كانت مطلقه تسال ......؟

رمشهافتان · #1 (**permalink**) 27-01-2011, 04:17 AM

السلام عليكم

كيفكم ....

اعرف وحده مطلقه وهي مسجله في الضمان تزوجت قبل 3 شهور ومازل الضمان ينزل
وتبي تقط الضمان بس ظروفها ماقدرت تروح تقطعه و لا تبي زوجها يدري
راحت الاسبوع الماضي للضمان النسوي و قالت للموظفه اقطعيه وقطعته ....
تسال البنت تقول لو راح زوجي واضافني يبااان اني في الضمان كنت مسجله يعني يكون القطع فوري من نفس اليوم اللي طلبته في انه يتوقف نزول الضمان او يبغاله كم شهر ولا يبان لانها ماتبي زوجها يدري انها كانت مسجله في الضمان
اذا سجلها زوجها يطلع في الضمان ولا خلاص تم اسقاقطها قبل اضافه زوجها لها

ياليت احد يرد على استفسارتها

ليونه الحلويين · #2 (**permalink**) 27-01-2011, 09:34 AM

يجي من يفيدك ان شاء الله

فاقدة سندها · #3 (**permalink**) 27-01-2011, 12:31 PM

مايدري ابدا يضيفها وخلاص
انا سويتها قبل كم شهر

ذوق انثى · #4 (**permalink**) 27-01-2011, 01:32 PM

يجى من يفيدك

ساره اخت اخوها · #5 (**permalink**) 27-01-2011, 02:04 PM

يابنت الحلال هو وش دراه انها بضمان
هو يروح لاحوال ومعه حقد النكااح بس
ويضيفها مايدرررري ابد ابد
لاكن الضمان هم الي يدروون لانهم يبحثون عن الحالات
يعني الي زي كذاا ويبحثون بسجل المدني واكيد مايبون تلاعب
يعني متزوجه وتستلم ضمااان يبحثون بطريقتهم ....

مبعثرةأنا · #6 (**permalink**) 27-01-2011, 02:12 PM

اقتباس:

اعرف وحده مطلقه وهي مسجله في الضمان تزوجت قبل 3 شهور ومازل الضمان ينزل
وتبي تقط الضمان بس ظروفها ماقدرت تروح تقطعه و لا تبي زوجها يدري
راحت الاسبوع الماضي للضمان النسوي و قالت للموظفه اقطعيه وقطعته ....
تسال البنت تقول لو راح زوجي واضافني يبااان اني في الضمان كنت مسجله يعني يكون القطع فوري من نفس اليوم اللي طلبته في انه يتوقف نزول الضمان او يبغاله كم شهر ولا يبان لانها ماتبي زوجها يدري انها كانت مسجله في الضمان
اذا سجلها زوجها يطلع في الضمان ولا خلاص تم اسقاقطها قبل اضافه زوجها لها

اذا تم قطع الضمان في نفس اليوم اللي راجعت فيه ، وزوجها جاء يقدم
بإذن الله ما راح يدري لانه طلبه ما راح يواجه اي مشكلة ،
بس لو قدم وهي ما نزلت اسمها لو جاء الزوج يسجل
بيبان انها مسجلة فلازم تنزل اسمها او المكتب ينزل اسمها بموجب اضافتها في سجل الاسرة

ولو سأل مش من حق الموظف يجاوبه على هذا السؤال

وعلى فكرة لو ما الزوج اضافها في سجل الاسرة ما راح يقدر يضيفها معه بالضمان

الخلاصة
اذا نزلت اسمها بإذن الله ما راح يدري
وتنزيلها من الضمان اذا كان عن طريق المكتب وليس عن طريق الاحوال ما ياخذ اكثر من دقائق
يوان كثرت يوم يومين وموضوعها مخلص

طمنيها

الله يوفقها ويبارك لها بزواجها ويرزقها

نصراوي رفحاء · #7 (**permalink**) 28-01-2011, 10:20 AM

^^
البنت تقول اذا راح للاحوال مو للضمان ..!!
_________

مايبين مال الاحوال شغل بالضمان
يروح للاحوال ويأخذ معه العقد وصوره منه + اثباته وصوره منه + صورتين لوجهه
ويسلمهن للموظف حق الحاسب اللي بالاحوال
ويقلون له تعال بعد الظهر ويجيهم بعد الظهر ويا اخذ كرت العائله

يعني مافي امل يدري حتى لو ماراحت للضمان
والضمان يفصلها دايركت بثاني شهر بعد اضافتها مع زوجها بدون لا تدري لاهي ولا زوجها ولا الاحوال
ولا حتى الجني الازرق

ومبروك زواج اللي تعرفينها

رمشهافتان · #8 (**permalink**) 28-01-2011, 07:58 PM

مشكورين لكل اللي تفاعلوا

طيب هي قطعته راحت للمكتب وقطعته .... خلاص ماعاد يسون لها بحث ؟؟ صح لانها خلاص ماعاد ينزل لها صح

وسقوط الضمان يكون في نفس اليوم اللي تم القطع فيه ...؟؟

ام رياض · #9 (**permalink**) 28-01-2011, 10:09 PM

يعني تتوقعون ينزلون لها الضمان من الله ! اول ما يعرفون بيقطعونه عليها وكله يبان في الاحوال لان شبكتهم وحده ... يا حبيبتي مايدري بهذي الامور الا الضمان يصير بحث ألي .. ويمكن يكون زوجها عارف بديهيآآ مطلقه لابد مقدمه على الضمان .. الله يرزقنا وياكم ..

ارجوك ابتسم · #10 (**permalink**) 29-01-2011, 07:39 AM

الاحوال لايعلمون عن انها مسجله بالضمان ام لا ارتاحي من الناحيه ذي ولكن الضمان هو من يراقب السجل المدني ويراقب كل التحولات التى تطراء عليه من وفاة او زواج او طلاق ... وبعدين الضمان يعتبر راتب ماهو عيب ولا شيء...