الله يعطيك العافيه

مشكور على الخبر

وبالنسبه لي انا قدمت من سنه وأكثر ولا اتصلو على وشهادتي دبلوم برمجه بعد الثانوي

وبالنسبه للي يبغى يظيف شي لسيرته الذاتيه لازم تكلمون البنك وتقولون لهم يلغون السيره الأولى

وبعد أسبوع من إلغائها تقدرون تكتبون السيره من جديد

هذا حصل لي من شهرين تقريباً لما بغيت أعدل في سيرتي ورفض النظام وكلمتهم وقالو لازم نلغي طلبك الأول وقلت ألغوه ^_^

الله يكتب الخير للجميع ويرزقنا بالوظايف اللي تغنينا عن العالم .:*_*:.

مشكور حبيبي

مقدم عليهم او مافتح موقعهم على النت من زمان

وللأسف محد اتصل الى الآن

تحياتي للكاتب

طيب ما فية وظائف للنساء؟؟ في بنك البلاد؟؟؟

السالفة بصراحة واسطات

عندنا بالحسا موظفين بنتين اعرفهم شخصياً وهم ما انقبلوا الا بالواسطة

وانا مقدمة من سنة ولا جا علم ولا خبر ويوم راجعت الفرع قالوا ااذا بغيناك بنتصل فيك

لكن feeling lover انت قدمت عن طريق النت من سنه او بطريقه ثانيه؟

اخشى انهم يشترطون لغة حتى لموظفي الفروع

السلام عليكم ورحمة الله تعالى وبركاتة

اشكر كل من تداخل في الموضوع واسف على تأخري في الرد

في الحقيقة اختبرت الاسبوع الماضي وحبيت انقل لكم اللي حصل

الاختبار كان في الحاسب الالى واللغة الانجليزية
اختبار الحاسب الالي مجموعة اسئلة عن الورود والاكسل والبوربوينت

مثل كيف تضيف جدول , حذف خلية , اضافة شريحة , تنسيق الخلايا والجداول
كل ماعليك ان تعرف وظائف القوائم الموجوده في البرنامج في الاعلى الاختبار سهل بشكل عام

اختبار اللغة 72 سؤال خلال ستين دقيقة والاسئلة عامة وتتركز على المحادثة مثل ماذا تقول لصديقك عن الفوز , او ماذا تفعل اذا اردت الخروج من العمل للفطور وهكذا والاجبابات في كل الاختبارين اختياريه من ثلاث اجابات

المتواجدون منهم من يحمل بكالوريس او دبلوم وبتخصصات مختلفة

شي مهم وعلى اساسه ربما يتوفق العديد منكم بإذن الله في الحصول على وظيفة

البنك يتوسع في عدد من المدن والمناطق وكلما اقترب موعد اطلاق فرع جديد يتصلون في الاشخاص الذين قدموا على الوظيفة في تلك المنطقة حسب اقدمية الطلب حسب مافهمنا منهم

يعني حاولوا يكون تقديمكم على مناطق حديثة ومنتظر افتتاح فروع جديدة بها

مازلنا ننتظر اختبار المقابلة الشخصية ادعوا لنا بالتوفيق

واسأل الله ان يوفق الجميع ويرزقهم من حيث لا يحتسبون

آمين وتسلم أخوي .

أنا سبق أني سويت المقابله من أسبوعين بالضبط ..

وأنتظر ردهم مع العلم أن مديرة الفرع بلغتني بإجتياز المقابلة بنجاح ..

وطبعا الأخ كاتب الموضوع أجروا له أختبارات حاسب ولغة ..

فأعتقد أن النساء تختلف عن الرجال

يعني إحنا النساء بس مقابلة شخصية ..


والأخت اللي سألت عن الواسطة ..

عزيزتي المسألة تختلف .. بمعنى ..

أنا أتصلت على الموارد البشرية وقلت لهم مؤهلاتي

قال تخصصك الجامعي بعد سنتين بناخذه الآن لا ..


