قصيدة ابعتذر و قصيدة تقوى الهجر .........؟

SLOoOM · #1 (**permalink**) 23-10-2007, 01:00 AM

ابعتذر غناها الفنان محمد عبده وتقوى الهجر غناها خالد عبدالرحمن

هي سبب قصيدتين قديمات وحده منهم ابعتذر للشاعر بدر بن عبدالمحسن

غناها فنان العرب محمد عبده.

والثانيه تقوى الهجر او (( لاتعتذر)) للشاعره...كما لقبت نفسها... بــ(( الامل المجروح))

غناها الفنان خالد عبدالرحمن.

هذي القصيدتين طلعت عنهم اشاعات كثيره اللي يأكدها واللي ينفيها

لكن الاكيد والاكيد انها لبعضهم مقصوده

وكما هو الواضح قصيده ابعتذر هي الاولى وقصيدة تقوى الهجر رد عليها

الاشاعه اللي سمعتها عنهم هي ان الامير بدر بن عبدالمحسن كان ناوي

ينفصل عن زوجته اللي هي الامل الجروح لكن ماكان يقدر يقول لها وجه بوجه

فأرسلها لبيت ثاني بيت اهلها .. وبعد مامرت ايام طويله ارسل هذي القصيده

مع احد السائقين لها واول ماقرت القصيده اغمى عليها وفهمت منها انه طلقها

مع العلم ان البدر كان يموت فيها بس اللي سمعته انه انفصل عنها لظروف

خاصه.

وهذي القصيده اللي كتبها بدر بن عبدالمحسن وكلكم اكيد تعرفونها:-
.
.
.
.
.

ابعتذر..عن كل شي..

الا الهوى ..ماللهوى عني عذر..

ابعتذر .. عن اي شي..

الا الجراح.. ماللجراح الا الصبر..

ان ضايقتك اني على بابك امر..

في ليلة الم ..اني على دربك مشيت عمري وانا قلبي القدم..

ابعتذر.. ابعتذر..كلي ندم..

عن كل شي الا الهوى ..

ماللهوى عندي عذر..

اتصدقي مااخترت انا احبك..

مااحد يحب اللي يبي..

ياحبي المر العذب سكنتي جروحي غصب..

ليت الهوى وانتي كذب..

كان اعتذر لك عن هواي..

مااقول انا.. كوني معاي..

ان ضايقك ان ضايقك اني على بابك امر

في ليلة الم..

واني على دربك مشيت عمري وانا..

قلبي القدم..

ابعتذر..ابعتذر..كلي ندم..

عن كل شي الا الهوى

ماللهوى عندي عذر
ــــــــــــــــــــــــــــــــــــــــــــــــــ
ــــــــــــــــــــــــــــــــــــ

قصيده جميله بمعنى الكلمه للبدر .....((لكن))

كان الرد بالنسبه لي اجمل واجمل للامل المجروح

ــــــــــــــــــــــــــــــــــــــــــــــــــ
ــــــــــــــــــــــــــــــــــــ

وهذي قصيدة تقوى الهجر ((لاتعتذر)) :-

تقوى الهجر ..

مانجبره من عافنا ماينجبر.. لاتعتذر..

راح الصبر..

لا لا تعنا لي وتمر.. وتبغى الصبر..

وين الصبر..تقوى الهجر..

وش لي بقا عندك .. تدور لي عذر لاتعتذر..

((( جرحي عميق والقلب في دمه غريق )))

وتبغى الصبر ويلاه من وين الصبر مهما تقول ((لاتعتذر))..

مهما تقول من الاغاني والجمل..مايحتمل قلبي فديه جبر الالم..

يمشي معك درب الندم مايحتمل..

يكفي عليه ..منك احتمل كذب وغدر..

حبك سراب ضيعت وقتي اتبعه يكفي عليه..

وسط الضباب صوتك ينادي اسمعه صرت اتبعه..

واليوم في صحراء الظماء..

ترمي فؤادي وتحرقه..

وترجع تقول ابعتذر ليه العذر..

((دام الهوى ماله على قولك عذر))

والجرح ياجرحي يداويه الصبر..ليه العذر..؟

الله كريم .. الله عليم

هو عالم بالحال((ولايمكن يظيم))

عزاه لك ياقلبي يااحلا نديم..

عزتي للحب لو يصبح يتيم..

حبك يتيم وكلك ندم..

وين الندم بين السطور..

عمر العدم ماله ظهور..

((ترى هذا غرور))

تمشي بطريق وين بطريق اللي يودي لبعيد..

عنك يااول رفيق البعد يعفيني المزيد..

