قصتي مع كارثة جده ..

الشًيخه سوُكره · #1 (**permalink**) 30-01-2011, 04:22 AM

بسم الله الرحمن الرحيم ..
السلام عليكم ورحمة الله وبركاته .

أكيد كلكم عرفتو با اللي صار بجده .. وأن شاء الله ربي يجازي اللي كان السبب ..

المهم أشكر كل من فقدني وكل من سأل عني ..

ما اطول عليكم ..

أنا كنت من المحجوزين .. ولاقدرت أشوف اهلي الا بعد يوم كامل ..

السالفه .. أنا كليتي في جنوب جده (أبن سيناء)
ووقتها ربي رحمني وخرجت من الكليه بدري .. ودقيت على السواق وكان بعيد ..
ودقيت على أخويا وجاء أخذني وكان المفروض اروح على بيتنا ..

بس أختي دقت وقالت انها خلصت من معهدها في حي الروضه.. واختي التانيه معهدها في شارع الامير سلطان ..
وقال اخوي خلاص ماني منزلك الا لمن أخذهم ماره وحده ..
ومررينا عليهم .. وهذا كله الساعه 12 وقتها زاد المطر .. أشتد ..ماااره ..

وأحنا في شارع الأمير سلطان ماكان فيه مويه في الشارع كثير .. المهم مشينا على التحليه
نحاول نطلع على خط المدينه .. بنروح السليمانيه .. ماااره زحمه .. وقال أخويا لا بنروح من عند كوبري الميناء ..
ومشينا .. وزحمه الطريق ماااره .. المهم جلسنا في الزحمه يمكن ساعتين ..وكل ماجينا من عند طريق مقفل ..
وقتها دقت أمي تسأل .. وقالت وينكم وقلتها انه ماااره زحمه والطرق مقفله ..
وجلست تبكي ..
هنا انا توترت ..
شوي دقت خالتي تقول لا تيجون من طريق المدينه النازل لان سد ام الخير أنفجر ..
هنا ماقدرت امسك نفسي ..
واجلس اصيح وابكي .. واخواتي يبكون .. وجات الأتصالات .. ابويا يدق .. ويقول انتبهو وامي تتصل تبكي .. وجدتي في مكه تقول تعالو مكه
.. المهم جلسنا يمكن 3ساعات واحنا نلف وندور في نفس المكان عند مستشفى الملك فهد وماااره زحمه ..

بعدين دق عمي قال لا تيجون خليكم وأستأجرو شقه لمن يهداء الوضع وتعالو ..
قال اخويا لا انا بجي من اي طريق .. وبدا العناد حقه .. ومافي احد ما اتصل عليه ويقنعه ..
أخرتها قفل جواله ..عشان محد يكلمه .. دقيت على ابويا اعلمه قال اذا مانزلكم شقه انزلو من السياره وخلوه ..
جات الساعه 12 في الليل .. هنا قطع الامل ..مافي ولاطريق كلها مقفله ..
وبعدين بداء العرض حق الاتصالات الخايس .. وانقطعت الشبكه .. صرت ادق على امي مقفل على ابويا مقفل .. وقلقنا.. فكرنا اهلي صار فيهم شي ..
ونتصل مقفل .. وامي نفس الطريقه وابويا يتصلو علينا مقفل .. وامي بس تبكي ..
دقت خالتي قالت استأجرو شقه ..
ومشينا ندور شقق .. كلهم يبغون كرت عايله .. ومامعانا ..
ودقيت على خالتي وقلتلها محد راضي يأجرلنا لازم الكرت ..
المهم دق زوج خالتي عليه .. وقال تعالو ورحنا عنده ..
وأستاجرلنا شقه في شارع الأمير سلطان ..قريب دوامه ..
ونمنا وصحانا ابويا الساعه 1 الظهر .. يقول خلاص تعالو قبل يجي مطر تاني .. والله مشينا ..

ومع الزحمه وصلنا البيت العصر ..

