تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
23-01-2011, 10:33 PM
|
|||
|
|||
|
سيرتي وحلم حياتي وحرف الواو
بسم الله الرحمن الرحيم الوظيفة السلام عليكم ورحمة الله وبركاته  : لا يوجدالطموح : انا احلم اني ادخل الطب لكن بعيده علي لأنه نسبتي بالثانوية ماتأهل 95 % وقدرات 73 % وتحصيلي 68 % سنة التخرج : 1430 هـ الثانوية : حكومية وموب اهلية ... بقول لكم معاناتي من اول ماقدمت على اخس جامعة اللي هي الملك سعود الى الحين اول شيء خلصت الثانوية وانا افكر بالطب لكن اشوفها بعيده شوي وقلت فرصة كلية التمريض حلوه وعمل انساني ورواتب حلوه لكن الحلم ماطول قدمت عن طريق الموقع واخترت اول رغبة كلية التمريض والثانية ماضربت لها حساب لأنه بكل بساطة حلمي بالتمريض الرغبة الثانية حطيت حاسب آلي ,,, موب لأنه رغبتي لكن حطيت امل 1 % لو مانقبلت ادرس فيها موب طموح ولا هو حب حاسب لأنه خبرتي طويله بالنت والكمبيوتر من 10 سنوات اياه 5 ابتدائب وما انتبهت انها كانت وللأسف كلية المعلمين حاسب آلي المهم سافرت وكلي امل انقبل بالتمريض وجاك 19 / 8 / 1430 هـ اظن التاريخ هذا اللي كانو يعلنون النتائج فيه المهم انا بالديره ( القنفذه ) ديرتي واليوم مستانس وادعي اني انقبل واصير ممرض الا وأتفاجأ اني انقبلت بكلية المعلمين حاسب آلي الحين منجد تحطمت وافكر واتصل على خويي اللي هو على وشك يتخرج من الجامعة ( بالتحديد جامعة جازان تخصص حاسب آلي //// الحمد لله الحين معلم ) وقالي يا,,,ابوطلال ,,, ان كان هي كلية المعلمين فما تصلح وان كانت حاسب الي كلية العلوم فلا تتردد ارسل الملف انا الحين مدري وش اسوي اخاف مارسل الملف وابقى عاطل ومنجد هنا التحطيم لا جامعة ولا تمريض فأرسلت وانا مقهور صراحة بالبريد السعودي واعطوني بعد كم يوم رسالة انه تم استلام الملف جاكم الحين اول يوم بالدراسة 13 / 10 / 1431 هـ الظاهر موب متأكد بالضبط وداومت قبل العالم بأسبوع لجل المقابلة الشخصية واجراءات بالكلية المهم وانا اطلع ابي اروح للجامعه واوصل الجامعه اللي هي بالدرعية واوصل المركز الرئيسي وين كلية المعلمين ؟؟قالي وشو معلمين هنا !!!! مدري والله ياخوي بس مدري شوف لك واحد واسأله وشفت واحد ثاني وقلت له ياخوي كلية المعلمين وين ؟؟ قال ياخوي ان ماخاب ظني موب هنا هي بمكانها القديم !!! وين مكانها ياخوي ؟ قالي حي السلام انا قلت اووووووف !!!!!! فقلت الشكوى لله نروح نشوف الكلية واطلع لهم وفعلا طلعت كليتي هناك وسويت المقابله لكن في حياتي ماكرهت مثل ماكرهت حق المقابلة واحد مطوع حسبي الله عليه سألني كم سؤال انت وش تطمح له ووش تبي من كلية المعلمين واظن قالي عد من 1 _ 10 قمة السماجة والله المهم وانا ماشي يعني تقريبا مستانس لأنه قالي مقبول القبول وفي نفس الوقت تخيلتها لو كانت التمريض وقالو لي مبروك القبول ياابوطلال  المهم طلعت وادور بالكلية لا خدمات ولا كوفي ولا شيء زي الناس حتى الاكل اطلع برا اكل من المحلات مليت وانا ادور كلية كانها من العصر الفرعوني مباني قديمة وكل شيء المهم رحت البيت وخلاص دوامي الحين بيدأ السبت مع طلاب المدارس رسمي المهم جآآآآني كم وسواس اني اترك الجامعة لكن داومت كم يوم ورحت لشؤون الطلاب قلت له في امل احول من الكلية قال عبي نموذج تحويل من كلية الى اخرى وفرحت وعبيته لكن المفاجئة يوم بروح القبول والتسجيل انا صراحة ماكنت افهم وشفت الزحمة والناس اللي تروح قلت الحين ذولا كلهم وش بيسون فيهم المهم روحت وسحبت عليهم وقررت اداوم بالكلية الفاشلة وبعد كم يوم جتني فكرة ليه ماحول من قسمي حاسب الى English ( انجليزي ) جتني الفكرة بعد مادخل واحد