السلام عليكم ،
ياجماعة انا اشتغل حاليا في مكان يفتقر للموظفين ، مدري اقتصاد والا مدري وش يسمونه
عدد الموظفين 3 بس ! وانا منهم ، الشي اللي مشغل بالي انو وحدة من الموظفات بتاخذ اجازة
فبيصير عددنا 2 ، وانا مقدمة على مكان ثاني وعملت معهم الانترفيو ويارب يرشحوني
بس المشكلة الحين لو الموظفة اخذت اجازتها وانا نادوني للوظيفة الثاني بنفس الوقت
بتبقى بس المديرة لحالها !!! يعني اللي ابغى اعرفه كيف اتصرف اعطيهم خبر من الحين اني احتمال كبير اطلع منهم والا ما اجيب طاري شي بس اخاف وقتها يسوون لي سالفة ويجبروني
اجلس معهم الى مايحصلوا بديل !! مرة شاغلة بالي السالفة هذي ،
قولولي وش السوآة

لاتطلعين لمن يقبولنك
قولي لهم عندي شوية ضروف كلها كم ساعه وبرجع وبكذا سوي المقابله الثانيه واذا اقبلوك قدمي استقاله رسميه

وعليكم السلام ورحمة الله وبركاته

طبعا ً من مصلحتك انك ما تستقيلين من وظيفتك الحالية إلا إذا حصلتي على قبول مؤكد من جهة العمل الجديد
وبعدها افتحي الموضوع مع إدارتك الحالية
وعشان ما يتعطل العمل عندهم ويعترضوا على استقالتك حاولي تجيبين لهم موظفة بديلة تسد مكانك وتكمل معهم العمل


وبالتوفيق للجميع

وعليكم السلام والرحمه
لاتطلعي إلا اذا جاتك موافقة رسمية من الشركة الثانية

ما قصروا الللي قبلي افادوك كما اتمنى لك التوفيق

ان شاء الله انهم يقبلونك بشكل رسمي
واذا قبلولك ذاك الوقت قدمي استقالتك قولي مابي اشتغل طفشت او اي شي
والله يوفقك

يعني أكيد مايسوون لي سالفة وأنو ليش ماخبرتينا من أول عشان نلقى بديل !!
وهم مسجلين اسمي في التأمينات يأثر لو استقلت ؟؟
شكررررا لكم ماقصرتوا ، ربي يعطيكم العافية ويوفقكم وين مارحتوا