وزير و ج ـنون يـقـدمان : الشباب في رحـلـة لكازابـلانكا ( مقلب ينهي الرحلة) 3-3

وزير البطالة · #1 (**permalink**) 20-01-2011, 10:22 PM

بعد الجزء الثاني من رحلة الشباب في كازابلانكا لمشاهدته
نواصل اليوم الجزء الثالث والاخير من الرحلة ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

زيدان : وش رايكم نزور بعض المتاحف والأثار الليلية

الحر الباكي : وأنا أؤيد هالفكرة ونبغى نروح لهذي المتاحف الساعه 10 بالليل ..

شغب : وش هالمتاحف اللي مانزورها إلا الساعه 10 بالليل ..

خلونا نزورها الحين أحسن أخاف بالليل يقفلون ..

قلب المملكة : أنت تحسب مثل عندنا بالسعودية يقفلون بدري .. !

وبعدين هذي متاحف ليلية وصدقني راح تستانس من تاريخ الفتوحات الاسلامية

شغب : يالله يا إني مستانس وأخيرا بشوف بعض من فتوحات وأثار المسلمين على الطبيعة ..

طيب خلونا نرجع للفندق الحين نريح ..

الحر الباكي : صدقت يا شغب بعد ماناكل ياشباب خلونا نرجع للفندق ونريح
بدل هالتسكع اللي ماله داعي وخلوا التعب بالليل..

زيدان : أجل يلا مشينا للفندق..

بــــــــــــــــــــــعــــــــــــــــد الـــعــصـــــــــــــــر ---> على الناحية الثانية

الجرح الأليم : الحين ياريلاكس إتصل على خالك وقوله الكلام اللي إتفقنا عليه

Mr.RęLǻҗ : الووو ..
شغب : هلا بالبناخي .. كيف حالك ..

Mr.RęLǻҗ : حالي مايسر ياخالي ..

شغب : أفا .. وش العلم يابناخي ؟؟!

Mr.RęLǻҗ : العلم ياخالي ان ثلاث من الابل حقتك صابها مرض والله العالم ان المرض بينتشر في باقي الابل ..

شغب : هاااااهـ ...! تقوله صادق ..؟!

Mr.RęLǻҗ : ايه اجل بتبلاك وأكذب عليك ..!!

شغب : لا لا لا ...كل شئ الا ابلي حبيبات قلبي ..

Mr.RęLǻҗ : يلا مع السلامه يالخال ..
شغب : انقلع من يوم ما اتصلت وانا ادري ماوراك خير ...

الحر الباكي : وش السالفة ياشغب ..

شغب : السالفة ان ثلاث من الابل عندي مرضت واذا مارحت وشفت العلة الابل كلها بتروح فيها ..

الحر الباكي : طيب وش بتسوي ..؟! لاتقول لنا خلنا نرجع ..

زيدان : مافيه الا هذا الحل .. ياخي بعدين لا ماتت ابل شغب من وين لنا نياق نتسدح عندها بالعصرية ..؟!

قلب المملكة : اي والله صدقت ياالاقرع ترى تعودنا على حليباتها ..

الحر الباكي : اجل ضفوا عفشكم وخلونا نروح للمطار ونلحق على الرحلات ..

بـــــــــــــــــــعــــــــــــد ماوصلوا السعودية --> في المطار الساعه 11 مساء

بعد ماوصلوا لمطار السعودية ..
قلب المملكة : ياشغب اتصل على ريلاكس وخليه يجينا هنا بالمطار ..
شغب : الحين اتصل عليه

--> على الناحية الثانية

Mr.RęLǻҗ : هذا خالي يتصل ..!!

الجرح الأليم : رد عليه بسررررررعه

Mr.RęLǻҗ : هلا خالي

شغب : يابناخي حنا بالمطار تعال بسرعه وودني يم نياقي بسررعه .

Mr.RęLǻҗ : ههههههاي نجحت الخطة .. ضحكنا عليكم يادلوخ ..
الابل مافيها الا العافية بس عرفنا نجيبكم قال ايش قال كازابلانكا

شغب : هين والله مااتركها لك يادلخ يانحس ياحسود ...

زيدان : وش السالفة ؟؟!

