السلام عليكم...كيف حال الجميع.؟
:
:
ياشباب ابعدوآ عن قوى اﻷمن بالقصيم..نصيحة.!
\
الموقف اﻷول: (بدون واسطة)
رحت لقوى الامن بالقصيم اول مادخل سألت الاستقبال وين اللي ياخذ مني الكشف العسكري..
قال اطلع فوق ثاني باب عاليمين..طقيت فتح لي على طول خذا مني الخطاب بدون ماتلكم...
قال تعال اول شهر 4 ... حاولت يمين يسار..كأنه يقولي احمد ربك فيه ناس ابعد منك.
\
\
الموقف الثاني (مع واسطة)
رحت وخذت معي الواسطة...قال والله عشان ابو فلان..ولا غير بعد 5 شهوور
رح الحين للنفسية والمركزي خذ الاشعه...!

النفسية.. وانت عند الباب يختم لك..
المركزي.. الله لايوفقهم..هو اللي عطلنآ..جينا لمه قال قفلنا خلاص بكرا ان شاءالله..
ناخذ باليوم 20 نفر بسس ..تعال بكرا الساعه 8
والمشكلة قوى الامن قال تعال بكرا برضه الساع 7 ونص
ولا رح جب اشعه من اي مستشفى حكومي..واختمها لك..
رحت التخصصي قالوآ مانخدم الا المدنيين..ولازم تكون حاله طارئة او بكشف طبي يستدعي الاشاعه..
\
رجعت للبيت اجر اذيال الهزيمة
\
\
ملاحظة:
- واسطتي حارس امن ماهو تابع بعد للمستوصف
- لاتحسبون مع الواسطة اني بخلص عطوني موعد الاخير اللي هي اللجنه الطبية بعد 15 يوم
- المراد يا أخوان ابعدوآ عن الكشف بالقصيم..الا اللي عنده واسطه قوية مثل مدير المستشفى ض1