السلام عليكم ,,

كيفكم يالعاطليـن ,, ان شاءالله تمام ,,

وماأنسى الموظفين المظطهدين خخخخخخخخخخخخخ


شـاعر اسمه (( نبـراس الـعز ))


ماقصر الله يسعده ,, واهداني شعر لي ولخواتي وبنات خالاتي , <<== فريق كوره

وبما اني احبهم كلهم ,,, ماعرفت وشو اهديهم ,,

ومحتاره ,, فا قرر (( نبراس العز)) انه يهديني ابيات شعر رااااااااااااااائعه جدا ,,

لأحلى بنات خاله بالدنيا <<== مو تجي وحده تقول بنات خالاتي احلى ,,


المهم مالكم بالطويله ,,

وهذا هو الأهــــــــــــــــداء ,,,







ياالله دخيلك كيف فيهن رمنــّي
ترفات عــز(ن)فالمحـبـّه ســبـنــّي
ياويـل حـالي فالحلا صوبنـــّي
عـِـف ّ البنـات مـطيحات الــرياجـيل


فيهن نهى* ام العيون الـنواعيس
بنت(ن) حلاها فاق كــل المقاييـــس
يامن تقول ان الحلا بـنــت باريس
لاعاش قولك فالـ(نهى) دوك ماقيل


مــنـهــو لمح حد الرموش اذهلنــّه
لوهــو حكيم(ن) فالمـــــــلا غررنــّه
ماشـفـت زيــّه بيـن هنــّه وهنــّّه
عنـقـا وفيهـا كـاتــبيــن المراسيــل


والا مرام *الـكـل في خدّهـا الشمس
اليا حكت كن الشفايف لها همس
يوم اقبلت بـ اقول باكر وقـلت امس
من قـَـدّها العقـيـّـل تصبح مهابيل


وهدى *علـيها من عيوني اسمــّي
لاشفتـها ينزاح همــّـي وغــمــّـي
غرو(ن) يضم الزين كـَيفي وكـَـمـّي
مـن ريق ثغره للسكارى مناهيل


وبسمه *دوا قلب(ن) نشا فيه علــّه
اليا اضحكت يـبيـع همـّي محلــّه
واليـا بـكـت قلـبـي همومه تتــلــّه
فيـها اغنــّي من بيوتي مواويــل


ونور الليالي والـملا في منيره*
لاواهـنـي الـلـي عـشــقـهـا تـنيره
بنت(ن) عليها حال روحي خطيره
كف الكرم كيف العيون المعاليل


وامل* أمل قلب(ن) من الشوق مكبوت
ماهدّه الا شـوف مبحوحة الصوت
امـل وليف(ن) ذاب في شفــّة التــوت
بالمبسم الفــتــّـان ذقـنـا الغرابـيــل


ومها *العيون كحال من دون تكحيل
سمارها مخلوط عنبر مع اكليل
لاشفـتها كــنــّّي على ضفــّة النيــل
واشرب من عذوبة هواها فناجيل


ويازين حظـّي كان حظـّي رماني
على جديل(ن) فـيـه عمري ثواني
حظـّـي بـثـينـه* يــوم حـظـّـي جفاني
ماغيرها اللي فيه بدع التماثــيـل


وافراح* روحي من فراقك سقيمه
دونك احس الكون من دون قيمه
هـلــّي مزون الوصل روحي هشيمه
حتى ان شوفك فيه تروى المحاصيل


وهيا *هواي اللي فقدته من سنين
وجدي عليها وجد مطعون سكين
ردوا خبرها لـي لااموت ذا الحين
صدري عليها جر حزنه تعاليل


ورندا* ترد الروح في سلة الأنف
مـافـيه زيـّه باالـعذارى ولاصنـف
لاجت تمخطر في غنج داعبه أ ُنف
ثـلـثيـن روحي للمحبـّه مداهيل


وابـرار *لـلـرقــّـه عليـهــا مواري
لاهـدابـهـا بـيـن العــذارى طـواري
لايـابعـد هـنـد وخـلـود وعــذاري
تــفــداك حالي كـلــّـها والتفاصيل