شغب : السالفة إننا أكلنا مقلب إبن كلب الابل حقتي مافيها شئ بس ضحكونا علينا ..!

قلب المملكة : أنا ولد أبوي .. ماجابته أمه والله اللي يأكلنا مقالب .. وين هم موجودين ؟؟!

شغب : شكلهم بالإستراحة

الحر الباكي : يلا مشينا لهم

بـــــــــــــــعد ماوصلوا الإستراحة

الجرح الأليم : سلامة الأسفار

زيدان : الله لايسلمك

قلب المملكة : هجوووم ياعيال

نفسي ولو لمرة تكتمل رحلة ولو لـــ 48 ساعه

والى اللقاء في احداث قصة قادمة من فضايح الشباب ..

حنين الرووح · #2 (**permalink**) 20-01-2011, 10:28 PM

هههههههههههههه
ما انت هين يالجرح عرفت ترجعهم انت وريلاكس

وش هالغباء يعني بسبب نياق شغب ترجعون

ليه ما حـجزتوا لشغب وافتكيتوا منه وانتم كملتوا الرحله وزياة المتاحف

وزير .. جنون
دويتو متميز وامتعتونا بهالرحله
ننتظر موضوع لبنات المنتدى يستاهلون

الف شكر لكم ..

قلب المملكة · #3 (**permalink**) 20-01-2011, 10:35 PM

يالسلام دام فيها ضرب وبقوس بعد نرجع لو من المريخ

عادي أنا متعود على السفريات

الضعيف شغب ماله حظ في الرحلات

ربي يسعدكم وزير وجنون برحله شيقه

La vie en bleu · #4 (**permalink**) 20-01-2011, 10:40 PM

أحسن ايش وداكم المغرب
يسلمو وزير وجنون من جد ابدعتو ..
المرة الجاية اضيفوا قاصر الشر وخنجر وديع

اسراررر · #5 (**permalink**) 20-01-2011, 10:53 PM

اعجبني مقلب مستر ريلاكس والجرح

اسلوبه رائع بقالب كوميدي
س/ ليه ما ما تخذون معك مستر ريلاكس والجرح عشان مايسون فيكم مقلب ؟
يعطيك العافيه وزير وجنون

وزير البطالة · #6 (**permalink**) 21-01-2011, 02:43 PM

اقتباس:

المشاركة الأصلية كتبت بواسطة حنين الرووح

هههههههههههههه
ما انت هين يالجرح عرفت ترجعهم انت وريلاكس

وش هالغباء يعني بسبب نياق شغب ترجعون

ليه ما حـجزتوا لشغب وافتكيتوا منه وانتم كملتوا الرحله وزياة المتاحف

وزير .. جنون
دويتو متميز وامتعتونا بهالرحله
ننتظر موضوع لبنات المنتدى يستاهلون

الف شكر لكم ..

نياق شغب ماهي نياق طبيعيه ..

على قولة زيدان من وين لهم نياق يتسدحون عندها بعدين ..

البنات حالياً أفكر بموضوعهن ..

الف الف شكر لهـ المرور المميز ..

اقتباس:

المشاركة الأصلية كتبت بواسطة قلب المملكة

يالسلام دام فيها ضرب وبقوس بعد نرجع لو من المريخ

عادي أنا متعود على السفريات

الضعيف شغب ماله حظ في الرحلات

ربي يسعدكم وزير وجنون برحله شيقه

عاااد ماضربهم ولاحرض الشباب الا انت ..

يقالك الحين بردت حرتك فيهم ..

ترى ريلاكس والجرح ماعليهم من الضرب اهم شئ رجعوكم من كازابلانكا

الف الف شكر لمرورك يابطل ..

اقتباس:

المشاركة الأصلية كتبت بواسطة La vie en bleu

أحسن ايش وداكم المغرب

يسلمو وزير وجنون من جد ابدعتو ..

المرة الجاية اضيفوا قاصر الشر وخنجر وديع

الابداع هو مرورك من هون ..

ومليون شكر لمرورك ..

