جزاك الله خير أخوي ماقصرت00

[align=center]
هلا فيك يالغلا واتمنى بردي اكون قدرت اساعدك ووفي بالجواب ع استفساراتك كلها

طريقة الشحن تكون ع المشتري , يعني : انا قلت ابغى اشتري منك عبوة كريم وقيمة العبوة مثلا 100 ريال , اول شي احول لك المبلغ 100 ريال ع حسابك سواء بالراجحي او الاهلي او الرياض اللي هو ... بس نصيحة احرصي يكون حسابك بالراجحي لان اغلب البنات حساباتهن بالراجحي , اول ما احول المبلغ ع حسابك راح ابلغك باتصال ع جوال او بمسج ع جوالك او برسالة ع الخاص بالمنتدى اللي شفت فيه اعلانك , انه انا حولت لك المبلغ 100 ريال وهذه بياناتي : الاسم + المنطقة + رقم الجوال ... انتي بعدها ضروري تشيكين ع جوالك جتك تحويله ع حسابك والا لا ؟؟ اشدد عليك بهذه النقطة انه ضروري تشيكين ع حسابك بعد كل تحويلة تجيك لان بعض البنات ضعيفات النفوس تقولك حولت وهذه بياناتي وهي ما حولت من الاساس ولا تشرط تقولك اشحني لي ع فيدكس

خلي ببالك الشحن يكون ع الشركت العادية مثل : زاجل و الصاعدي وما شابه , أبتعدي عن زاجل لأن تعاملهم سيء ويأخرون الشحنه ع الزبونة كثير , لو الشحنة تاخرت ع الزبونة هذا الشي بيشكك في مصداقيتك عند الزبونة وبعض الزبونات متهورات كثير ينزلون مواضيع ان التاجرة نصابة ومن ذا الكلام . الزبونة اللي تقولك اشحني لي ع فيدكس والا ارامكس والا الما لازم تحول لك قيمة الشحن لانها شركات نظامهم الدفع قبل الشحن ... خليك ع الصاعدي وما شابه ... بالنسبة لنوع نشاطك التجاري من الصعب شحنه لخارج المملكة لانه يصنف من ضمن السوائل والشركات ما تشحن جوي ولان ما عليه تصريح والان كل مالهم ويشددون كثير خلي عملك جوات المملكة واذا لك رزق خارج المملكة ربي بيسهله لك

لا جيتي تشحني لزبونة اي طلب يكون الكرتونة وسط ابتعدي عن الكراتين الصغار مررره هذه معرضه لضياع ولازم تحشي الكرتونه بالصحف والجرائد عشان توصل لزبونة الاغراض سليمة , لما تقفلي الكرتونه اكتبي فوقها او لزقي ورقة مكتوب فيها : اسم المرسل + المنطقة + الرقم \ و / اسم المرسل إليه + المنطقة + الرقم

اذا انتي صامله تدخلين هذا المجال ومتاكده من الاغراض اللي راح تبيعينها وانا ما راح تشكك في مصداقية منتجاتك تعاملي مع تجار الجملة وان ما خاب ظني اغراض مجالك تعتبر من العطارة يعني : يبغالك تتعاملي مع تجار الجملة للعطارة تاخذي أغراضك منهم بسعر الجملة راح يطلعون الأغراض عليك بسعر رخيص جدآ يعني : ممكن الأغراض تكلفك 50 إلى 60 ريال ولما تعملي خلطتك وتفرغينها بالعلب بيطلع معاك حول 8 الى 10 علب , ما نسى قيمة العبوات بحدود 10 ريال , يعني كل الاغراض كلفتك 70 ريال بالمقابل عندك 10 عبوات , العبوة انتي راح تبيعينها ع كم ؟؟ ممكن 50 او 80 ريال للعبوة الوحده ... السعر بيعتمد ع حجم العبوة

بالنسبة لتجار الجملة هم اللي عندهم مؤسسات لا تاخذي اغراضك من محل عطاره لانه التكلفة بتكون غالية وابتعدي عن تجار الجملة للعطارة في جدة لان اهل العطارة بالرياض والشرقية ... لتوضيح اكثر : محل عطارة بالجملة بجدة سألته وحده عن سعر الجملة لحاجة معينه قالها بـ 120 ريال لدرزن = 12 عبوة / بعدها أتصلت بمحل عطارة بالجملة بالرياض سألته نفس السؤال قالها بـ 80 ريال لدرزن = 12 عبوة .... الفرق كم 40 ريال ؟؟ غير قيمة الشحن اللي بجدة بيكلف 120 ريال + قيمة الشحن 10 ريال = 130 ريال / بينما اللي بالرياض بيكلف 80 ريال + قيمة الشحن 10 ريال = 90 ريال .... الفرق واضح جدآ , 40 ريال بالنسة لتاجرة تصعد وتنزل

بالنسبة للعبوات استخدمي عبوات بلاستيكية وابتعدي عن الزجاج لانه قابل للكسر , ممكن تلاقي العبوات عند مؤسسات العطارة , أبحثي بالنت راح تلاقي بأذن الله . أحرصي ع ديزاين العبوة لأنه لها دور وتشد المشتري , ماله داعي ببداية تجارتك لـ الأستكرات أكتبي طريقة الأستخدام بالكمبيوتر وأطبعيها ولزقيها ع العبوة لما تكبير بتجارتك أعملي أستكرات
[/align]