السلام عليكم ورحمة الله وبركاته

مسائكم او صباحكم خير

//

اعمل منذ قرابة الأربع سنوات في قطاع خاص شبه حكومي على مرتبه تعادل المرتبه الرابعه في القطاع الحكومي ومتزوج وراتبي لايكاد يفي قسط الايجار وأمور المعيشه الباقيه ولدي مؤهل الثانويه العامه فقط ولايوجد اي شهاده اخرى ترفع من معدل الراتب ومستوى المعيشه لذلك قررت مواصله دراستي الجامعيه وانا الان في المستوى الثاني (انتساب مطور) ولله الحمد والان اشتركت في دورة شهادة ICDL الدوليه في قيادة الحاسب الالى مدتها 3 شهور ولكن المشكله لاتكمن هنا وانما المشكله في عمري فأنا ابلغ من العمر 28 عاما لذلك لدي احساس دائم ومقلق بأن الشهاده الجامعيه لن تفيدني الآن فقد طارت الطيور بأرزاقها واني قد كبرت في العمر فعلى قول المثل العامي"يوم شاب ودوه للكتاب" !! فمن هذه الناحيه انا احس بهم لايعلمه الا الله فكل طرحت عليه مسألتي قال انك في بدايه عمرك ومشوارك والمستقبل ينتظرك ومن هذا الكلام !! ولكني فكرت ان انا حصلت بإذن الله تعالى على الشهاده الجامعيه في وقتها المحدد سأشارف على عمر الـ32 عاماً وهذا محبط بشكل كبير فالشهاده الجامعيه تصلح لمن هم في مقتبل اعمارهم 22 او 23 سنه وقتها يتسنى للشخص ان يبدأ مشواره بقوه بعد توفيق الله وتصبح البكالوريوس أتت في وقتها ..! علاوة على اني اطمح الى اكمال دراستي (تعليم عن بعد) دراسات عليا وهذا مايقلقني كثيرا !

قد تعتقدون اني متشائم ولكن والله هذا الشعور يخالجني منذ وقت جعلني اتردد في الاستمرار في الدراسه وتحصيل الدورات وغيرها وغيرها ...الخ

فما تعليقكم حول ما اشعر به هل انا على صواب ام لا ..!؟

لوطالت الأيام

اكبر مني ع عيني وعلى راسي بس لازم انصحك !!!


ادنو مني جزاك الله خير ايوه خلك هنا : -

الدراسه اذا مافادتك ماضرتك اوكي خالي عمره 40 واللحين بثاني جامعه انتساب وعادي ...

وبعدين استغربت حاجه مسجل بهالمنتىدة من 2008 ومشاركاتك بس 8 !!!

وشلووون جت ؟؟؟


اي شي تبغاه امر بس واجيك اطامر ...

وبس ...

^
في ناس مشاركاتهم واجد على ميّح
والرجال ذا بثمان مشاركات معادل له 8000 مشاركه










هلا بك أخوي بالنسبه لموضوعك والعمر على ما قال عاشق الشمس الشهاده إن ما نفعتك ما تضرك
أنت كمّل دراستك ومن هنا لين تتخرج يحلها ربك .. صديق يبلغ من العمر 35 عام للحين ما توظف
ما معه ولا شهاده لا أبتدائي ولا غيره بس متعدد اللغات : )

وهذا هو يبحث عن وظيفه ولا قال عمري كبير ما راح يقبلوني وبالنسبه لوضعك أنت حلو من ناحية الوظيفه تكسب بالشهاده نقاط للترقيه أو تجد بها وظيفه أخرى .. الله يوفقك ويسهل أمورك

انا اشوف انك بااقي صغير يعني لو انك عااطل كان تقول هالكلام متي اخلص واذا خلصت بالقي وظيفه وللا اما انك موظف بالعكس ولاتفكر اجتهد وبالتوفيق

اطلبو العلم من المهد الى اللحد ماقال الى 28 ووقف !!!

وبس ...

بالعكس انت مشغل نفسك بالهم ومكبر الموضوع ...

