تسجيل الدخول
|
|||||||
تأسس الموقع عام
2006
Site was established in 2006
|
|||||||
| مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
| أضف رد |
|
|
LinkBack | أدوات الموضوع | انواع عرض الموضوع |
23-10-2007, 05:35 PM
|
|||
|
|||
نصيحة اذا أحد وكلك في عمل غير عملك لاتوافقه
السلام عليكم تخرجت  أنطقيت سنة ونص  وجت الوظيفة  أمحق وظيفة طبعا الوظيفة جت من الله ومن ثم هذا الموقع كلمة شكر اوجهها للادارة هذه الموقع والاعضاء دق التلفون قالوا قبلناك شعر راسي وقف استانست طرت انهبلت يمااااااااااااااااااه انا توظفت قمت ومسحت وجه البئس الي على وجهي له فوق السنة  ودوامت بوظيفة سكرتير عند دكتور في المؤسسة العامة للتعليم الفني طبعاً الوظيفة مهب رسمية على بند براتب 3200 ريال نعمة يا رجال ومرت الايام وواكره ما اشوف مديري شايف نفسة على الشهادة الي معه المشكلة يشوفني انا كني اشتغل عنده صبي مو سكرتير يكولني بإعمال ماله دخل في الشغل وانا ساكت وعاظ على لساني يعني كل اسبوع يقولي جب معك كرتون مويه وانا اجيب له وساكت اجيب له عصيرات واجيب له رسايله من البريد مابقى الا اودي زوجته للسوق  وبلشت به الرجال مايستحي وزيادة على كذا فيه شوف نفس يحسبني اني اشتغل عنده فراش وكل يوم يزود قهري وانغث من تصرفاته إلين ما جاء اليوم كنت مظغوط بالعمل دخل علي بالمكتب بدون سلام كلعادة شكل مهوب مسلم معذور قالي ابيك تجيب كرتون موية وعصائر وتحطها في ثلاجتي قلت بنفسي حانت الساعة يا رجال  خلاص سكت مارديت عليه قالي سمعت بعد خمس دقايق ابيها تكون في الثلاجة قلت له سم تبي معاملة وطلع وتركني قلت شكله ذا ناوي على نفسه واروح وادخل عليه في مكتبه قلت له معليش طلبك هذا مقدر انفذه لك ورد علي بكل وقاحة قالي لا راح تقدر وقلت له انا تراني ولد ناس ماجيت اشتغل عندك فراش وقالي بكل وقاحة زايدة رح جب الي قلت عليه لاتكثر معي كلام وناظرني زين تراك تكلممسئول مو أي موظف قلت اذا انت شايف نفسك مسؤل ترى في غيرك مسؤلين بالمؤسسة  قالي ترى مكتب المحافظ بالدور السابع رح اشتك له اذا بغيت ورديت عليه وانا ودي اصقعه بكف قلت له لا فيه مكتب مدير عام الشئون الادارية بالمؤسسة بالدور الثالثه راح يحل مشكلتي معك وانزل وانصى ادارة الشئون الادارية واروح ادخل مكتب المدير واللحمد اني اعرف السكرتير  وادخل واسلم عليه واقول السالفه وقالي بس ماراح نقدر نقلك من غير الوظيفة الي انت فيها عشان النظام والنظام قلت خلاص اقدم استقالتي وما قصر عطاني توصية عشان اخذ مستحقاتي وطلب اصدار شهادة خبرة لي وارقى لمكتبي واظف اغراضي واناظره بطرف عين ذا الدكتور المريض نفسياً واسلم على اخوياي وامشي وبعده بسبوع يدق علي خويي قالي عطني رقم فاكسك برسل لك خطاب ووصلني الخطاب إلغا الصلاحيات الموكلة للمديري وكف يده عن العمل في ديوان المؤسسة وإعادته للكلية التقنية بالرياض بنفس الوظيفة السابقة واشووف الخطاب وانشرح صدري أأسف اني طولت عليكم لكن حبيت اسدح همومي عندكم وهذاني عدت اتسردح وأتمردح في منتديات بطالة مع تقديري وإحترامي لكم :o
|
|
23-10-2007, 05:42 PM
|
||||
|
||||
|
اول شي الله يوفقك بوظيفه احسن منها
|
|
24-10-2007, 01:25 AM
|
|||
|
|||
|
ياخي لو عنده عقل كان تفاهمت معه من زماان لكن
|
|
24-10-2007, 04:10 AM
|
|||
|
|||
|
احسن شي سويته الا كرامة الشخص ايش هذا جب موية وحطها بثلاجتي مو ناقص الا يقولك سويلي مساج
|
|
24-10-2007, 02:24 PM
|
||||
|
||||
|
|
|
26-10-2007, 02:58 AM
|
||||
|
||||
|
طيب اخوي انت على بند خدمه المجتمع ؟؟
|
|
26-10-2007, 05:04 AM
|
||||
|
||||
|
هههههههههههههههههههه ، والله انك شنب ،
|
|
27-10-2007, 02:16 AM
|
||||
|
||||
|
والله انك تووحفة بس ليه الله يهديك استعجلت بقرارك ؟؟؟
|
|
27-10-2007, 02:38 AM
|
||||
|
||||
|
قديمك نديمك
|
| أضف رد |
|
(( لا تنسى ذكر الله )) |
|
|
|
|
العرض العادي
