أبي مشورتكم في مستشفى القوات المسلحه بالرياض

السلام عليكم ورحمة الله وبركاته ..

مرحبا بالجميع ..

عندي استفسارين عن طريقة اختبار ومقابله الشخصيه بمستشفى القوات المسلحه كيف تكون ؟

وطريقة دوام الدعم الفني في نفس المستشفى شلون ؟

علماً اني خريج كلية تقنيه حاسب آلي ..

أتمنى الرفع من المشرفين ، والأجابه من الزوار

شاكر ومقدر لكم

اخوكم / منصور

شكراً لرفـع ..

وياليت أحصل اجابه لهالأسئله

معقوله 51 مشاهده ولا رد

بالنسبة لإختبار مستشفى قوات المسلحة بالرياض
اول شي راح يعطونك ورقة فيها خمسة اسئلة باللغة الانجليزية
اسئلة مستوى أول ويصححها قدامك اذا جبت 3من5 تكون اجتزت المرحلة الاولية
وبعدها يكون اختبار بس يكون عن طريق الحاسب
تجلس على جهاز حاسب ويعطيك مدة عشر دقايق لكل مرحلة
المرحلة الاولى ( قواعد لغة انجليزية ) المرحلة الثانيه ( قطعة وعليها اسئلة ) المرحلة الثالثه ( مصطلحات طبيه )
اذا جبت 51 من 100 تترشح للمقابلة الشخصية عاد هذي ماوصلتها
اذا جبت 50 من 100 يعتذر منك وتمسك الباب

الله يوفقك
انت قدها وان شاء الله بتعدي

شاكر ومقدر للجميع ..
أخوي عبدالكريم ، انا تخصصي مو طبي ..
تخصصي حاسب آلي دعم فني
حبيت أعرف شلون طريقة اختبارهم ومقابلتهم الشخصيه
بالتوفيق للجميع
منصور ..

الله يسهل امورك نصيحه ترى المستشفيات يركزوا مره على الانجليزي
انا جربت الحرس اختبارهم يعتمد على حصيلتك اللغويه 99%
في كتاب لقيته بجرير واستفدت منه لمؤلف اسمه احمد محمود الصغير
الانجليزيه لكل المستويات وعندك كمان قاموس ومحادثة لكل التخصصات اتوقع يفيدك
لان اسلوبه سهل وكل شي له شرح بالعربي
وفي مفردات كثير جدا ومتضادات للاسف انا حصلت عليه بوقت متأخر من اختباري
لكن ان شاء الله المره الجايه يكون مستواي افضل
انصحك بالكتاب وبشكل عام مهم انك تذاكر وتحفظ والله يكتب لنا ولكم القبول في الدنيا والآخره