تأسس الموقع عام
2006
Site was established in 2006
موضوع مغلق |
|
LinkBack | أدوات الموضوع | انواع عرض الموضوع |
|
|||
السلام عليكم
اعجبني الموضوع ولكن استغربت الردود شوي كم وحده قالت ابي اتزوج اجنبي ((علشانه متحرر)). س / متحرر كيف و بأي شي ؟؟ اتمنى ماشوف اجابات دبلوماسيه او تقولوا متحرر بكل شي , علشان الشباب يشوفوا الموضوع و يصيروا متحررين. واذا كان على السفر السعوديين يسافرون لكل مكان حتى باريس ويمكن اكثر من الأجانب اللي اغلبهم يسافر علشان العمل ويتغرب ايه احبك تقصدين هيفاء منصور المخرجه اللي تزوجت الأمريكي برادلي على ما اعتقد ؟اتمنى انك ما تقصديها . Poem مره وحده بريطاني ولا ياباني عزالله مزاجك متقلب يا من اقصى اوروبا يا من شرق اسيا وش جاب ذا لذا لا فيه تقارب بالثقافه ولا بالشكل ولا حتى باللغة هههههههه اقول ما ينفع سوداني على فكره السعوديين اللي تقولي ما يسوو ملى بطنهم ترى همه منك وفيك واذا كانوا كذا بيكونوا السعوديات بعد مثلهم لان التربيه والعادات والتفكير ... الخ نفس الشي حزن الاصايل عسى ربي يوفقك بأفضل منه (عسى ان تحبوا شي وهو شر لكم) خلي املك بالله . اما بالنسبه لي لو جابوا لي ملكات جمال العالم اختار منهم ما يملى عيني بالعالم الا سعوديه اتمنى البعض وخصوصا اللي علقت على مشاركاتهم ما يزعل مني على هالرد ويتقبلوه بروح رياضيه واختلاف وجهة النظر لا يفسد للود قضية وإن شاء الله لي عوده وأحييكم وأحيي كتاباتكم وشكراَ |
|
|||
SLOoOM
فيه نماذج فاسده من البنات ومحد ينكر ! المشكله ان الشاب لو تزوج بنت وطلعت فاسده يطلقها عادي !! وش وراه ؟ يتزوج ثانيه بس البنت اذا تزوجت فاسد وش تسوي فيه !!؟؟ فيه كثير يصبرون عشان عيالهم ويتعذبون وفيه اللي مايصبر ويطلب الطلاق << وأنا أؤيد هذا الشيء لان الأب اذا صار فاسد بيفسدون عياله ! المهم ان البنت اذا اختارت الطلاق بيصير اسمها ( مطلقه ) ومايحتاج أقولك عن نظرة المجتمع للمطلقة ! وطبعا ( المطلق ) مثله مثل ( اللي ماتزوج ) عادي !!! :o سؤالك حلو :o ومشكوووووووور عليه قسما بالله أني أتمنى اتزوج أفريقي من جنوب افريقيا بشرط دينه وخلقه واخترت جنوب افريقيا لسببين: 1- ديرة "أحمد ديدات" فارس المناظرات وقاهر المنصرين( الله يرحمه ) <<< معجبة بالداعية هذا ويارب اكون مثله واللي مايعرفه -- هذي صورته ونبذه عنه: بعد مسيرة دعوية حافلة في نصرة الإسلام - لم يثنه عنها الشلل الكلّي الذي ألزمه الفراش حوالي عشر سنين - أسلم الداعية الجليل "أحمد ديدات" روحه إلى بارئها؛ في مؤشر جديد على انتقاص الأرض من دعاة الحق والهدى، وقبض العلم بقبض حملته! وبهذا تطوى صفحة الداعية الكبير الذي كان يواصل دعوته – من فراش مرضه المقعد - من خلال الرسائل التي كانت تتدفق عليه يوميا من جميع أنحاء العالم بما متوسطه 500 رسالة يومية عبر الهاتف والفاكس والإنترنت والبريد! وأعلن الإثنين الماضي في جنوب أفريقيا عن وفاة ديدات ـ رحمه الله - عن عمر يناهز 87 عاما - بمدينة "ديربان" بعد معاناة طويلة مع المرض الذي ألزمه الفراش منذ عام 1996 نسأل الله تعالى أن يسكنه فسيح جناته، ويجمعنا به مع النبيين والصديقين والشهداء والصالحين وحسن أولئك رفيقا. واللي يبي يعرف أكثر يكتب ( أحمد ديدات ) بمحرك البحث الشهير Google 2- عندهم Cape Town أجمل مدينة بالعالم ! |
