بسم الله الرحمن الرحيم

السلام عليكم ورحمة الله وبركاته

انا معلمة في مدارس دار السلام الاهليه بالرياض الكائنه بحي الرحمانيه
ابتكلم عن معاناتي في نظام هذه المدرسه الي تفتقر للاحترافيه والرقي في تعامل مع منسوبيها ..
اول شي مدرسه اقساط طلابها 20.000 رواتب معلماتها تبداء من 2200 ابتدائي و 2500 ثانوي ومتوسط وزيادة على ذلك من 25/11 / 2010 الراتب الى الان لم ينزل لاي موظف في المدرسه في قسم المتوسط والثانوي وعذر محاسب المدرسه الطلاب لم يسددوا اقساطهم !!!!!!!!!!!!!!!!!!!!
انا معلمة تم التعاقد معي على اساس اعطي مالدي بكل صدق واخلاص وامانه بالمقابل لي مستحق اتقاضاه نهاية كل شهر بغض النظر هل الطالب سدد قسطه او لا ....
ثانيا : المدرسه ترفض الغياب بالاعذار الطبيه الحكوميه في حالة كان الغياب بسبب الم ضرس الام بطن الام برد والام الحمل .. اي الامراض اذن تقبلون ؟!!!!!
انا اكتب موضوعي هذا بعد عدة ضغوط واجهتها من المدرسه نفسها انا وزميلاتي المعلمات وايضا المعلمين في قسم البنين ولا لنا ملجأ الا الله وحده سبحانه الان لنا راتب شهرين والمدرسه ترفض تسليمنا اياه الا في حالة ان الطلاب سددوا الاقساط ..........
ماهو المكان الذي يحفظ حقي ويرد الينا جزء من تعبنا في تحمل الظلم وسوء التعامل ؟
مكتب العمل مثلا ؟
المدرسه عليها مخالفات كثييييييييييييييره ومخالفه لكثير من لوائح مكتب العمل لكن صاحبة المدارس اميره والكثير يقول ان الشكوى لا تفيد افيدوني جزاكم الله خير

مكتب العمل
لازم تشتكي انت وزميلاتك
انا كنت عندهم قبل اسبوع وشفت موظفة سابقة بشركة
فصلوها بدون مايعطوها حقوقها ..حتى الاجازات حرموها منها 3 سنوات !!
والله جرجرتهم وأخذت حقها كاااااامل 10 آلاف وزيادة ..

لاحوول زين مارحت لهم دقوواا على اجيهم واعمل درس نموذجي ربك رحيم فكني منهم


ويارب انتووا كمان تاخذون حقوقكم لانو للاسف هذا مدارسنا الاهليه ظلم وربي ظاهري للعياان
وانا سبق تضررت من اهليه سابقا وهذي نجيت منها ولله الحمد والمنه

الله حسيبهم

^^^^
رب ضارة نافعة

نصيحة لمعلمي المدارس الأهلية
لاتسكتوا للظلم والاستغلال مو كفاية رسومهم غالية
ومستفيدين من الدعم ويعطونا رواتب تافهة كأنها صدقة
غير الوقاحة والأخلاق الزفت
اشتكوا ولا تسكتوا
مكتب العمل / قسم التفتيش
.خصوصاً الحريم مايصدقوا يلقوا مخالفات

الشكوى لمكان يديره امير امر صعب
لان الشكوى ما نبيها بالاسم نبيها باسم المعلمين والمعلمات اجع بدون تحديد اسامي
هل فيه جهه تقدر تفيدنا ؟

أميرة اولا وش دخلها في التجارة
ناقصها مال أو وجاهة أو منصب
أو مشروع المدرسة سريع الربح
و من اعطاها الحق توظف ب 2000 و 2500
و الى متى حتى تطفشون و ياتي اجنبيات يقبلون المهم يبقون في البلد
ما قلتي المسؤلة او المديرة وش الجنسية
و للمعلومية ظهر مؤخرا كثير امير و اميرة رجال اعمال
اجل وش بقى للمواطن اذا هؤلاء دخلوا في التجارة
و يلقبونهم بسموا الامير و رجل الأعمال و رئيس النادي الفلاني
و لا همهم نقد و لا كلام و ينجزون اعمالهم بالتلفون مباشرة مع الوزير او المسؤل
و خله يقول لهم حسب النظام الخ الخ
حطوا محامي و ريحوا انفسكم و اتركوها
مثل الحصاة ان طحت عليها او طاحت عليك انت المتضرر

حسبي الله ونعم الوكيل

الامانه بكل شي اختلت قلوب البشر صارت تخخخوووف مجرمين هالمدرسه الله يفرجها عليكم