السلام عليكم ورحمة الله وبركاته
هذا الموضع عن الكشف الطبي بمكة اول ما تطلع ارقام المقبولين مبدئي تروح على حسب موعدك وتخلص اوراقك من المدينه ويعطونك موعد لقوى الامن المهم اول يوم تحليل دوم وبول وانتم بكرامه وثاني يوم اشاعه وبعد كذا على عرفــــــه
انا كان موعدي الاحد اللي راح بعرفه الساعه 7 صباحا وانت محضر عند مستوصف قوى الامن بالعزيزة يمكن يتاخر على حسب بس تجي بدري عشان تضمن بعد كذا يجكم واحد عسكري من المدينه ينادي عليكم اللي يسمع اسمه يركب الباص طبعا الهويه معك والاشاعه وتروحون لعرفه هناك يدخلونك على مستوصف ويدخلونكم 10 10 تدخل يقسون وزنك وطولك اذا حط لك ورقه صغيره ودبسه في الكشف اعرف ان عندك ملاحظه يا وزنك او طولك بعد كذا يعطيك الكشف وتعبي الجداول اللي فيه حط علامة صح تحت لا.. انتبه تحط صح تحت نعم بعد كذا على العيون اول ما تدخل في دفتر عمى الالوان مررره بسيط ويحط لك ارقام على صبوره يقولك وشهي بعدها على النفسيه يحط السماعه على صدرك وبس وبعدها على الجراحه هنا يخليك تفسخ يقلك افسخ ثيابك كلها عدا السروال الصغير يطالع وبعد كذا الله لا يهينك تنزل السروال الين الركبه ويشوف الخصيه اونتم بكرامه وبعدها لف وجهك على الحيط يشوف المواخره كيف والظهر زي كذا بعدها يختم لك وطلع برا عشان كذا لازم تلبس رياضه عشان التفسيخ ولا تاخر اللي وراك بس مو لازم جزمة.. المهم تطلعون برا المبنى حق نص ساعه ويدخلونكم على عيادة الاسنان وبعدها على الاذن والنف والحنجره العيادتين هذا كلام فاضي روتينيه بعدها انتظر برا لين يخلصوو الباقين يركبونكم الباصات اللي عليهم ملاحظه في الطول والوزن راح ينادون عليهم ويعطونهم فرصه وبعدها يحرك الباص على الساعه 12.30 على العزيزة وكل واحد على بيته .. اليوم الثاني تروحون عشان تكملوو اوراقكم اللي طلبووه في ورقة الطلبات اللي هي 15 :-
1- صوره كرت العائله
2- صوره مصدق من الشهادة
3- صورة مصدقه من حسن السيرة
4- برنت وخطاب الاحوال
5- برنت خلو مخالفات مرورية
6- ورقة البصمات
7-صورة من الهويه مكبرة
8-صورة من هوية ولي امرك في حال وفاة ابوك
9-صورة من هوية الجد في حال انه على قيد الحياة
10- صورة من رخصة القيادة السنه هذي الزاميه
11- دفتر طلب الالتحاق الاصفر
12- تعهد بالرتبه الممنوحه هذي عندهم
13- الكشف الطبي هم يرسلونه
14- 16 صورة 4x6 مكشوف الراس
15-اشعار برقم حساب من احد البنوك
وصل الله علي سيدنا محمد .. واعذروني على الاطاله .. اذا اعجبكم الوضوع .. لا تبخلوو علينا بدعووه في ظهر الغيب ..