ماهي اجرائات الزواج من الخارج للأعزب ؟؟

طائر الاشجان · #31 (**permalink**) 27-01-2011, 09:38 PM

اقتباس:

^^^^^
ممكن أعرف غلا المهور اللي تتكلم عنه ..!؟
إلا إذا كانت قبيلتكم او عاداتكم ..تفرض مهر وتكاليف غاليه ..فهذا شي ثاني ..
أما أنا والله ما شفت لا مهر غالي ولا تكاليف غاليه ..
ياليت تتكلم بواقعيه أفضل لك ..أو يمكن هذا شي واقعي ..لكن ما أشوفه عندنا

حياك الله اختي الكريمه

اغلب الشباب الان يتوظف براتب 2000 ريال وصاحب هذا المبلغ كم يقدر يدفع ؟مستحيل يجمع 90 الف او حتى خمسين شامل المهر

زيادة المرتب هذا شيئ مستحيل وان زاد زياده بسيطه

تنازل البنت واهلها والاقتصاد في الطلبات ايضا مستحيييييل

النتيجه

عنوووووسه لطرفين الشباب والبنات

فا اذا تزوج الشباب من الخارج حلت مشكلة طرف واحد على الاقل

اقتباس:

انا مؤيد الزواج من الخاارج .. السعوديات ياربي لك الحمد شايفه نفسها مدري ع ايش..
مهرها غالي وتكاليف عرسها غالي .. والله لونها ملكة جمال العالم... عاد واذا دخلت عليها قابلتك بذاك الوجه اللي يضيق الصدر.

يارجال تزوج من الخارج ولا تطالع كلام الناس اللي لايودي ولا يجيب
واذا لقيتو لي زوجه تصلحلي علموني.. البنات اللي من الخارج تلقاها جمال ودلال وربة بيت وحنونه وتراعي زوجها.. مو البنت السعوديه اللي اللحين طايحه بكبد اهلها ..
وانا ان شاء الله متزوج من الخارج متزوج.. وصدقوني نص الشباب مثلنا يبون من الخارج
بلا بنات البلد بلا هم..

هي مشكلتنا في الجهل والتقليد ومشكلتنا في عدم التوعيه جرايد بالهبل ومجلات وفضائيات وفي كل مسجد خطبه يوم الجمعه ماتسمع احد يتكلم عن غلاء المهور وتكاليف الزواج الا نادر
وهذولي مانلومهم بصراحه لأن الامر اللي بيتكلم عنه وبيدعو له يعني انه مقتنع فيه و بيحرج نفسه ...................................!

والسعوديه مب شايفه نفسها السعوديه تستحي يقولون مهرها 10 وماجاب لها شبكه وما ستاجر لها صاله ب 10 الالف علشان تمشي على الجسر ومدري وشو

شرفني مرورك الكريم

اقتباس:

السلام عليكم

اولاً: الله يوفقك ان شاء الله ويرزقك بالذرية الصالحه وأولا وأخيراً قسمة ونصيب والله سبحانه وتعالى هو أعلم بعباده

طلبات الموافقة على الزواج من الخارج أو من مقيمه (تصريح الزواج) يتم تقديمها عن طريق الامارة واذا انت في محافظة تقدم عن طريق المحافظة ولابد تتوفر فيك الشروط، اما اذا كانت غير متوفره الله يعينك تتقدم بطلب اعفاء من الشرط لنفس الجهة المخولة باستلام طلب التصريح، واذا حاب تعرف الشروط موقع امارة الرياض تجد فيه مايفيدك

تحياتي،،،

جزاك الله خير على الدعاء والافاده

اقتباس:

جبتها على الجرح

حتى انا ودي اتزوج اجنبية

البنات الي هنا مهورهم عالية وطلباتهم كثير

واخلاقهم شينة

ابحثلي معك لاهنت

الزين والشين في كل مكان

وابشر بدون ما ابحث موجودات الله يستر عليهم بس خلن نشوف الاجرائات من الاماره السبت

لأن قال لي بعض الاخوان اذا ثبت عجزك عن تكاليف العرس يسمح لك بالزواج من الخارج

والله يوفقنا

رباح الاسهم · #32 (**permalink**) 27-01-2011, 10:55 PM

يا الله اللي ما يبيني اتزوج من الخارج يامن لي مراة حلوة جميلة في البلد وايضا مسكن ملك
وانا جاههز للزواج

الجعفر راجي · #33 (**permalink**) 28-01-2011, 12:12 AM

اقتباس:

المشاركة الأصلية كتبت بواسطة طائر الاشجان

حياك الله اختي الكريمه

اغلب الشباب الان يتوظف براتب 2000 ريال وصاحب هذا المبلغ كم يقدر يدفع ؟مستحيل يجمع 90 الف او حتى خمسين شامل المهر

زيادة المرتب هذا شيئ مستحيل وان زاد زياده بسيطه

تنازل البنت واهلها والاقتصاد في الطلبات ايضا مستحيييييل

النتيجه

عنوووووسه لطرفين الشباب والبنات

فا اذا تزوج الشباب من الخارج حلت مشكلة طرف واحد على الاقل

[align=center]^^^^^
بحياتي ما تزوج لي قريبه مهرها 90 خيييير وش قالوا لك ..والله الـ50 ما يتعداه ..

