الا يالله عفـوك لا معـي بيجـر ولا جـوال
ولا عندي وضيفـه والتجـاره فاشـلٍ فيهـا

ولاعندي شهـاداتٍ ولاحرفـه تسـد الحـال
ولا حـظٍ كبيـر لا اخطـت الجـره يقديـهـا

مخابي الثوب تومي مادخلها من زمان ريـال
بها فاتـورة الكهـرب ولا يمدينـي اقضيهـا

على ذيك العراوي تتعب الحادي مـع الجمّـال
ثلاث اشهور فالورشـه وشهريـنٍ مغطيهـا

ابيها لو تجمّل يـوم واجلبهـا علـى الـدلاّل
يجيها واحـدٍ حظـه مثـل حظـي ويشريهـا

نصيت العسكريّه يوم قالـوا للنظـام رجـال
وقدّمت الملـف وصـورةٍ متشخـصٍ فيهـا

خذا الاوراق مني واحدٍ مـا عنـد ابـوه دلال
سلوم الناس واهل المعرفه والطيب مخطيهـا

قراها في دقيقه والتفت عجـلٍ علـي وقـال
شهادتك العظيمه يا ولد ويـن انـت مخفيهـا

هزّيت الراس ماعندي تقول اني مـن البنقـال
وقمت احـب خشمـه واطلبـه بالله تمشّيهـا

حذفها من يده شين الطبيعـه والنبـا والفـال
وقال ازين تعـوّد صـوب نوقاتـك تعشّيهـا

تناوشته من الكرسي وعفت الحل والترحـال
وضربته بالبياله عقب مـا بيّحـت شاهيهـا

خذوني للسجن لا نيـب لا ظالـم ولا محتـال
مجرّد واحـدٍ جـا يكحـل عيونـه فيعميهـا

ويوم اني خرجت اقفيت لارض الله وسيع الجال
علـى بـرٍ هـواه يـداوي العلّـه ويبريهـا

ادوّر قصعة الجربوع والظـب الفتـي يختـال
والارنب يا شفاة الروح ما احلاهـا وطاريهـا

بـلا كهـرب ولا بيجـر ولا غـازٍ ولا نقّـال
قوانين الحضاره لا تبـي شوفـي ولا ابيهـا


للشاعر سعد بن جدلان الاكلبي

اختيار رااائع
صح لسان من قالها
وتسلم يمينك عالنقل

يسلموووووووووووو ياقمر ع هييييييييك

مرور

دمتي بكل الود

مشكوره على القصيده الرائعه

يسلمووووووو روميو

ع هيييييك مرور

يعطيك الف عاااافيه ع النقل الرااائع والجميل

وصح لساان الشاااعر واللي كتبها

وتقبل مروووري

يسلموٍوٍوٍوٍوٍوٍوٍوٍوٍوٍوٍوٍ

بـلا كهـرب ولا بيجـر ولا غـازٍ ولا نقّـال
قوانين الحضاره لا تبـي شوفـي ولا ابيهـا


عندما يتحول الحلم الى محال .. وتتحول الحاجه الى منبع ألم

عندها فقط .. لن يجد الانسان اكثر من هذا التعبير مصداقيه

صح لسان الشاعر .. وسلمت يداك على الاختيار الجميل

ابونوره

وحيد الدرب

دمت بالكل الخير