الشمس مايغطيها منخل
البطاله في السعوديه اكثر من المتوظفين
انت تدري ان الي متوظفين حالين هم من الشياب الي متعينين على عهد الملك خالد جعل اعظيماته بالجنه عهد الخير والكرم تعينو
والي توظفو بعد عهد الملك خالد الله يرحمه قله هم اهل الواسطه توظفو بواسطتهم
اما باقي الشعب عاطل ومعظمهم يحمل شهدات جامعيه أ ومجستير
حسبنا الله عليهم

انا مرة جيت اقدم بشركة انا واخوي اخوي يعرف مصري مهندس راتبة 40,000 الف ريال من غير البدلات المهم المصري الي بيتوسطلنا والله انه مستهزء بوضع السعوديين يقول السعودية ماتستاهل الخير بس هذا علشان دعاء النبي ابرهيم عليه السلام ,, يعني بختصار السعودي ما له قيمة

لا واللحين ازيدك من الشعر بيت صاروا يشترون بيوت الاجانب وعندهم محلات لا ومحلات بأساميهم مثال : تموينات دكا .. هذا شيء بسيط الهم لاحسد لهم حنا ما نحسدهم بس من أولى بالخيرات الي بلبد ؟؟؟ منووو ؟ مو اهل الوطن شباب الوطن ضاااعوا من الفراغ

الفراغ الي خلاهم سرابيت راعين مخدرات يسكرون لييه طيب انا ودي الي يخترع بالسعودية يصير مشهور يكون له تشجيع من اهل الوطن انفسهم مثال لا اكبرها واقول مخترعين مثال سباك , نجار , بناء , ليه نعتمد على الاجانب بكل شيء ترا يوم كنى صغير تعلمينا ما كان صحيح المفروض من الصغر الحرف المهنية يشجع من الناس انا ودي افهم ليه خلينا الشغل بالحرف المهنية عيب او شيء ننحرج منه ليه ؟؟

ابقولك قصة حصلت لي انا من كنت صغير عرفت ان ابوي فني لحام المهم كنت استحي ان احد يعرف ان ابوي لحام علشان محد يضحك علي شفت احسب الشغل عيب ؟؟؟ الحمدالله ابوي اللحين فني لحام وراتبة 10000 الف ريال بالمرتبة السابعة والله الحمد شفت كيف وش سوى الجهل فينا سررنا نستحي من الشغل عندك مثال اللحين لو خرب عندك الفيش بالبيت بتجيب الاجنبي ويمكن تركيب الفيش ما يبغى له شيء يا خذ منك 20 ريال تركيب فيش ؟؟ مو حرام شيء يقهر والله

انا من كنت بسن المراهقة كنت محد قدي انا سعودي ورافع راسي يعني كني امير يوم فكرت بالاخير انيء انسان طفراان بالمادة وانا نافخ نفسي مدري على ايش ؟؟ ما الوم نفسي على المجتمع الي كنت عايش فيه الي فيه من الكبر بس الحمدالله بعد ما كبرت وعرفت كل شيء عرفت انيء انسان عادي وبدولة اكثرها اجانب ماسكين المحلات ولا لهم قيمة عند السعوديين وسعوديين يثقوون فيهم وشبابنا الله يهديهم ما يفكر الا بالدخان والسوالف الي مالها داعي ياخي بدال ما تسولف سوالف فيها غيبة وكلام على الناس تعلم حرفة

ارجووو ان الفكرة وصلت لان تكلمت وانا مقهور وانشالله الشباب السعودي يتثقف ويفهم ويمسكون المحلات الي ماسكينها الأجانب باذن الله ... دمت بووود

واني لارا رؤسن قد اينعت وحان قطافها

آآآآآآآآآآآآآآآآآآآآه بس آآآآآآآآآآآآآآآآآآآآآآآآآآه

مشكور ين كلامك صح بس
الله الكريم