السلام عليكم ورحمة الله وبركاته..

بشرح لك معاناتي من سنه وبحاول اختصر قد ما اقدر..

الحمد لله قبل سنتين تخرجت من جامعة الملك عبدالعزيز تخصص حاسب حالي بتقدير امتياز..

ووقتها كان في بالي الكليه الامنيه وكانت طموحي وليتني ماقدمت عليها بس..

المهم في نفس الفتره كنت مقدم على برنامج المك عبدالله للابتعاث الخارجي وقبلت فيه ولله الحمد بس ماكان من اهتماماتي ..


مرت الدوره وبدت لضغوط وحسيت اني دخلت في شي مو مجالي وقلنا نصبر لعل وعسى القطاع يكون على مستوى الطموح..


واتفاجا بقطاع ماخطر على بالي والي زاد الطين بله ان هالقطاع مايقدرون التخصصات العلميه بس همهم عمل ميداني وبس..


وكرهت حالي منهم وناوي اسحب بس ما ادري وش يترتب على الفصل هل اني انحرم حتى من الوظايف المدنيه ولا بس العسكريه ..

والشي الثاني جيت بكمل اجرائات الابتعاث ولكن انصدمت بعائق الي هو الضمان المالي طالبين انا اوفر شهاده بنكيه برصيد بالبنك انه يكون عندي 100 الف..

الموضوع ذا سبب لي ارق وصار لي سنه افكر فيه ماعاد ادري وش الحل..

[align=center]الله يعينك ..بالنسبة للرصيد
اعرف شاب هم عطوه رصيد 80 ألف ..وهو ما عنده شي ..على شان الابتعاث ..,
إلا اذا كان هم اللي قدموه للبتعاث لانه متفوق ..فهذا موضوع ثاني
على العموم الله يوفقك بالدنيا والآخره ..والله ييسر لك اللي انت فيه ..لان كثير من الشباب
يبي الوظيفه ..وربي ييسرها ,,وبإذن الله تتلائم معها مع مرور الوقت
وماظنتي ان الفصل يأثر على القبول الوظائف المدنيه
لاتعتمد على كلامي ..بإذن الله يفيدونك الأعضاء



[mark=#666666]لا إله إلا الله ,, فدا العسكرية [/mark][/align]

تبي نصيحتي اصبر على الكلية الأمنية بتتعب في بداية الأمر وبعد كذا ترتاح انت وكل امرك لله ناس كثير ما حصلوا وظائف فنصيحتي لا تتركها تراك بتندم وتعض اصابع الندم والندم ما ينفع والعمر ينفذ معليش وكل امرك لله اصلا الوظائف صارت مو على كيف الواحد وراحه مافيه بس لما تمضي عليك الأيام ومع الوقت تصير لك مكانه ومع الوقت ايضا ترتفع شيئا فشيئا الله يوفقك يا اخي

الله يعينك
مشكلة لا تزال و هي العمل بعيد عن التخصص
اخي صدقني الامنية لها مستقبل خاصة أنها دورة الجامعي قصيرة و اغلبها فصل
و الحل تتحمل و تجتهد حتى تتخرج و تترقى و بعدها تبحث عن نقل اقل شئ
أما تضيع بين الامنية و الابتعاث و تدخل في دوماة جديدة و الله تتعب
خلك معهم و غيرك ما حصل نصها و أقل منها
أشوف موقع الامن العام لم يعد يتقبل جندي من كثرهم و القطاع الخاص ما منه غير التعب
و انت ما شاء الله سوف تتخرج ملازم أقل شئ و تتحسن أحوالك
اما تركك لهم لا يضر لكن خسارة صدقني
و لن تجد افضل منهم
نصيحة أخوية استمر و تحمل مهما كانت الظروف وانت رجل و قدها
و العسكرية معروفة دوام و حضور و العمل ما فيه يمكن فقط في البداية

اخواني بغيت اوضح لكم نطقه انا تخرجت من الكليه الامنيه وصار لي سنه بالعمل تقريبا..

واكبر مشكله تواجهني العمل بعيدا عن التخصص..

