( خلوها تصدي) يمدحونها هذا مثل المنشار ياكل طالع نازل مايشبع مثل النار اعوذ بالله من النار بيجنونا هذولا ياخي خذ مكسب معقول اما انك تحسب السيارة فوق 100 الف وتسحبونها اذا تاخر عن السداد شهر او شهرين لضروفه اقول احذف الموضوع لانه موضوع استغلال للناس والى منحدين ومنزنقين يدورون العيشة وانت جاي مندوب عطوك عمولة وما عاد يهمك امر احد لو الناس تموت اهم شي العمولة خل عندك ذمة وضمير وانصح الناس وانا اوجه كلامي لصاحب الموضوع عطنا تجارب الي اخذو منكم سيارة اقصاد سواء لموزين او سيارة خاصة وش سويتو لهم ماكلتوهم تبن ابيك تعطينا سوالف من اخذ من عبد اللطيف جميل عفوا ( الشيخ ) غرد يا بلبل مع تحيات [خلوها تصدي)

حلم حياتي اتوظف · #29 (**permalink**) 04-07-2011, 12:35 AM

اقتباس:

المشاركة الأصلية كتبت بواسطة عزوبي ومتزوج

عسوول المدينه الحمد لله على سلامتك

كلامك صحيح 100%

وانا مطلع من بنك التسليف سياره اجره موديل 2007 بس الحين خلصتها كيف اسعرها عندهم

وانصح جميع من بيطلع سياره اجره لاياخذ من عبدالطيف جميل والله اني اعرف ناس كثير سحبوا سياراتهم منهم عشان تاخير في الاقساط رغم انهم شغالين اكثر منا بس الواحد يصير عنده ضروف ولازم يريح

واتمنى للجميع التوفيق

بس عندهم ميزة ماهي متوفرة في بنك التسليف وهي لو سويت حادث بالسيارة وتلفت تلف كبير يبدلونها لك بواحدة جديدة انا سمعتها من واحد يوم كنت ادرس في دله مادري صحيحه او لا

بعدين انت قلت ان الي ما يسدد تنسحب منه السيارة طيب هي اصلا معدة للكد ليه ما يكد ويطلع حقها لو الصبح بس حيطلع قيمة القسط + فائض له

بس اما يطلع سيارة ويسحب عليهم وما يبغاهم يسحبونها