لاجيت افكـر بالوجيـه المفاليـح
وفرقت بين الناس عالي و واطـي
فكرّت بك ضمن الوجيه المشافيـح
متقلطـن ببسـاط ماهـو بساطـي
علاقتـي ويـاك تحتـاج توضيـح

من شفت في بعض الامور اختلاطي
مثلك خطا يحتاج وقفـه وتصحيـح

بيّن مثل تفريـق ماخـذ وعاطـي
ربيت من صغري على هبة الريـح
ولبست لي ثوبن كمومـه اخياطـي
يوم انت تلعب في يدين المراجيـح
انا انطح الضيفان وافرش سماطي
ماعابني لاصرت ظمن المجاريـح

اغلا جروحي بين الاظلاع ساطـي
العيب لاسقت القدم دون تصريـح
وخليتها بـدرب الردييـن تاطـي
والمشكله انك تحرث النار وتصيح
اركد قبـل لافـك عنـك رباطـي
خابرك ماتبعـد قريـب المراويـح
زايد عن العالـم بكثـر الهياطـي
اكبر طموحـك لاتعطـرت بالريـح

تطلع تمشى بين شاطـي وشاطـي
عندي سؤال وخابرن فيه تجريـح

لاكن ضروري تسمعـه بأنبساطـي
ارفعك بيدي لسمـا ترجـع اطيـح

قلي شسوي فيك لا صرت واطي .؟


اعجبتني وحبيت انقلها لكم