[ALIGN=CENTER][TABLE1="width:95%;background-imagerl('https://www.btalah.com/mwaextraedit2/backgrounds/60.gif');background-colorilver;border:4px solid silver;"][CELL="filter:;"][ALIGN=center]
مساء الخير والفرح والتتويج لكل من شارك بفعالية بطالتنا سرّ سعادتنا اكثر فعالية شهدت
اقبال وصل عدد المشاركين للمليارات وعليها كم اصفار انا بالحساب مو بذاك الزود لي اسبوع
من عرفت افرق بين الميتين والعشرين وسببت زحمة بطرقات واعاقة الحركة الداخلية ورحلات الطيران فعالية لن تتكرر توبة نعيدها ينعن ابوداركم بس ثلاثة يشاركون والباقين يسحبون
الله يسحب ابليسكم بقلاب وكل من عشمنا بالمشاركة وسحب علينا وعلى راسهم ام اربع واربعين
مرة فاضية يوم كامل وهي تبكي تكفين طالبتك ياوثيقه تأجلين الموعد يوم اجلته وتسحب عليه
كله من ابليس نخاني اجل الفعالية عشان هالسعليه عاد كل شيء وابليس ماارد له طلب
وانا خابرة انها طعسة مي حقت هالفن وهالحركات اجل فيه وحده تقول امنيتي اكون مشرفة قلت
وراك تتمنين هالأمنية قالت عشان اخذ مكأفاة خذ الله هالتفكير المصدي المعشش براسك يافوفو
لو تتدفنين نفسك تسوين خير بأهلك
علمن يأصلكم ياقليلين الخاتمة اللي سحبوا علينا من غير عذر لعد اشوف زولكم بالقسم

بعد هالمقدمة المليئة بالدرر نبدأ بأعلان عن أصحاب المقاطع الشقردية سهروا وتعبوا وبحثوا بمقاطع اليوتيوب وحملوا وصدعت روسهم وهم يكتبون الحوار وقضوا الليالي
والآيام ومع محبس الجن ومشرفتة الفخمة ماهناك شيء يضيع

_كان أول مقطع (حوش بكر ومعاناة الفقر) صاحبة المقطع الطخمة مشرفة الواحة
الفدائيه منّو الوناسة وحصلت على أعلى نسبة تصويت 314

ماكان بودي تفوز بالمركز الأول بس حظها يشق جبل ( اذكروالله/عيني تكفي وتقوم بالواجب

حصلت على وسام المركز الأول






+ علوم سنعة وبطايق شحن
( متوا حره ياللي سحبتوا علينا



_ثاني مقطع ( اردوغان يهجي ربعنا ) صاحب هالمقطع الابن البار اللي مقطوع سره بقسم بالبلوتوث
والكاريكتير يقولون هالعضو خرمان على الكيكورات اذا بيوم مانزل كيكور تنتكس حالته نسأل الله السلامة صاحب المقطع فيصل مقطعة لقي اقبال من الساده وكانت نسبة تصويته 199

وحصل على وسام المركز الثاني




+ بطاقة شحن ( وش زود منّو عنه ياخذ اللي تاخذه بمحبس الجن نطبق المساواة )




_المركز الثالث مقطع (نصائح للعاطلين ) وصاحب هالمقطع تحدى وكان قد التحدي مقطعه
مطنوخ منقع بالقسم الرياضي وبرابطة الهلال كان بودي يفوز بالمركز الأول بس الحظ له دور
الزعيم العاطل حصل مقطعة على نسبة 168
وحصل على وسام المركز الثالث


+ بطاقة شحن ( محبس الجن الكل كسبان معه )




ولايسعني بالأخير ان اشكر علوش مهندس الفعالية اللي صخر وقته لخدمة المشاركين
ويقولون من بعد ماأبرمت العقد والرجال مختفي عاد مدري هم فرقة حسب الله اخفوه
مافي شيء بعيد عنهم كل شيء جايز بمحبس الجن

اشكر نوسة اللي نشفت ريقها وسوت لي بنر الفعالية

واشكر مشرفين الواحة الاربعة الطقم يازينهم كل ماشفتهم بالواحة اتذكر دعاية فناجين السيف
وفقتهم ودعهم للفعالية واخص بشكر منّو وتوتي عاد توتي لحقها اللي لحق نوسة اتوقع قفلت الخاص ياأني غثيتها لصقت فيها تقول لصقة جونسون

واشكر روح الأمس على الأوسمة الله يسلمها وحتى هي اشقيتها معي وكرهت اليوم
اللي أعطتني فيه وجه

واشكر كل من كانت لهم وقفه ايجابية بفعاليتنا الفخمة وكل من دعم المشاركين وصوت له
وكل الأعضاء اللي تابعونا من بعيد لبعيد والكسل منعهم من الرد

واشكر نفسي المصون على ماقدمته لكم كان حق وواجب علينا ان نشكرها


وهالموضوع مفتوح لكم لمدة اربع وعشرين ساعة خذو راحتك محد بيقول لكم شيء الضوء الاخضر معكم واللي يتفرعن عليكم اتصلوا على مكافحة العقد تلقوني مرتزه هناك


انقلعووو (ماتترك نذالتها )


قصدي انطلقوا ياعباد الله

ايه صح لابفوتكم بس التنسيق اول مرة انسق موضوع ساعة وانا أتمقل فيه قبل اعتمده
ياان عندي ذوق اول مرة اكتشف هاخاصية عندي







[/ALIGN][/CELL][/TABLE1][/ALIGN]