السلام عليكم ورحمه الله وبركاته

اخواني وخواتي عندي استفسار بخصوص المعهد الانجليزي الي اعرفه له مستويات

وحبيت اعرف كم ادفع لجميع المستويات ويمديني اخلصها في اربع اشهر وياليت يكون معهد

شهادته محترمه من يعرف او يدل عنوان المعهد في مكه الله يجزاه خير او رقم التلفون او جوال

[align=center]مو شرط تاخذ كل المستويات
فى اغلب المعاهد يسون لك اختبار بسيط جدا كم سؤال عشان يعرفون مستواك ويحددون مستواك وتبدا تدرس
و يعتمد على المستوى اللى تبغا توصله يعنى انت بتدرس عشان التوفل ولا عشان تتعلم اللغه
و الشهاده مو مهمه قد انك تعرف تتكلم
وفى الوظائف اذا طلبو لغه مو شرط الشهاده المهم عندهم انك تتكلم فى المقابله و تكون لغتك مقبوله واحيانا يسون اختبار
و معهد بيرلتز فى مكه انا درست فيه ثلاث مستويات وحدخل اختبار التوفل الشهر الجاى و المعهد من تجربتى انا و صاحباتى ممتاز جدا لان المدرسين مو عرب
وشهادة هالمعهد معتمد و كل مستوى سته اسابيع ب 2200 و المعهد فى العزيزيه فى برج فقيه مقابل الراجحى سنتر

وترى مافى شهاده دبلوم لغه معتمد من التعليم فى اى معهد
[/align]

الله يجزاك خير على التوضيح مشكوره ويعطيك العافيه بس انا ما نويت ادخل الا عشان اتعلم اللغه
وبتوفيق لك