جاني الخبر يا حبيبتي وأظلم الكون = قدام عـيني ثم نطقت الشهاده

عـلى العـموم أقولها ألفين مليون = مبروك من قلب شكالك ابعـاده

مبروك ولا يهمك سواليف وظنون = من عـاشق يهديك فرحة فؤاده

سو الفرح اليوم واٍبليس ملعـون = واٍللي يشب النار يجني رماده

أنا أول العـالم عـلى الصاله يلفون = وأول معـازيم الفرح والحداده

أبشر أبرقص عـلى العـرس بالهون = وكلن يعـبر فرحته بجتهاده

لو البلا برقصي يقولون مزيون = المشكله يقولون راح يفضح وداده

يوم العـذارى في دخولك يغـنون = وعـروسك بأحلى ثواني السعـاده

كنت أتمنى بداله والله أكون = وأحط أنا كفي تحت راسك وساده

وشلون أبكتم صرختي يوم تمشون = تكفى خذني للعـروسه قلاده

حتى معـازيم الفرح قاموا يمشون = وأصبحت أنا وحدي بدون استفاده

وطفوا علي النور من غـير يدرون = قصر الفرح يا قبر (ابتسام ) ومهاده

وصيتي لو جاك ولد وأنا عـليك أمون = تكفي سمه( نايف) قبل الولاده