وهادي قصتي .. مع كارثة جده ..اللي ما اتخيل نفسي انساها ..
هذا كله غير المناظر اللي تقطع القلب .. الله يرحمنا برحمته ..

الله يعيني · #2 (**permalink**) 30-01-2011, 04:25 AM

الحمداله على سلامتك

عاشق الشمس · #3 (**permalink**) 30-01-2011, 04:25 AM

الحمد لله ع السلامه ولا عاد تعودينها !!!

وبس ...

سدرة المنتهى · #4 (**permalink**) 30-01-2011, 04:35 AM

آآآآآآآآآآآآآآآآآآآآآآآه

الحمد لله على سلامتكم يا سوكره

برضو اخويا صارلة نفس الشي لما يئس راح اقرب بيت يعرفة عند اختي وبالعافية وصل

وبات عندها وماجانا إلا اليوم الثاني بالعصر

كل الطرق تعطلت ونفصل الشمال عن الجنوب تماماً حتى الشرائين الرئيسية لجدة تعطلت

والحمد لله لقيتم شقة مفروشة اعرف وحدة هيا واخوها قعدو اكثر من 15 ساعه ينتضرو بالسيارة

صار اهل البيوت الي بجمبهم يوزعو شاي وموية واكل خفيف

كل مره اقرا حاجة ابكي

والله تعبنا

.

faisSsal · #5 (**permalink**) 30-01-2011, 04:36 AM

وعليكم السلام ورحمة الله وبركاته

الحمد لله ع السلامه

والله يجازي كل من كان له يد بكارثة جده

انشراح الفجر · #6 (**permalink**) 30-01-2011, 04:31 AM

الف الف الف الحمدلله على السلامة ياسوكرة

من جد فرحانه ان ربي سلمكم

يارب لك الحمدوالشكر

واخر الكوارث ان شاء الله

وزير البطالة · #7 (**permalink**) 30-01-2011, 04:37 AM

أول شئ الحمدلله على سلامتك أنتي وكافة افراد العائلة ..
ثانيا بالعكس أنتي اللي شفتيه وعشتيه شئ بسيط جداً
مقارنةً بناس عاشوا احداث اسوء من كذا ..ناس جرفتهم السيول وهدمت بيوتهم وجرفت سياراتهم ..

اقتباس:

المشاركة الأصلية كتبت بواسطة الشًيخه سوُكره

وقتها دقت أمي تسأل .. وقالت وينكم وقلتها انه ماااره زحمه والطرق مقفله ..
وجلست تبكي ..
هنا انا توترت ..
شوي دقت خالتي تقول لا تيجون من طريق المدينه النازل لان سد ام الخير أنفجر ..
هنا ماقدرت امسك نفسي ..
واجلس اصيح وابكي .. واخواتي يبكون .. وجات الأتصالات .. ابويا يدق .. ويقول انتبهو وامي تتصل تبكي .. وجدتي في مكه تقول تعالو مكه

وبعد كل هالدراما .. تبغون تسوقون يامعشر البنات ..!

مشلكتكم يالبنات على اي شئ تبكون حتى لو شئ بسيط ...

ماأقول الا الله يعين اخوك عليكم في هذي اللحظة ..
يلقاها من مين ..؟ من السيل وإلا من نياحتكم ..

أُتـرَجة · #8 (**permalink**) 30-01-2011, 09:11 PM

.
السوكرة الحمدلله على سلامتك ...الله يحفظ الوالدة ولا يفجعها بغالي والوالد .
وحسبي الله ونعم الوكيل ,,,روعو الأمنين بفعاليهم ..حسبي الله ونعم الوكيل

فييييء · #9 (**permalink**) 30-01-2011, 04:47 AM

الحمد لله على السلامة ..
يشهد علي ربي من قرأت أمك تبكي
وأنا ماني قادرة أمسك نفسي أنا أهلي
كلهم بجدة وأمي بمكة بس الحمد لله ماأحد صار له شيء
وألف الحمد لله مرة ثانية