25-01-2011, 02:14 AM
|
 |
|
|
تاريخ التسجيل: Dec 2009
المشاركات: 3,372
معدل تقييم المستوى: 21474873
|
|
اقتباس:
المشاركة الأصلية كتبت بواسطة صراع
السلام عليكم ورحمة الله
أتسيف الحال بالشقرديه كل أبوهم
اليوم طرى لي طاري وهو أني وعدت قهوة الغرب ( كابتشينو جامعي ) بالمحلى
وهي ماغير ترسل لي بالمتوزي هذاك تبي تتعلم من كيف تسوي المحلى << نشرت الغسيل 
عاد قلت أبشري بس بعد ما أخلص من إختباراتي وهذان خلصت وتمغطت وقلت لنفسي يالله عاد خلي الكسل عنتس وشمري عن أكمومتس وأنزلعي لم المطبخ وسوي المحلى للماخوذه 
وإيه ترى حقوقي محفوظه لا يلطشنهن حريم الواحه وهمن ألقي موضوعي عند منتديات الحريم أخبرهن أنا أنواع السرقات 
أول شي متعوا عيونكم بهالديره المزيونه 
يالله نبدأ طريقة المحلى :
كشحه من التمر المعبوط وأنا ما أحب أستخدمه يخلي المحلى أسود 
وأستخدم بداله تمر جاف هذاك اللي يالله يتكسر بالأسنان
و دقيق بر كمية كاستين
وزبده المراعي تقريباً أربع حبات صغار
فلفل أسود
ملح
الطريقة :
نجيب التمر الجاف وهذاه هو موب مغسول
همن نغسله زين مازين
كمية من الدقيق البر كاستين أو على حسب العايله
وزبدة المراعي تقريباً أربع حبات
نحط التمر بقدر وعلى الفرن بأعلى شي نحتريه يغلي
هذاه وهو يغلي نخليه حول العشر دقايق إلين يلين
همن نخليه يبرد ونبدأ نطلع الفصم ( النوى ) من التمر ونحطه بالخلاط حق الطماط
ونصب شوي من موية التمر عليه
وعلى الطاحونه وهذاه مريسة التمر شفتوا لونه تسنه توفي 
همن نشخله بالمشخال عشان الحذاريب ما نبيه نجدعه
ونحط بالقدر هالمريسه ونزيد ماء ونحط الدقيق شوي شوي وكل ماحطينا نحرك بالمخفقه حقت الكيك عشان مايتكتل معكم الدقيق همن تبلشون
بعدين أجدعوا قطع الزبده مع قليل من الملح والفلفل الأسود
وغطوا القدر على نار خفيفه لمدة ساعه وربع
عاد أنتبهوا لا يحترق وسيروا عليه كل شوي وحركوه
وعاد إذا خلص و أستوى بالعافيه على قليبكم
أنتسبوه بالصحن مع زيت زيتون والقهيوه السنعه
وصحتين وعافيتن وإن شاء الله يعجبكم محلاي
والله الله بالنجوم الصفر اللي يبرقن ترى عهدي بالنجوم وأنا بزر يوم الأبله تلصقه بأبة مريولي |
صروووووووووووعه تسلميلي عنونتس  وش هالمفأجاه يالهوي يالهوي ,,,,
وربي ماتوقعت شفت اسمي بغيت انهبل 
وش ذا الزين وش ذا الزين ماشاء الله تفو تفو  ............
والله قراءة قبل شوي التقييم قلت مستحيل تسويه لاني عارفه عندك اختبارات  وعاذرتكـ...........
وربي لو داريه لتصير حرب داحس والغبراء من جديد  تتعبين نفيستس
عشاني طيب قولي في كتاب النخبه هو عندي واخذه وخلاص وبعدين عادي مافيها شي سألت
صار له شهرين ونسيته  ........
لكن هذا ان دل دل ع نبل كرمتس وشهامتس واخلاقتس وكل ابو شي
زين ,,,,,,,,,,,
يابعدي جلبي انتي احرجتيني مدري وين اطس بفيسي منتس ماقول الا هاتس ذي ومعها دعوات غلبيات نابعه من الغلب  ....
وبعدين ابوتس ..وعلامتس ..ووش بلاتس.. علي تشهرين بس وصلت سالفتي لجلاجل تسمع بها  ...
مره وحده رازعتاً اسمي بالماضوع ,,,
لكن لبى العرب فديتس وفديت قلبتس وفديت بريدة معتس 
ترى ضاربه الفيوز 
والله توقعت تموزحين معي بالتقييم وبعدين عندتس اختبارات ماتوقعت بتسوين شي
ياربي رباه اجل شكلتس طبختي نص الملزمه فالقدر ...
وابشري عندي واسطه هنا ابشري من يحط لتس نجمات ع جبهتس مو ع الابه بس مدري عن
واسطتي ان شاء الله ماتكسحني ايه هين واسطه هههههههههههههه
لو داريه انك ماتمزحين لا اقعد مسنتره عند بوابة المنتدى انتظرتس  
وبعدين لحد يحش  تراه لي والله ماعطيكم ترى 
هاتس
 وهاتس 
وهاتس  اذا احد ازعجتس قولي لي 
................
بروح اتنفس الصعداء ماقدرت اتنفس من الاحراج خخخخخخ
التعديل الأخير تم بواسطة كابتشينو جامعي ; 25-01-2011 الساعة 02:17 AM
|
العرض العادي