طبعا أنا عارفه تماما أن بالواو بيمشي كل شي ..

قدمت من خلال الرابط .. وبعدها على طول

جبت لي واسطة كبيرة من عندهم بالمقر الرئيسي ..

وتحدد موعد المقابلة بعدها بشهر .. سبحان الله من سنتين وينظرون

في أوراقي إلى شهر وأسوي المقابلة .. عجايب ..

المهم سويت المقابلة .. ونجحت فيها .. بس حطوني خيار ثاني ..

وبعد الصيفية سألت إذا كانت فيه فروع جديدة بتفتح قريب ولا ..

وطبعا كان فيه .. فأرسلت أوراقي على الفاكس ..

وأنتظرت .. وبين فتره وفتره أتصل على الموارد البشرية ..

ولما رحت للمقابلة القديمة من 6 شهور .. لقيت وحده تخصصها أحياء

فسألتها أنتي بالواسطه ؟؟ قالت: لا قدمت من 3 أسابيع ونادوني الآن ..

أجريت المقابلة ونجحت فيها وللعلم يا جماعه

تأكدوا مهما كانت واسطتكم ترى اللي بيوظفكم أولا وأخيرا ربي سبحانه ..

ثم كفاءتكم في العمل حتى لو ما عندكم خبره .. جدكم واجتهادكم بالعمل

وحرصكم على أداءه على أكمل وجه

هو اللي بيخليكم تتوظفون وتستمرون بالوظيفه ..

وحتى مديرة الفرع قلت لها نصا ..

أنا جبت الواسطة بس عشان

تتاح لي الفرصة بالمقابلة الشخصية ..

لكن واسطتي في توظيفي أو بقائي على رأس العمل

هو جهدي واجتهادي .. وإلا أنا ما أعترف بالواسطة

أنا أنحديت عليها عشان آخذ فرصتي .. سكتت طبعا ..


لأني ما أبي مدارس أهليه .. ولا المجال التعليمي كله

ولا أبي تخصصي ( خدمه أجتماعية ) .. إلا ياربي

إذا بتوظف في وزارة الشؤون الإجتماعية ..

أفكر أشتغل بمؤهلي .. حاليا أطمح لعمل إداري

والبنك فيه فرصة كبيرة أن الواحد يثبت نفسه ..


الأسئلة كانت /

تكلمي عن نفسك .. تكلمي عن حياتك الشخصية ..

ليه تركتي العمل السابق ؟ كم كان مرتبك ؟

مدى معرفتك بالعمل المصرفي .. أين تضعين نفسك

يعني خدمة عملاء .. صراف .. تداول .. وسيط أسهم .. خدمات التميز .. إلخ


طبعا أنصح أي وحده تبدأ بخدمة عملاء وبعدها تتدرج بالوظيفه ..

وش ممكن تقدمين للبنك ؟ موقف أثر عليك بعملك السابق ؟

موقف تحسين أنك أنظلمتي فيه ؟

كيف تتصرفين لو عصبت أي وحده من العميلات ؟

وش الصفات اللي المفترض أنها تكون بموظفة البنك ؟


هذا اللي أتذكره والله ..

والأكيد أني أكتب الكلام هذا عشان الكل يستفيد

وحقيقي أنا أستفدت من الرد السابق للأخ كاتب لموضوع ..

لو صار فيه إمتحان على الأقل عرفت نمط الأسئلة .. مع

أني أعتقد أن البنات فقط مقابله شخصية ..



الأرقام يا حبايبي ..

رقم الفاكس اللي ترسلون عليه السيرة الذاتيه ..

لكن أكرر الرابط أهم .. الرابط أهم بالنسبة للتقديم الفاكس حل ثاني ..

وحاولوا تكون صفحة واحه فقط / 012917220

رقم التليفون المباشر للموارد البشرية / 014798757

رقم بنك البلاد / 014798888



أتمنى للجميع التوفيق ..

انا قدمت قبل شهرين تقريبا...

والمدن اللي كتبنهن مافيهن فروع...لحد الان