أكثر مهر 45 ,,وبعضهم 40 بدون شبكه ..ولعلمك عندنا تكاليف القصر والعشاء من مهر البنت ..
وصاروا يخلون الزواج بإستراحه ..او رجال بس على شان يوفرون ..

يعني الولد ما يدفع غير 45 .. ويسكنها ببيت حتى لو مع اهله اذا هم محترمين انفسهم ..
وغيرها وش تبي ..هذا شي تستحقه البنت مستحيل يقل عنه لان كل تكاليف الزواج من مهرها

واذا عاداتكم غير ..لا تعمم على كل المملكه يا أخوي

[mark=#FF9999].[/mark][mark=#FF9999] لا إله إلا الله ,, فدا العسكرية

[/mark][mark=#FF9999].[/mark][/align]

برنسيسة زمآني · #34 (**permalink**) 28-01-2011, 02:47 AM

اقتباس:

المشاركة الأصلية كتبت بواسطة طائر الاشجان

يا اخ اسمع مني الصلاح مايحدده جنسية البنت ولا حتى اهلها ولا اصلها ولا فرق بين اعجمي وعربي الا بالتقوى اجل الاجنبيات ملمسين الله يصلحك

وداعا ماروكو ياخي حكمت على الاجانب كلهم ماديين ؟ يعني العقل موجود في السعوديه بس !!
اجل ليه العنوسه عندنا مب بسبب غلا المهور وتكاليف العرس ...

والاجنبيه اللي تقبل باي شيئ المهم رجال محترم هذي ماديه !
وبعدين انا اعرف ناس ماخذين من الخارج وحالتهم الماديه ضعيفه ليه مالبنت دقت الريوس ولاهلها ؟

وهو للحين في غلاء المهور ؟؟؟

احنا مهورنا 50 الف واحيانا يزيد واحيانا ينقص وممكن توصل لـ30 الف

احنا مانحدد ماقد قلنا نبي مهر كذا وكذاا ,, اللي يجي راضين فيه مقابل يكون الرجال محترم واخلاق

وغير كذاا مانحط قاعات ولا زفه ولا خراابيط زواج عائلي وبسسس؟؟؟

يعني مراح تكلف شي صح ,,,

بس مدري عن عاداتكم وتقاليدكم كيف؟

انا زواج اخواني ماكلف عليهم واجد ,, بالكثير 100 الف بس ,,

لا تاخذ وحده من نفس قبيلتك ,, صدقني بتلقى وفيه اباء هم يشترون الرجال لبناتهم مايهمهم مهور ,,يهمهم رجل يستر على بنته وبسس

واخيرا الله يرزقك الزوجه الصالحه وتكون سعوديه

كآبرس · #35 (**permalink**) 28-01-2011, 05:21 AM

اقتباس:

المشاركة الأصلية كتبت بواسطة البطالة فنون

مشكلة السعودي
يحسب الشرف والأمانه بس عنده
بنات المسلمين فيهم خير
وتكاليف اقل بكثر من بنت الوطن

راعي الطِواري · #36 (**permalink**) 28-01-2011, 07:42 AM

شوفو اللى يتزوج من برا السعوديه

لازم يزوج اخته لواحد اجنبي

تعرف عشان التكاليف الاجانب ما عندهم فلوس وانتا تقدر اوتأيد الزواج من الخارج

بعدين يحقق حلم 20 مليون عربي واجنبي في الزواج من سعوديه

فا وش قلت يا عريس

حامد الحام · #37 (**permalink**) 28-01-2011, 11:29 AM

وعليكم السلام ورحمة الله وبركاته

السعوديه هي امك اختك بنتك وكل شي في حياتك وانا شفت كثير من الردود تتكلم ع السعوديات
وش فيهم السعوديات والله انهم كفو وبنات رجال ومافيهم العيبه ...
واذا ع المهر والتكاليف اقسم لك بالله انوفي قبيلتي تخفيف في المهر مو طبيعي 25او 10 والزواج في استراحه او في البيت اذا كان بيتهم كبير ومافيه اي تكاليف ولله الحمد والزواج نجاح مليون بالميه ولله الحمد وكثير من شباب قبيلتي متزوج بنفس المهر والعادات
بس لمن نسمع انو بنات القبيله الفلانه مهرهم 100 والا 70 والا اكثر تجينا صاعقه ليش وش تبي تسوي بالمهر ادري انو حقه بس شي زايد عن الازم وحتى البنات شايفين انو هالمهر كثير
....
انا انصحك استخير ودور ع بنت الحلال من بلدك احسن لك مالك ومال التعب
مو لازم تكون من قبيلتك دور من اي قبيله بنت محترمه مؤدبه وتخاف ربها وماهم حقين تكاليف
...
انا احزن اذا شاب او فتاه تزوجو من برا السعوديه وربي شي يقهر ويحزن وش فيهم بناتنا وربي يهبلون ربي يحفظهم ويخليهم لنا

