عندي 30 ألف ابي اشغلها وطلب صغير

فاضل علي · #1 (**permalink**) 29-01-2011, 12:36 PM

السلام عليكم ورحمة الله وبركاته

اخواني بختصار شديد انا واحد عاطل باطل تعبت وانا ادور لي على وظيفه

وعندي مبلغ 30 الف مادري وش اسوي فيها ابي مشروع ابي اي شي تخليها تزيد

وبطريقكم الي يشوف ليي وظيفه الله يرحم والديه

عيوني فقعت وانا اقدم بهل الوظايف عن طريق النت وتعبت وانا اروح الى الشركات الي تقول لك قط ملفك وانشاءلله نرد عليك

شهادة ثنويه + معهد انقلش وحاسب + خبره بالبنك الاهلي لمدة سنه ممثل مبيعات

انا من الشرقيه

دخلي حالياً بالشهر 0 ريال

علموني وش اسوي؟

الذويقه · #2 (**permalink**) 29-01-2011, 04:30 PM

الله يفرجها لك ولنا وكل محتاج

النيوزلندي · #3 (**permalink**) 30-01-2011, 12:55 AM

ليه ما تجرب تشتغل بالخضار
تشتري جملة وتبيع مفرق
وجرب بـ2000 ريال في البداية

بزنس طموح · #4 (**permalink**) 30-01-2011, 02:34 AM

[align=center]
[align=center]
المشاريع كثيرة اخوي فاضل..
بس لازم تكون محب للشغلة اللي ناوي تشتغلها وعندك ميول لها..
علشااان تستمر فيها وانت مبسوووط .. وتبدع فيها..
وفقك ربــــــــــي
[/align]
[/align]

اكمل الفراغ · #5 (**permalink**) 30-01-2011, 04:16 AM

هذا موسم حطب اشتر دنه كامله 15 الف وبعها ب25 الف سوينا ها منذ مبطي بس شغل يعني شغل متعب وخل الحطب على شكل رزم يعني كل رزمه 4 اعواد كل اربع اعواد بسبعه ريال و وانت بكيفك بس يبيلك استشاره شوي منا منا

فاضل علي · #6 (**permalink**) 30-01-2011, 10:11 AM

اقتباس:

المشاركة الأصلية كتبت بواسطة النيوزلندي

ليه ما تجرب تشتغل بالخضار
تشتري جملة وتبيع مفرق
وجرب بـ2000 ريال في البداية

والله ودي ياخوي بس مالي خبره بسوق الخضره

ياريت لو احصل لي واحد فهمان بسوق الخضره ويضمن لي نجاحه بالبيع والشرا عادي والله اعطيه مبلغ يترزق الله منه وينفعني

سعود مآستر · #7 (**permalink**) 30-01-2011, 10:19 AM

الحل عندي وانا آخووك
محل جولاات والله فيها خير انااخووي شاغل فيها ومبسوط
والرأي عندك

قلم داعيه · #8 (**permalink**) 30-01-2011, 10:30 AM

بالتوفيق
والله يرزقك
اللهم امين

فاضل علي · #9 (**permalink**) 30-01-2011, 10:41 AM

اقتباس:

المشاركة الأصلية كتبت بواسطة سعود مآستر

الحل عندي وانا آخووك
محل جولاات والله فيها خير انااخووي شاغل فيها ومبسوط
والرأي عندك

محلات الجوالات صارو اكثر من البقالات

والمكسب ضعيف جداً

فايدة الاكسسوارات اكثر من فايدة الاجهزه ولو انسرق من عندك جهاز بتشتغل شهرين على الفاضي

شوكلاته لزوزه · #10 (**permalink**) 30-01-2011, 11:01 AM

اخ لو اني رجال زيك كان شغلت فلوسي بدون ماسأال احد لكن مو كل الحريم يقدرو يخرجو وينفدو مشاريعهم والاشياء اللي فبالهم..

والله ياخووي المشاريع مليان بس يبغالها ناس تجري ورى الرزق شغل فلوسك بنفسك وخلي الفايده لك

لاتقول ع اي صنعه ماتعرف اصنع نفسك بنفسك واستفيد من تجارب الاخرين وراح تتعلم

جرب تفتح محل ملابس للشباب وجيب البضاعه مو شرط من برى المملكه جيبها من جده مثلا البلد نص محلات جده وعلى مستوى تشوف المحل تدوخ من حلاة البضاعه وتكون بالجمله من البلد بس هيا مسألة ذوق في الاختيار وكمان ديكور المحل له شغل كبير لااي محل تفكر تفتحو لازم الديكور
وكمان زي ماقال الاخ محل جوالات جيب الجوالات من دبي والا اي مكان والاكسسوارات ترى هيا من اكثر الاشياء اللي تتشترى برخص التراب وتباع بفايده كبيره
عارف مشاء الله اخو صحبتي في المدينه ينزل جده يشتري العاب بالجمله يعني مره تقول اخذ ثلاثه كراتين ماكلفتو 300ريال او اقل وباعها كلها بالكرتون لواحد تاجر 3000 والتاجر اللي طلب يشتريها بذا السعر

اكيد بتقول المحلات يبغالها ايجار .. مو مشكله حتى لو تبدى في صنعه فبسطه فسوق شعبي اي شي

فنصيحتي لك اسعى واسأل وجرب واهم شي طالما انك عاطل اشتغل بنفسك واشغل وقتك وحافظ ع اموالك
واسأل الله انه يرزقك من واسع فضله..