وشـهـد *عـسـل روحي وروحي عسلها
لـو هـدّهـا جفني خفوقي وصلها
سـعـدي رضـاها يـوم همــّي زعــلـهـا
سـت البـنـات مذهـّـبات الخلاخيل


وعـبـيـر* اشوف بعيونك حياتي
منــاتـي شوفـة عيونك منــاتــي
دعيــت الرب لاجلك في صلاتي
يسقي ثرا دارك صدوق المخاييـل


ورحاب *غرو(ن) للمزايـيـن نهــّاب
لوشافها شيخ(ن) تصبـّى ولاتاب
في طولها تخطف نظرهم والالباب
للبيض شيخه دون شك واقاويــل


وشــذى *شذا روحي وروحي شذاها
مااحبها الا ا تنفس هواها
سـبـحان منهو فالحلا اكتساها
من راسها حتـى قدمها تهـاويـل


وهديـل* حالي من فراقك هزيله
وجسمي عظامه عاجزات(ن) مشيله
مــثـلـك فـــلا والله نـهـوى بديله
يــامن عليك حبال وصلي مفـاتيـل


ونوف *الحلا والزين والمايس الهف
والعين والخدين ومخضـّب الكف
منها وفيها عقلي اليوم ملـتـف
لفــّه هوى سود الرموش المظالـيل


والا عنود *الحب فالسر والبوح
والطيب والرقه مع الغنج ذابوح
منها غدا جسمي من الحب مطروح
واهداب عيني من سهرها مذابيل


وحنيـن* حنــِّـي فالوصل وارحميني
شوفك يسلــّي خاطري ياظنـينـي
يـفـداك منـّـي مابقى من سنـيـنــي
واللي مضى في شوف مثلك مقابيل


(((((( وريفان* نبع الحب والحب ريفان
في ثغرها حبـّات لولو ومرجان
وباحضانها تذهب همومي والاحزان
عسى عداها بالفيافي مقاتيل


ويلي عليها يوم قامت تغاغي
دلـوعـتـي والـحب مالي فـراغــي
ماالوم عقلـي كان روّح وزاغي
فـي غنجـهـا للحـال حـلو التساهيـل )))))


والقاف كف وكف مرويه كــَـفــّـت
فـيه الحروف بوصفهن حيل وفــّت
لاعـاش شعري كان صحراه جفــّت
حرفي مزونه فـالصحاري هـمالـيـل




صــــــح لسانك ياشاعرنا ,,


للمعلوميه , عشان ماتنصدمون فيه 6 اسماء دخلت مانعرفها ,,

الشعر الاصلي كان لنا بس ,,, ونشر نبراس العز هذي القصيده

وانهالت عليه طلبات البنات الغيورات عشان يحط اسمائهم ,,

وشاعرنا كريم ومايقصر ,,



الي يدور اسم (( ريـــــــم )) هع هع ,,, موجود اسمي الحقيقي بس مانيب قايلته لكم ,,


اتمنى انه ينال على اعجابكم ,,, واحساسي يقوول انه نال وخلص

خساااااااااارة اسمي مو موجود
يعطيك العافيه ياعسل

وانا بعد اسمي مب موجود
القصيده حلووووووووه بس لوكان فيها اسمي

امممم قاعده تحلل وين اسمك

<<

ملقوفه

ياحبي لك حلوه بس لو فيها اسمي كان صارت احلى

حزن الاصايل ,,

اغلى وطن

ايه احبك

طموحها زايد شويه ,,

خخخخخخخخخخخخخخخخخخخخخخخخخخخخخخخ احسن خليه يكون حصري هع

<<== انانيه

منوووووووووورين ,, والله ,,

سلوووووووم ,,

هههههههههههههههههههههههه

وش اسوووي اذا صرنا 15 بنت اقتل نفسي ,, ولا اقطع شعري

عاد اذكروا الله ,,

عبدالله الغامدي ,,

اسم امك هااه ؟؟؟ هههههههههههههههههههههههههههه


طنط ريفان ,,, سلملي عليها بليز خخخخخخخخخخخخخخخخخخخخ

منوووووووورين

الله يعافيك على الاهداء