اقتباس:

المشاركة الأصلية كتبت بواسطة اسراررر

اعجبني مقلب مستر ريلاكس والجرح

اسلوبه رائع بقالب كوميدي
س/ ليه ما ما تخذون معك مستر ريلاكس والجرح عشان مايسون فيكم مقلب ؟
يعطيك العافيه وزير وجنون

صراحه ريلاكس والجرح عرفوا يلعبون على الوتر الحساس
وعرفوا كيف يجيبونهم ..

الله يعافيك ..
والف الف شكر لك ..

سراق القلوووب · #7 (**permalink**) 20-01-2011, 11:25 PM

ههههههههههههه قسم فطست ضحك

هي المقلب حلو بس يا انكم اكلتوها

يا الجرح انت وريلاكس
جاكم انواع البقس والكفخ

بس وحدة بوحدة اخذوا حقهم

وشغب زقارتك من الجزء الاول ما طفت

وش نوعيتها

زيدان باقي ما فكرت تنمي شعراتك

ودي تجي برحلة وعندك شعر

وقلب المملكة يا حبيلك للضرب بس لا اوصيك فيهم

وزير وجنووون ابدعتوا وتميزتوا

تسلمون ع هالطرح الجميل

اليوم يوم تقييماتي للجميع

رهين جرحه · #8 (**permalink**) 20-01-2011, 11:58 PM

ههههههههههههههههههههه

شكراً ع الطرح ابدعنوا
ورحلة شيقة ياوزير وجنون موفقين

الحـــــر · #9 (**permalink**) 21-01-2011, 04:26 AM

الله يسامحك يالجرح أنت وريلاكس

لو دقيتو علي أحول لكم قيمة التذاكر

ايه هين

فركشتو أم الرحله وزيارة المتاحف

صح انه مقلب / لكن لو كان صحيح ياشغب المفروض مانرجع

الله وهالنياق لو خلينها تموت أحسن . . الموت مع الجماعه رحمه

شدخل

بس أنا طلعت حرة المتاحف بظهر الجرح الأليم وبنيت فيه قلعه من الضرب والرفس

خخخخخخخخخخخخخخ

بصراحه أمتآآآآآآآآآآآآآآآآع ياوزير وجنون وربي ضحكت ليييييين دخت

والرسومات راكبه جداً مع السيناريو خخخخخخخ

رحله جداً جميله وممتعه عشت اجوائها مووت

سلمت لنا ياوزير وأن شاء الله القادم أحلى - أعجبتني الرحلات -

وسلمت يمينك جنوووون ماشاء الله مبدع وفنان بمعنى الكلمه

ربي يونس قلوبكم وخاطركم مثل ماونستوتنا

الف شكر وتقدير ياحبايبي وبأنتظار جديدكم

الجرح الاليم · #10 (**permalink**) 21-01-2011, 04:27 AM

^
يقلون ... ضرب الحبيب مثل اكل العنب
ههههههههههههههههههههااااااي
رجعو

رجعناهم السعوديه >> فاطس عليهم
الحمد لله على السلامه << كع كه
ثاني مره لا يتعودونها >> واحد يناظر بنص عين
خلهم يضربون << هههههههههههههااااااي
مقلب مرتب
لورثه لعيال عيال >>وخليه روايه
رجعو << هههههههههههاااا اجل تدورون الفله والفله في الاستراحه يالله قدام على المطبخ .. ماتعشية انا وصدبقي
للاستراحه ..
ايه اللحين تضبط السوالف
وتضبط العلوم
نلقى من يكملنا اربعه
ومن يطبخ لنا
الا ياشغب قلنا وشسوية اول مجاك الخبر
الحياه من دونهم صعبه ... ولا ياحبيب قلبي ..Mr.RęLǻҗ

وزير البطاله ..جنون
يعطيكم العافيه
قصه وسناريو جدا رائعه
وهذي قبله لكما <<تقاسموها
عاد لوخليتون امحطهم بالعقال كان انتو احلا اثنين

تسجيل الدخول

وزير و ج ـنون يـقـدمان : الشباب في رحـلـة لكازابـلانكا ( مقلب ينهي الرحلة) 3-3

إستراحة الأعضـاء

بعد الجزء الثاني من رحلة الشباب في كازابلانكا

وزير و ج ـنون يـقـدمان : الشباب في رحـلـة لكازابـلانكا ( مقلب ينهي الرحلة) 3-3