هناك الفكرة براسي انه قسم حلو وقوي وتقدر تبتعث وتكمل فقلت اروح شؤون الطلاب واكلمهم فقالو لي خلاص تمام روح كلم رئيس القسم علشان يكون فيه اختبار حسبي الله عليهم وعلى اختبارهم وعلى كليتهم قلت اختبر وصراحة كنت فرحان تجدد لي امل بعد ماتحطمت من عدم قبولي بالتمريض فكان الاختبار عبارة عن 15 صفحة او 12 ناسي كم بالضبط وكله اختيارات حليت لين مليت لكن للأسف عرفت اني ماراح انقبل وخليت القلم على الاوراق ومشيت والله من بعدها كرهت الجامعه وعلى حظي الردي روحت البيت وكلي حزن من كل حظوظي بالجامعة ودخلت منتدى ( تجمع طلاب جامعة الملك سعود ) وعلى طول قسم المرشد الطلابي واسال عن الحل وقلت لهم ومانقبلت وصار لي كذا ووو ,, وواحد نقز لي ورد وقال ياخوي احذف هذا الترم عن طريق البوابة رحت دخلت البوابة الاكترونية لقيت الاعتذار والحذف وقبل اسوي طلب قريت عنه بالنت والناس اللي تسأل وعرفت وش معناهـ المهم قدمت على الحذف عن طريق البوابة لكن نسيت عنه وغبت تقريبا اسبوع عن الكلية وبعد الحاح الوالده علي ياولدي داوم وقلت الظاهر مالي الا المعلمين وبديت اداوم واشد الحيل وفجأهـ ضيعت الجدول ورحت لـ شؤون الطلاب وقال اعطني الرقم الجامعي واعطيته كم الرقم قلت له *43053007 ( تم تشفير الرقم الاخير ) قال ياخوي مالك جدول ؟ قلت ها ! كيف مالي جدول قال انت مسوي حذف ترم وقبلوه قلت اها والحل مايمدي اشيله قال لا خلاص مالك الا تبدا تداوم من الفصل الثاني وانا اروح وهذي ثاني مره اروح مكسور من الجامعه فأحترت اقول لأهلي عاد مايقصرون موب ذاك الفهم على الجامعه انا مافهمت اجرآآآآتهم كيف اهلي يفهمون قلت اقول لهم واشوف قلت لهم وزعل الوالد  على باله تركت الجامعه مع انه الوالد مثقف ويفهم زين لكن الحذف مايعرفه فقلت له لا الترم الثاني وووو فهمت وجلست الترم الاول بالبيت وانا دائم طفشان ومحتار فدخلت موقع بطالة ايام العطالة وسجلت بنك آبوطلال ونسيت لا افعله وللحين ماتفعل النك المهم ادور على وظائف ولقيت كم وظيفة سيكورتي ( حارس امن ) وللأسف حتى هنا توني ادري انه حظي ردئ قدمت على حراسات امنية برواتب من 2700 الى 3000 وقالو خلاص المظمون نوظفك الحين بـ حراسات على جامعة والراتب اقل شيء 2500 وقالو كمل الاجراءات فحص طبي وكفالة وصور ولما تخلص تعال وجيتهم وقالو هاك هذا الوصل وروح فصل بذلة عند هالفرع ورحت لهم وعربنت من حسابي 50 ريال والبذلة كانت بـ 150 ريال المهم تكاسلت ومعد رحت للبذلة وقربت الدراسة للفصل الثاني يعني شهر ونص تقريبا انا لفت انتباهي موضوع بتجمع طلاب جامعة الملك سعود انه واحد راح يحول من كلية لأخرى الفصل الثاني وانا فعلا قلت خل اروح واشوف على طول رحت كلية الاداب وقلت كيف ابي ادخل عندكم الفصل الثاني انجليزي قالو لي راح يكون في اختبار لك ( من سمعت طاري اختبار تذكرت كلية الفشلة .,, المعلمين واختبارهم )) قلت ياخوي انا نسبتي ممتازة ومايحتاج وفي ناس نسبهم بالثمانينات وحاطينهم بهالقسم واعرف واجد قالو للأسف القبول والتسجيل اول ماتقدم يقبلونك انجليزي بدون اختبار اما لو تبي تجي فيها وانت محول لازم اختبار قلت حتى لو مادرست وحذفت قال لابد من اختبار واطلع متحطم من الاداب وامر بطريقي كلية اللغات والترجمة على طول رحت لرئيس القسم وصراحة اعجت بالكلية كل اللغات فيها لو تبون لغات شخابيط  صيني,, ياباني ,, فارسي ,, تركي ,, انجليزي ,, الماني ,, اسباني ووو القائمة تطولالمهم رحت لمسؤول اللغات الاوربية وقلت له ابي انجليزي وقال لازم اختبار ونفش الحكاية تذكرت اختبار كلية المعلمين قال عندك الشهادة الثانوي قلت ايه واطلع له الصوره وقال مشاء الله تقبل مافي