والله لو يقولون لي تعال والراتب فوق 8000 ريال


ما فكرت اتوظف عندهم او عند اي بنك ثاني


لي تحفظ ديني حول مصدر دخل موظفي البنك







تح ي تي

أشكر الجميع مشاركتهم وتواجدهم.

لاعدمناكم

الله يجزاك خير طيب أكتب بيناتي بالعربي وبالمربع اكتب المؤهلات والخبرات بالعربي
والا يشترط اني اكتبهم باللغتين ؟؟
لاني كنت بكتب بس احد الشباب قال انه كتب باللغتين وحبيت اتاكد
لأن موضوعك فرحني وتوني أشوفه؟؟
والله يوفقنا والجميع باللي فيه خير

تم أرسال السي في

أشكرك أخي عاشق الريم على الموضوع

لكن أحب أقلك أنه التوظيف بالبنك الفرنسي واسطات لا تعب حالك ولا يحزنون إلا إذا كان عندك خبره وخاصه خبره بنكيه ,,, هذا ما ذكره لي الأستاذ بندر أبو داود وهذا رقم مكتبه وهو مسؤل التوظيف 6515151 / 02 تحويله 2346

وقالي شخص بدون خبرات مانبيه وقلتله عندي خبره ما عجبته وصرفني قال نبي خدمه بنكيه قلتله لو إني موظف ما طليت بوجهك

أما بخصوص وظائف المسوقين لدى البنوك فمن عيوبها كثير منها أنها تسويق لبطاقات أتمانيه ربويه و أنت مالك دخل بالبنك توقع عقد مع شركة مشغله متفقه مع البنك و أيضاً هجوله يعني من مكان لمكان وبغالها واحد يخش عرض بالناس عشان تقنعهم بالمنتج و أيضا من عيوبها إذا ما جبت عملاء لفتره يسحبوا عليك طبعا أنا لما أقلك من عيوبها أنهم يبون سياره خاصه طبعا هذا عيب لأنه أنا بكد على سيارتي والله لو تحسبها ما جبت حق البنزين وهجولتك بالشموس

وأزيدك من الشعر بيت بنك الجزيره يوظف مسوقين وماينظر بالشهاده بـ 1500 ريال

وجميع الي أعرفهم أشتغلوا مسوقين لدى البنوك فصلوا خلال فتره لا تتجاوز 3 أشهر

طبعا قبل ما أختم البنك الفرنسي بنك واسطات أنا أعرف واحد توضف ومؤهله زي مؤهلي وبدون أي خبره وتوظف بالرياض خدمة عملاء براتب يتجاوز 5000 ريال وهو ذكرلي شخصياً أنه توظف عن طريق معرفه

هذا وصلى الله وسلم على سيدنا محمد وعلى آله وصحبه أجمعين

والله ولي التوفيق

يعطيك الف عافيه

شوف انا حابب اقول حاجه بالنسبه للبنك الفرنسي يعتبر من اسوا البنوك من ناحية التوظيف لايخفون فى الله لومة لائم وانا اقول هالكلام مو من اشياء اسمعها انا اقولها لانى مجربها فيه ناس لايخافون الله وحسبي الله على الى سووه فيني
انا بقلكم قصتي انا احمل شهادة دبلوم سكرتاريه بتقدير جيد جدا واحمل شهادة دبلوم سكرتاريه طبيه على يد كادر بريطاني من احد المستشفيات الضخمه فى المملكه سالفتي هى تم الاتصال على من الرياض وانا اسكن بتبوك قالو لى احضر الينا فى الرياض لعمل المقابله فحضرت وتم قبولي فقالو لى ارجع الى تبوك وانتظر اتصالنا وفعلا تم الاتصال بي بعد شهر وذهبت لجده وعملت اختبار اللغة الانجليزيه وابدعت به والى الان لهم تسع شهور لم يتم الاتصال بي طيب ليش ماعملو الاختبار والمقابله بجده طيب تلفووني مدينتتين وتذاكر طيران وفنادق وايجار سياره ويعلم الله بحالتي الماديه وفي الاخير يقولو لى اصبر الى قبل شهر يعني صبرت ثمانية شهور وفي الاخير قال لى موظف مثلا ( لو فيه شمس كان بانت من امس ) الى هذا الحد وصل الاستخفاف بالناس وبحالاتهم.
وهذا الشىء حصل مع ناس كثير اعرفهم ولكن كل الى اقدر اقولهم حسبي الله ونعم الوكيل الله يجازي كل انسان باعماله وهذا تحذير للشباب لاتنساقو وراء وظائف البنك الفرنسي لان كل شىء مبني عندهم على الواسطات واحنا يلفوننا المملكه علشان نكون صوره .
وشكرا