السلام عليكم ورحمة الله وبركاته

الحمد لله بعد ما اتصلوا علي البنك وقالوا لي مبروك الوظيفه

قالوا اتصل على شركة رياده وخلص شغلك معهم

وفعلا اتصلت على الشركة اللي بالرياض وقالوا تقدر تروح لفرعنا اللي بالدمام

وطبعا خلال هذا الوقت كنت ارسل اي شي يصير معي للأخ دمعة عاطل

وهو كذلك يرسل اي شي يعرفه جديد

واخر رساله كانت اني اعطيته رقم الجوال وهو كذلك اعطاني رقم جواله

وفعلا اتصلنا على بعض وتواعدنا عند الشركة

وفعلا رحت انا ودمعة عاطل للشركة اللي بالدمام

وقابلنا واحد اسمه محمد علوي آل اسماعيل

واعطانا اوراق وقال كمل الاوراق وجيب صور للشهادات و4 صور شخصية والسيرة الذاتية

وصدق الاوراق من العمده

وتعالوا بكره عشان نبصم ونخلص وضعنا

وهم يرسلون اوراقنا للرياض

طبعا طلعنا وكل واحد يقول يارب وش ذا العمده اللي طلع لنا ...............

وبعدها طلعت انا ودمعه عاطل وافطرنا ورحنا للقهوه

واخيرا رجعته لبيته

وان شاء الله بكره راح اقولكم وش يصير معنا بالضبط بعد مانصدق الاوراق ونبصم

وان شاء الله خير

بتوفيق ان شاء الله

والف الف مبروك

الله يوفق الجميع

بالتوووووووووووووووفيق
واذا جيتوا للرياض واحتجتوا مساااااااااااااااااااااعدة ابد انا في خدمة
الله يوفقكم

السلام عليكم ورحمة الله وبركاته

طبعا اخوي الفيصل ما قصر قال لكم كل شي وبعد ما قصر معي بعدي والله يا الفيصل

وانا من شوي خلصت مع العمده بالظبط الساعه 8:6 وصدقت الأوراق وقال صدقها من الشرطه

قلت سلامات وش شرطته بعد ولو اني بدخل العسكريه

وان شاء الله الوعد بكره عندهم على الله ما يقول رح للشرطه وناكلها صح

بس هو ما قال الشرطه قال العمده وبس

والله يوفق الجميع ان شاء الله ويرزقهم بوظائف

تحياتي للجميع

من جد سلاماااااااااااات
لا يكون يبغوا يعملوا لكم فيش و تشبيه >>>خحخخخخخخخخ
امزح ... الله يوفقكم يا ررب

ايه لازم بعد تصديق العمدة تصدق من الشرطة
بس المفروض مكتب العمده يكون عند الشرطة والا صدقتها عند بيته

الله يوفقكم جميع

مودتي

بالتوفيق يا أخوان

ترى شغلةالعمدة والشرطة عادية لا تخافوون


وأذا أحتجتم شيء روحوا للواصل

بالتوفيق

من جد سلامات وش دخل عمده وشرطه بالموضوع

الله يوفقكم ان شاء الله ونسمع اخبار حلووه عنكـــــــــــم

وعقبال مانشوف بشارة توظيفكم هاليومين

موفقين ويسهل اموووووورك