مشكلة المهم قلت وش الحل طيب وش الافضل بعد الانجليزي قال لي فرنسي قلت طيب نتوكل على الله وقالي خلاص طيب روح كليتك المعلمين وجب منها تحويل من كلية الى كلية وعبيه وتعال نوقع لك ونعطي العميد يوقع المهم رحت اليوم الثاني وجبت النموذج للتحويل وسبحان الله لقيت رئيس القسم قالي اللي بيسوي معك مقابلة عنده محاضرة الحين وقال بيجي 10 ونص يكون فاضي وسبحان الله كتب الله لي ادور وادور وطلعت لكلية التمريض اللي حلمي فيها مقرها بكلية العلوم الطبية التطبيقية وقلت اروح اسأل شؤون الطلاب اقدر اقابل العميد قال روح ودخلت لقيت الوكيل وقلت ابي العميد وقال بيجي الساعه 1 المهم طلعت افرفر وكلي امل انقبل بالتمريض رجع لي الامل من جديد شفت واحد من الشباب قال انا مقبول ونسبتي 80 % قلت مشاء الله اكيد قدرات فوق قال لا والله واسطه وتجدد لي الامل اني اقابل العميد ويكون هو واسطتي بعد الله وسحبت على كلية اللغات قلت ملحق عليها بكره خل نشوف ممكن ننقبل هنا ورجعت الساعه 1 ودخلت على الوكيل وقال العميد موجود تفضل عليه المهم دخلت عليه واكلمه اني ابي التمريض وهذي شهادتي وقلت له انا معي نموذج تحويل وقال طيب ورا مارحت اللغات قلت طموحي هنا وقلت اشوف قبل اودي الاوراق قال مشاء الله نسبتك ثانوية وقدرات كويسة (( التمريض كان بدون اختبار التحصيلي يعني قدرات وثانوية بس )) قال خلاص انا بوقع لك قبول قلت والله قال خلاص ان شاء الله قلت طيب وقع لي قال لي مايصير جي نموذج جديد وتعال بكره قلت طيب وارجع بكره وانا فرحان واروح اجيب اوراق من كلية المعلمين ووافق العميد حق التمريض وقال ودها عمادة القبول والتسجيل ووديتها وقال لي الموظف خذ رقم لك وهذا رقمنا اتصل علينا السبت ونشوف قلت خلاص واطلع مستانس وفي نفس الوقت خائف المهم قمت الصباح من 10 واتصل عليه وقال ان اسمك ::: ::::: ابوطلال قلت ايه قال شوف ياخوي ان باقي لك 0.5 % شوفو التعقيد بس كيف ,, على القبول شوف اتصل علينا الظهر ونشوف وانا على اعصابي والله واتصل عليه وقال شوف ترا مشيناك ومبروك القبول قلت كيف اتاكد من القبول قال مع بداية الدراسة تلقا البوابة تعدلت من كلية المعلمين الى تمريض وانتظرت ومع الاختبارات النهائية وانا ادخل فجأة والقا عدلوها واروح فرحان واخيرا تحقق نص مطالبي وباقي التوظيف بعد مااخلص المهم بدينا الدراسة وبختصرها لكم كان ترم حلوووووووو مره مع الايام المواد صراحة صعبه والدكاتره عندنا مستصعبين الوضع وانا قابلت خويي قلت كيف الدكاتره معك قال كويسن قلت كيف الرعاية الصحية والانجليزي قال مع انها صعبه لكن الدكاتره دف عندنا قلت هذولا ولا بلاش المهم قابلت واحد من الشباب مقهور قلت خير قال انا حذفت مادة الرعاية الصحية وياليت ماحذفتها قلت ليش قال الدكتور قابلني قال انت اللي اسمك محمد ,,,, قال ايه قلت ليش حذفت المادة عندي شوف ياابني الطلاب مايحملون المادة عندي ولازم ينجحون يوم قالي كذا قلت الله يالدكاتره موب احنا خلصنا الجزء الاول من اصل 5 اجزاء من سيرتي وحلم حياتي وحرف الواو انتظرو بقية الاجزاء الخاص مفتوح للجميع اللي يشوف اخطاء املائية رجاء لا يبخل علي ويرسلي على الخاص علشان اعدلها 
|
|
24-01-2011, 10:46 AM
|
|||
|
|||
|
الله يوفقك ويرزقك الوظيفه اللي تتمناها
|
|
24-01-2011, 02:49 PM
|
||||
|
||||
|
حسبي الله على ابليسك وربي ضغطي ارتفع لمن قلت وقبلوني ابتسمت قلت واخيرااا ههههه
|
|
24-01-2011, 07:53 PM
|
||||
|
||||
|
الله يوفقك ... تستاهل الطيب .<<<دخل جو بـ القصة
|
|
24-01-2011, 08:24 PM
|
||||
|
||||
|
|
| أضف رد |
|
(( لا تنسى ذكر الله )) |
|
|
|
|
العرض العادي