ع العموم الله يوفقك ويسعدك ويكتبلك الي فيه الخير

عبق القرنفل · #38 (**permalink**) 28-01-2011, 01:55 PM

الله يوفقكم يآآربـ ياللي بتتزوجوواا من خارج السعوديه

أجل صارن السعوديآآآت مهورهن غاليه خخخخخخ هذاكـ اول

الحين البيوت مليانهـ مهوب مثل اول اللي كانت المهور طقه 100 الف
ماتوو اللي يقولون المهور غاليهـ يمكن هذا عندكم وبس

الحين صاروا اهل العروسه هم اللي يساعدون العريس مدري يمكن يبون يفتكون منها خخخخخخخ

مير هالزمن متقلبـ
أجل صار غلاء المهور هو سبب العزوف عن السعوديآآت

ليش الأجنبيه بتأمن لك بيت ملكـ والا بتدفع أجار بيتكـ

ليش الأجنبيه بتصرف عليكـ

تررى مثلها مثل السعوديه كلها مصاريف

لحدن يقول العنوسه سببها غلاء المهور

مير الله يوفقكم اذا ربي كاتبـ الأجنبيه من نصيبكم راح تكون من نصيبكم

كل شيء مقدر ومحفوظ

بالتوفيق

طائر الاشجان · #39 (**permalink**) 28-01-2011, 02:29 PM

اقتباس:

لازم يزوج اخته لواحد اجنبي

تعرف عشان التكاليف الاجانب ما عندهم فلوس وانتا تقدر اوتأيد الزواج من الخارج

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

مشكلتنا ندعي الاسلام ومانعمل بتعاليمه

اقتباس:

احنا مهورنا 50 الف واحيانا يزيد واحيانا ينقص وممكن توصل لـ30 الف

احنا مانحدد ماقد قلنا نبي مهر كذا وكذاا ,, اللي يجي راضين فيه مقابل يكون الرجال محترم واخلاق

وغير كذاا مانحط قاعات ولا زفه ولا خراابيط زواج عائلي وبسسس؟؟؟

يعني مراح تكلف شي صح ,,,

المفروض والعدل يكون المهر على حسب مقدور الرجال ... ومبلغ 50 وحتى ثلاثين من يقدر يدفعها الان اذا الرواتب زفت يعني 2000 وحتى 3000 طلعي حسابه وعليك الحساب

الاخ حامد ابونا ادم وأمنا حواء ليسو سعوديين

ومانتكلم عن مهر 100 الف و50 .... هذي انتهت نتكلم عن 40 و30 ...... واغلب الشباب رواتبهم زفت يعني احسبها بيجمع من راتبه 1000 ريال بعد كم سنه بيتزوج ؟

او يتدين ويحس بالتعب والحزن اللي تكلمت عنه انت

الاخ عبق من قالك هذاك اول ؟ للحين المهور غاليه وتكاليف الزواج والطلبات والبدع والخرفات مازالت

واول المهر 100 الف كان المال متوفر عند الناس والريال له قيمه يعني ب 500 ريال تقضي بيتك من والى البنت مهرها 50 الف عن 500 الف الان.... المساكن كانت متوفره ورخيصه الان غالي وماتلقاه !

الان الناس تكاثثرو والاجانب زادو وقيمة الريال تراجعت صارت ال 500 ريال تساوي 50 ريال عن قبل ولا تغير اي شيئ بخصوص العروووووس الا بالعكس تغير الى الاسوء

الا ماشاااء الله

طبعا في ناس مالهم بالخرابيط هذي كلها وهمهم رجال محترم لكنهم نقطه في بحر...... ولا كان اصحاب الصالات قفلو والمحلات قفلو محلاتهم واصحاب الغنم خسرو والمطاعم الخ لأن الناس وعو واقتصدو في امور العرس

عيون المهاا · #40 (**permalink**) 28-01-2011, 03:35 PM

انا مادري كيف تحول الموضوع الى التكلم في غلا المهور والعنوسه والعادات والتقاليد !

الشخص كان جدا واضح بسواله ومقتنع تماما !

برغبته بمعرفة تفاصيل الحصول على زوجه من الخارج !

اللي اعرفه اذا الموضوع مامشى في الاماره تحتاج توصيه من وزارة الداخليه

الله يوفقك فيما اردت ولجميع المسلمين

ماهي اجرائات الزواج من الخارج للأعزب ؟؟

الأنظمة والقوانين السعودية

السلام عليكم ورحمة الله وبركاته الزواج من الخارج ياشباب وش قوانينه وشروطه ؟؟ وكيف التقديم عليه والجهه المسؤله عن هذا انتظر اجابتكم

ماهي اجرائات الزواج من الخارج للأعزب ؟؟

تسجيل الدخول

ماهي اجرائات الزواج من الخارج للأعزب ؟؟

الأنظمة والقوانين السعودية

السلام عليكم ورحمة الله وبركاته الزواج من الخارج ياشباب وش قوانينه وشروطه ؟؟ وكيف التقديم عليه والجهه المسؤله عن هذا انتظر اجابتكم

ماهي اجرائات الزواج من الخارج للأعزب ؟؟