عمرك 28 سنه..؟

اسف باقي صغير ... اعرف شخص درس الجامعة وهو في الثلاثينات وخلصها وبعدها درس في بريطانيا ماجستير وخلصها وعمره الآن 45 او اكثر ... لانه لما تخرج من البكالوريس جلس فتره وبعدها كمل وتخرج وما شاء الله عليه الحين يحاول يدرس دكتوراه في نفس الجامعة في بريطانيا

انا قلت لك هالقصة لأن الدراسه بالذات ما يحكمها عُمر بل فكر وطموح واستراتيجية انت تضعها لـ نفسك

يعني ...

اسأل نفسك سؤال قل اذا صار عمري 35 سنه هل تقدمة او باقي افكر ...؟

ونصيحة ضع لك هدف اي خطة لمدة 5 إلى 8 سنوات وحاول تملك العزيمة والمجهود

...

اسأل الله العظيم رب العرش العظيم ان يوفقك ويسهّل دربك ويرزقك ويفرجها عليك

نصيحة خلك متفائل وقرر الحين وصدقني ((((((ابسط مما تتصور))))))) لكن تحتاج عزيمة الرجال

سؤال يطرح نفسه ..
انت تطمح تكمل دراستك عشان تزيد من فرص ترقيتك بجهة عملك وإلا عشان تبحث عن وظيفة أفضل ..؟
اذا كانت الاجابة الأولى فليش تشيل هم العمر ..؟!
واذا كانت الثانية انت ماراح تقدم على عسكرية عشان تقول مامنها فايدة بعد سن الـ 30 مثلاً
ما اشوف ان هناك اي عائق حقيقي غير المال ..
واتوقع انك تجاوزته خصوصاً انك تدرس بالمستوى الثاني ..
يعني قادر توفق بين مصاريف حياتك ومصاريف الدراسة ..
انا حالياً موظف مثلك .. لكن يمكن تكون ظروفي المادية افضل منك خصوصاً اني اعزب وراتبي اتوقع ضعف راتبك ..
لكن أقولك .. اني انتظر بدء القبول بالتعليم عن بعد رغم ان فرق السن بيني وبينك مش كبير ..
مو لأني ابحث عن ترقية ..
لكن عشان اطور من ذاتي ومن نفسي وتفكيري ..
وليه لا .. يمكن اواصل حتى الماجستير والدكتوراهـ

حتى مستقبلاً اولادك راح يفتخرون فيك لأنك تحمل درجة الماجستير او الدكتوراة ..
وأنك كنت اب مختلف عن كثير من آباء اصدقائهم ..

لا تفكر كثير وواصل دراستك ..

موفق ان شالله

على حسب تخصصك

اذا تربوي او لا؟!


لنفـرض البنت .. تتخرج من الجامعة وعمرها 22 +15 سنة انتظار التعيين

يعني يوصل عمرها 37 وهي ماتوظفت ويمكن اكثر


انت عمرك 28 ولنفرض باقي لك 3 سنوات تخرج

يعني يسير عمرك لمن تتخرج 31 سنــة

والرجاجيل يتعينون اسرع منا بالوظائف التعليمية


يعني راح تتعين قبلي إن شاء الله


ثانيا : اذا وظائف بنكية او ادارية بإي شكل من الاشكال

راح يوظفونك ويزدون دخلت بحسب الكفأه



والعسكرية زينــة يقولـ (ن)



وبالاخير الشهادة مراح تضرك

من ناحية مابتفيدك هي الصراحة مابتفيدك
خاصتاً إنك إنتساب ومابتستفيد من دراستك شيء إذا كان قصدك العلم
أما الوظيفة فمليون بالمية مابتفيدك

لأنهم بالوظايف مايسألون عن المستوى الدراسي كثر مايسألون عن الدورات اللي أخذتها
إنقلش
كمبيوتر
< هؤلآءِ أهم

صرآحة الإنتسآب خسآرة فلوس بس

أنا وأنت نفس المستوى التعليمي كي أكون فتاة جامعية لآغير لكن من ناحية الدراسة لم أستفد شيء
إنما أدرس أشياء لاتناسب حياتي ولا ديني ولا مستقبلي

لالا كمل وما يفرق العمر ابدا ول تركت الدراسة بجي يوم تقول ليتني ما تركتها

بالتوفيق اخوي