الاول أملك بقاله والحمد لله
راتب العمال 2000ريال بالشهر
دخله اليومي ما بين 200إلى 400ريال وكل الدخل ارجع اشتري فيه طبعا رواتب العمال والرخصه والسجل والكهرباء ... الخ تطلع من المحل ولله الحمد
يوجد اكثر من منافس في نفس الشارع طبعا لعماله اجانب كلهم
المحل ملك
والثاني خياط نسائي
كان فيه عاملين وبعدين عامل واحد والان مافيه عماله
والان المحل مسكرورخصته سارية المفعول وابي استفيد منه
يوجد اكثر من منافس
المحل ملك
المحلين ليس عليهم ديون والحمد لله
المشكلة تكمن في أني ما قدرت أوفر شيء من المحلين وانا الان لي اكثرمن خمس سنوات شغال
نفسي أوفر لي شيء ما ني قادر علما ان المحلات في قريه كبيره
ودي باصحاب الخبرة التجارية يعطوني حل للمشكلةوكيفية الاستفاده من المحلين

يلزمك اداره فقط

اما انك تفضي نفسك للاداره او توجه لاحد المكاتب المختصه بادارة المشاريع يدرون لك المحلين بنسبه بسيطه من ارباحك

وبالتوفيق ..

اخوي يبي لك جهاز باركورد

ولازم تزود من بيع البقالة حتى لو بالدين

لأن 400 باليوم ليست كافيه

طائر الاشجان
احساس راقي
اشكرلكم مروركم الكريم ... بالنسبه للادارة فهي عن بعد وفيه شخص مباشر يباشر ويتابع ويقضي وفيه باين ياخذون بالدين .... وهناك موزعين ينزلون بس اغلبهم ماينزلون الا كاش لانه اتوقع انهم يعرفون ان البقاله للكفيل ومو مثل باقي البقالات كلها ماسكينها عمال وماخذينها اجار .... فعلاً يصير هناك بعض النقص بس نحاول اننا نكمل على قدر المستطاع ... في البدايات كان فيه بضايع تنتهي صلاحيتها ونحسرفيها تجارالجمله مايرجعون لك او يستبدلون اي بضاعه منتهيه ...
ابي لو سمحتم افكار لزيادة الدخل وتكميل المحل من كل شي .... لانه قدامنا بقالتين ماسكينهم افغان وثالثه بالخلف احاول يااخوان اني اثبت وجودي من خلال منافستهم وسحب الزباين مع انه اغلب الزباين يشتكون من معاملة الافغان ولا يحبون يروحون لهم ... كما اشير ولله الحمد ان العمال لدي يحبونهم الزباين ومرتاحين لهم ويوصلون طلبات للمنازل وكذلك تعاملي معاهم الحمدلله زين واغلب الزباين جيران واصدقاء وفي الصيف يتغير الدخل ولله الحمد

اخي انا عندي لك حل عشان تعرف كم ربحك اليوم

خل العامل يسجل كل شي يبيعه

وبنهاية اليوم شوف راس المال واخصمه من الاجمالي وشوف كم يطلع لك صافي

وحاول تمشي معاهم لمدة شهر وبعدين شوف كم دخل الشهري صافي

وش فايدة فتح البقالة اذا لك 5 سنوات منت مستفيد شيء منها !!!!!!!!!!!!!


راقب العمال وتاكد من امانتهم

احساس راقي
الصد والهجران
مشكورين على مروركم الكريم وملاحظاتكم

سبحانك لا اله الا انت اني كنت من الظالمين

اخوي البقاله كبره شوي وفتح مخابز خبز منفوخ (الي هو خبز مصري) ونشاءالله تشتغل صح وهذا اشي مجرب ميه ميه

تبي الصراحة المشغل يدخل ذهب بس صدقني العمال ياخذون لأنفسهم وعلى قولهم يبي لهم رقيب
اذا امي تفصل فستان البرنسيس حق العجايز تروح اللخرج بس علشان تفصل فستان لأنه مافيه شيء بس قماش وبنسات -30 ريال وهنا بالرياض 60 و70 يعني يلعبون 30 بالجيب والباقي للمحل
والله راحت اختي للغرفة التجارية الشهر اللي راح لملتقى مالكات المشاغل وش طلع اللي مدارية مشغلها هي اللي تقول انا ربحانة واللي ماتدري عنه تقول انا خسرانه وبقفلها

يعني بالعربي انتبهو لحلالكم اكلونا هالأجانب وتجروا وحنا غافلين

الله يسهل امر الجميع