|
|||
ganate
أنا أبي الأجنبي ورديت على سلوم نعرف انه فيه (سعوديين مش ولا بد وأجانب مش ولابد) عشان كذا كلنا قلنا أهم شيء ( دينه وخلقه ) وبالنسبة للتأكد من الأخلاق !! !! للأسف بمكالمات ايام الملكة (قبل الزواج) راح تحسين فيها انه احسن واحد بالدنيا تبينه يطلع بلاويه يعني؟! بعدين راح تشوفين المفاجآت ---- nany وكل واحد مقتنع برأيه بس انا حبيت أشوف اراء الكل مو معناتها ان رأيي راح يتغير من ارائهم او اني أبي ارائهم تتغير !! ومو معناتها ان رأي صح أو رأيهم هو الصح ( اختلاف الرأي لايفسد للود قضية ) وبالنسبة للبهذله اللي تقولينها أنا بالنسبة لي أبي أعيش بجنوب افريقيا وبنجي نشوفكم بالعطل المهم لكل اللي ردوا واللي قروا الموضوع وماردوا اسفه اذا غلطت على احد او جرحت أحد:o واحترموا رأيي وانا محترمة ارائكم الغرض من الموضوع بس تبادل الاراء وكلنا أخوان وأهل |
|
||||
اتزوج اجنبي ؟؟ |
|
|||
اقتباس:
وصراحة لو تقدم لي هندي او حتى سوداني ابي اوافق اذا كان انسان طموح ومثقف ومافي راسة شي اسمة عادات وتقاليد زي السعوديين الي ذابحينا بيها. ودي في انسان مايمانع انة يدخل المطبخ معي يساعدني في غسل الصحون ويوم يطبخ ويوم اطبخ. التربية والعادات الي رافعلي اياها ماتهمني. التربية والعادات في السعودية تنص على ان الولد احسن من البنت في كلش حتى لو يغلط يطبطبون علية البنت ياحيف عليها من المدرسة للبيت لا ويراقبونها ويضيقون عليها ومايعطونها ولا 1% ثقة كانها مسوية جريمة. لا يا اخي انا اتبرة من كل العادات والتقاليد السعودية ابي انسان اذا وزن يوزن بنفس الميزان زي مجا في الكتاب والسنة ما عمري سمعت انو الولد اذا زنى يطبطبون علية في الشرع ويزوجونة ويسترون علية والبنت يذبحونها لانها شوهت شرف الاسرة؟؟؟؟ يا اخي هذا مثال من مليون مثال اقدر اعطيك اياة. انا مع التربية الحسنة الي توجة عند الخطء وتوعي وتنصح قبل لا تعاقب. ومع العدل في التربية البنت ماهي اقل من الولد علشان يتقلل من قيمتها. كفاية انو كل مجاه عريس يطير و البنت ماعندها خبر والسبة اخوها!! وهذا الكلام في معظم العوايل السعودية وبل اخص البدوية. ولا لانة في اكبر منها ماتجوزو... يعاملونها زيها زي اي قطعة اثاث في البيت وكانها من غير احساس ومشاعر. معليش انا اتكلم من واقع وقهر. لا للسعودي المعقد ابو العادات والتقاليد الله ينولني الي في بالي ويعطيني على قد نيتي وصبري امين انا وبنات المنتدى وكل بنات المسلمين امين يا كثر بربرتي معليش طولت بس حبيت افضفض |
|
|||
اقتباس:
وينة هل هندي ولا الباكستاني اتزوجة ولا السعودي الي يبي يقتل كل الطموح الي في قلبي. انا معي ماجستير وابي واحد معاه ماجستير في التربية والتقدير والحب. مش واحد يغار لان زوجتة شهادتها اعلى منة ويبدا يعقدها ويمنعها تكمل تعليمها ويجلسها في البيت لا شغل ينفعها ولا شمت هوا زيها زي حال العالم. ابي واحد يشجعني ويرفعني ويحط يدة في يدي. السعودي مايبي غير الكبسة والمفطح كل يوم وهاتك خرجة مع الشباب كل ليلة وكائن الزوجة خدامة في البيت مهمتها الغسيل والطبخ والاولاد وارضاء نزواتة وبس...!!! انا انسانة ابي اتزوج من انسان والسلام |
|
||||
اللهم ياجامع الناس الى يوم لا ريب فيه تجمعي مع عريس عراقي.. .. |
موضوع مغلق |
(( لا تنسى ذكر الله )) |
|
|
|