وين الوفاء والتضحيه وينك رفيك؟؟!! ......

وبجمع اوراق السنين..

(((((((((((( لاتنسى تجمع جروحي ودمي واهاتي معك)))))))))))

وقلبي بعد ماقتلته يارفيقي ماعاد يقدر يمنعك

كل الامر عاد بيديك ...

ياخلي ياهاجر .. ماعنــــــــــــــــــدك عـــــــــــــــــــذر.....

************

وهنا انتهت الحكاية

نقلتها لكم ربما لتتألموا مع الأمل المجروح

أو تعتذروا مع البــــــــدر

واتمنى اني قد توفقت في نقل القصيدتين

ولكم كل التقدير والاحترام

جانيت · #2 (**permalink**) 23-10-2007, 01:16 AM

مانجبره من عافنا ماينجبر.. لاتعتذر..
وش الظروف اللي تخليه يطلق زوجته
الله لايبلانا
بس القصيدة حلوووووووة

ريم السعوديه · #3 (**permalink**) 23-10-2007, 01:21 AM

سـلوم ,,

تسلم ايدنيك ,, نقل موفق ,, وقصائد اشهر من نار على علم ,,,

جدا رااااااااااااااائعه ,,

كلمة راس ::

توني ادري انهم متزوجين ,, هع ,, ,,

بس حزنتني يوم اغمى عليها

مشكووور خيووو على القصائد اكثر من راااااااائعه

قطريه من شمر · #4 (**permalink**) 23-10-2007, 01:37 AM

تسلم على النقل

امتعتنا بألم

قصيدتين غايه في الروعه

تقبل مروري

اختك
قطريه من شمر

lotis · #5 (**permalink**) 23-10-2007, 02:46 PM

كل القصيدتين اجمل من بعض
البدر شاعري المفضل
ليه يطلقها حزنت عليهم

يسلموووووووووو سلووووووووووم

طموحها زايد شويه · #6 (**permalink**) 23-10-2007, 03:02 PM

سلوووووووم نقل اكثر من رائع

بس صدق هالقصه

<<<عايشه جو رومانسي

ياحياتي اغمى عليها

بس اكيييييييد الامير بدر كانت عنده ظروف

حيييييييل قويه

فعلا رائعه

سلمت يمناك

عبادي عاطل · #7 (**permalink**) 24-10-2007, 02:13 AM

رووووووووووووووووووووووووووووعه

يعطيك العافيه

مَاجِد · #8 (**permalink**) 24-10-2007, 02:52 AM

يعطيك العافيه سلوم

مره سمعته مقطع ممزوج يغني ابونوره بيت من قصيده ابعتذر
يرد ابونايف من تقوى الهجر ببيت

.. دمت بود

ايه احبك · #9 (**permalink**) 24-10-2007, 03:39 AM

وين الوفاء والتضحيه وينك رفيك؟؟!! ......
وبجمع اوراق السنين..
(((((((((((( لاتنسى تجمع جروحي ودمي واهاتي معك)))))))))))
وقلبي بعد ماقتلته يارفيقي ماعاد يقدر يمنعك
كل الامر عاد بيديك ...
ياخلي ياهاجر .. ماعنــــــــــــــــــدك عـــــــــــــــــــذر.....

اختيار اكثر من رائع
سلمت يمينك على النقل المميز
يعطيك العافيه
وتقبل مروري البسيط

كــــــــــــــــــــــــانت هنـــــــــــــــــــــــا
.•:*¨`*:•. ][ ايه احبك ][.•:*¨`*:•.

حزن الأصايل · #10 (**permalink**) 24-10-2007, 08:10 PM

يكفي انه محمد عبده اللي غنى الاول
يسلموووووووووووو سلوم

قصيدة ابعتذر و قصيدة تقوى الهجر .........؟

الشعر والنثر

ابعتذر غناها الفنان محمد عبده وتقوى الهجر غناها خالد عبدالرحمن هي سبب قصيدتين قديمات وحده منهم ابعتذر للشاعر بدر بن عبدالمحسن غناها فنان العرب محمد...

قصيدة ابعتذر و قصيدة تقوى الهجر .........؟

تسجيل الدخول

قصيدة ابعتذر و قصيدة تقوى الهجر .........؟

الشعر والنثر

ابعتذر غناها الفنان محمد عبده وتقوى الهجر غناها خالد عبدالرحمن هي سبب قصيدتين قديمات وحده منهم ابعتذر للشاعر بدر بن عبدالمحسن غناها فنان العرب محمد...

قصيدة ابعتذر و قصيدة تقوى الهجر .........؟