يا أخي أحمد ربك
ترى النعمة زوالة
خلاص راح الكثير و تحملت الدورة و التعب
و الان تشتكي من العمل
من البداية اصلا العمل بعيد عن التخصص و شرط شهادة الجامعة مجدر تعجيز
بعد ما كانت ثانوية و صار اكتفاء منهم ومن الجامعية
يعني الحاسب من يريده في العسكرية
غيرك حاسب و يصمم مواقع حكومية مثل التامينات و الجوازات و الخدمات الالكترونية
يا اخي جب جهازك معك العمل و استخدمه و اعمل عليه و طبق ما يمكن في مجال عملك
و ارى ناس في اكثر من قطاع كل واحد بجهازة يشتغل و ليس له علاقة بوظيفته
اتمنى ترسلي مجال عملك متوقع مريح و لو كان يعني كم ساعة ترجع للبيت

[align=center]
حلو طيب أصبر وحاول تتحمل ..حتى لو ما وافق تخصصك ..
فتره وتمشي ما يحتاج كل هالتعب




[mark=#666666]لا إله إلا الله ,, فدا العسكرية [/mark][/align]

ياخوي اصبر وترى ملازم في كلية الامنية حلوة ووسع صدرك لا تصعب الامور
ونصيحة لك لا تفكر انك تفصل ......

السلام عليكم ورحمه الله وبركاته ,

عزيزي ..

بدايه اي شي صعب ,
والدنيا ماتجي عالكيف .. وعشان تتأقلم مع اي شي بالبدايه لازم تحاول تحبه ,

وماشاء الله تبارك الله انت حتكون ملازم ..

شد حيلك وحاول تفكر بالشي اللي يسعدك ويحببك بالقطاع ..
" لاتفكر بشي يكرهك بالقطاع اللي انت فيه " ..

كـ مثال فكر في المكانه الاجتماعية اللي حتكون لك ..
الملازم ولد فلان .. ابو الملازم .. ام الملازم .. اخو الملازم .. اخت الملازم ..
الملازم سافر الملازم جاء الملازم راح الملازم سوا .. وعلى هالشكل ,

فكر بـ ان الكل يتمناك زوج لـ بنته ويتشرف فيك ..فكر بـ ان الكل راح يتقرب منك صغير وكبير ..
فكر بـ ان اهلك حاليا ماراح تقصر معاهم واي شي يحتاجونه بامكانك تساعدهم ماديا ..

وفكر انه باذن الله زوجتك وابنائك في المستقبل القريب ان شاء الله حيكونون رافعين راسهم فيك ..
لانها زوجه الملازم ولانهم ابناء الملازم .. وفكر بـ انه باذن الله ماراح ينقصهم شي من ناحيه الماده ..
وراح تعيشهم احسن عيشة باذن الله ..

فكر بـ الراتب الطيب " ماشاء الله تبارك الله " اللي حتستلمه كل شهر .. واللي مايخليك تحتاج اي شي بالدنيا هذي باذن الله ,
ومايخليك تنزل من نفسك لاي شخص مهما كان .. وتبقى عزيز نفس وراعي كرامه طول العمر ,,

وللمعلوميه قبل تسحب اعرف الاشياء هذي :

1- اذا كان تخصصك هندسة حاسب الي ..( نادرا تلقى وظيفه بالمسمى هذا وهو مهندس حاسب ’
بل ان خريجي هذا التخصص متوظفين بمسميات اخرى كـ مهندس شبكات او محلل نظم او مبرمج .. الخ ) عكس خريجي علوم الحاسب ..

2- 90 % من الشركات تحدد عمر معين كـ اقصى حد .. اكثر منه ماتبغى , والغالبيه مايبغون اكبر من 26 او 27 سنه ..

3- بعض الشركات انتشر عنها كلام انه لديها اكتفاء بتخصصات الحاسب ومن هالشركات " ارامكو " ..

4 - حط في بالك انك راح تبدا من اول وجديد تتدور وظيفه .. وراح تنصدم بشرط العمر لو كان عمرك فوق 27 كحد اقصى ..

اخيرا اتمنى منك وانصحك , لو انك مصمم انك تسحب من الكلية الامنية ..
لاتسحب الا بعد ماتضمن شي اخر يكون بنفس مستوى الكلية الامنيه ..

وفكر 60 الف مرهـ قبل لاتتاخذ قرار تندم عليه طول حياتك ..

الله يوفقك ..
ونصيحه اخ اصغر منك .. الصبر والصبر والصبر ..
مافيه شي يجي عالكيف وبالساهل ..

الله ييسر لك امورك ويكتب لك الخير ويفرجها لك وعليك يارب ..
وباذن الله الجاي افضل وانسب يارب ..

موفق لكل خير ان شاء الله ..
دمت بخير