بسم الله الرحمن الرحيم

السلام عليكم ورحمة الله وبركاته


شدتني الذكرى على هاوية الإنحراف
ومابقابـي الا شعـرة وأروح فيهــــــا

على كف الهوى بأوجهلك اعتـــراف
غيرك يبيني ألتفتله والعيـن ناهيهـــا

تحبني ماتحبني والله مانيب عــرّاف
مثل قبطان ضيع بالمواني مراسيهـا

وأنا لاعشقت صرت عاشق بإنجراف
وليه تنساني وذكراك بالبال طاريهــــا

لو قيموني غديت مفتونك بإحتــــراف
والروح ماتنسى غرام سنين ماضيهـا

أشتاق شوق العليل بالعـون ينعـاف
رتب أوراقه والريح تاخـذ وتمليهـــا

كيفك وش الأخبار ويـن ماتنشـــاف
توقعتها بعد الفـراق وكنـت ناويهـا

لو ماتبيني قـل ماأبيـك ولا تخـــــاف
ماهوب غصب وعهدٍ عليّ مارجيهـا

عزة النفـس فـوق كـل ماطـــــــــاف
ومأعطي حياتي الا بالكفـو مغليهـا

وشدتني الذكرى على هاوية الإنحراف
ياتلحق علي ولا كل الذكريات امحيهـا

وعلى كف الهوى بأوجهلك اعتـراف
غيرك عطاني الروح وقلـت مأبيهـــا