[align=center]بسم الله الرحمن الرحيم
السلام عليكم و رحمة الله وبركاته

اتكلم عن مشاريع اللي يقولوا تمويل مشاريع :

بنك التسليف

الان طالعه لنا بشغله يحولنا على المعهد المهني ولما تروح المعهد يقولك محددين مده معينه للتقديم واذا فاتك يقولوا انتظر شهور عديده حتى يفتح التقديم
واذا فتح التقديم يلزموك بشهاده مهنيه
طيب وش دخل تمويل بنك التسليف في المعهد المهني ؟ شئ غريب وبنك التسليف لا يشترط الشهاده المهنيه ( الشغله كلها تطفيش في تطفيش )
ملاحظه : تخيلوا فتح التقديم العام الماضي في شهر رمضان يعني في تاريخ 1431/9/27 يعني وقت اجازة الدوائر الحكوميه ومتى انتهى في ثالث العيد يعني اللي يبغى يقدم يلقى الابواب مغلقه تحطيم في تحطيم

صندوق المئويه

قدم على طلب تمويل واانسى ( حاطين مكاتب في الغرفه التجاريه على ايش مدري ما دام الشغله بس قدم وانسى )

باب رزق

احس انهم مجرد سرقة الافكار يقولك عبي الورقه وراح نتصل عليك ( يعني امسك الباب )

برنامج كفاله

تخيلوا عندهم طلب غريب عجيب ههههههههههههه يقولوا عطنا اخر ثلاث سنوات من حسابك يعني بالتجاره يبغوا يشوفوا كم رصيدك ما يدروا الاخوان بالبنك انها تمويل مشاريع ناشئه وليست مشاريع قائمه
تخيلوا رحت لبنك والله العظيم ما احد عرف ان فيه برنامج اسمه برنامج كفاله الا شخص واحد من بين عشرات الموظفين ؟ سؤال محيرني اذا ما احد يعرف عن البرنامج شئ ليه ما يقفلونه والحل بعدين اقوله لكم في نهاية موضوعي

برنامج الراجحي لخدمة المجتمع

نفس طريقة صندوق المئويه تسجل بالنت ويقولوا نتصل عليك

يا شباب الحلول والله العظيم بسيطه جدا

دمج جميع جهات التمويل الحكوميه والخاصه و اعطاء جهه معينه بالاشراف عليها ( مثلا بنك الانماء ) يكون لها داراه مستقله في البنك وزي نظام vip في البنوك تكون مدعومه بجميع الاشياء التي يحتاجها الشباب من دراسات جدوى و استشارات و لجنان حكوميه لتسهيل الوقت والجهد للشباب
تسهيل الشروط يعني لا يطلعوا لي بشهاده مهنيه ولا كفيل
اجبار الشركات على تمويل الشباب وارسالها للجهه المعينه والحمد لله عندنا شركات من اضخم الشركات في العالم مع الدعم الحكومي

الجميع لديه افكار وطلبات ما شاء الله تبارك الله يعني لو نزلنا موضوع عن المعوقات وجمعناها الافكار والطلابات والمعقوات و رتبنىاها وارسلناها لجريده يعني راح يصير لها صدى قوي

بيني وبينكم افكر في برنامج في قناة العربيه واجه الصحافه صراحه له صدى قوي حاولت ادور لهم ايميل خاص بالبرنامج ما لقيت
كانت لدي فكره اننا ننزل موضوع عن معوقات والصعوبه في حصول الشباب وبنات السعوديه على التمويل ؟ نجمع الموضوع وجميعا نرسل على الايميل ببرنامج واجه الصحافه

لا تلوموني متحطم بصراحه

ملاحظه : نصحيه للاخوات شفت مواقع للاخوات اللي دخلن بالمشاريع الصغيره لقيت قاموا اختار لهن مواقع سيئه
يعني لا مواقع مميزه اتمنى ان يركزن في المواقع الممزيه ويشترطن هالشرط الاساسي اللي هو يقود للنجاح بإذن الله

اتشرف بمشاركاتكم واتعلم منكم وتقبلوا تحياتي

[/align]

الله يعين

يعطيك العافيه

لصوص خونه وحكومة تركت شعبها ضحية التجار البشعين والجشعين
قاتل الله الفساد قاتل الله الفساد

صادق اخوي قيس العتيبي بس ترى حنا كمان نايمين والتجار تطفيش بالشباب وما يقولوا الحل لك السعوده تشتغل والمراقب هو بنقالي يراقبك والله حاله
حاولت انزل موضوع عن حقيقة تمويل الشباب في الصحف الالكترونيه بس ما اعرف كيف نرسل لهم حتى ينزلوا موضوع حتى ينتشر حاولت ما قدرت
تكاتف الشباب مهم جدا


شاكر مرورك اخوي قيس العتيبي

‎لي طلب في صندوق عبداللطيف جميل صار له سنتين !!!
‎لا إتصال ولا خبر ولا شي أبد .

‎لي طلب في صندوق المئوية صار له ثمانية شهور !!!
‎لا إتصال ولا حس ولا خبر .

‎عملت دراسات لبعض المشاريع التي تخص الشباب وذهبت بنفسي إلى بعض التجار
‎عن طريق أحد المعارف ، وأخبرته بفكرتي وأنه سوف يساعد شريحة كبيرة من الشباب
‎وفي نفس الوقت ذات فائدة كبيرة له بمشاريع مدروسة من ......إلى
‎وبشروط لا ترهق الشباب ولا تخسره أية أموال وأن الشباب فيهم الخير والبركة
‎لكن مع الأسف إكتشفت إنه أخذ المشاريع وقام بها بنفسه بعد حوالي خمسة أشهر
‎وتفاجأت أكثر عندما عرفت بأنه سلم تلك المشاريع إلى إدارة من " الأجانب " ويستلم
‎في نهاية كل شهر " الأتاوة "

‎الشباب فيهم الخير والبركة لكن ما يؤثر عليهم هو :-

‎- غياب جهات التمويل وإن وجدت فلها من السلبيات الكثير
‎- عدم جدية البعض من الشباب فهو يبدأ بحماس كبير وعندما تصيبة أول إنتكاسة يبدأ في التفكير السلبي مما يزيد من خسائره
‎- بعض الشباب لايخطط لأن يبقى ويطور في نفسه ومشروعه ويقف عند بداية اي مشروع
‎ولا يطور فيه بأفكار جديدة تتيح له الإستمرار في المنافسة
‎- لا يتابع السوق وتطوراته وحجم المنافسة فيه مما يسبب الركود الأكيد لتجارته وبالتالي الخسارة
-
‎بالإضافة إلى أسباب أخرى متعددة

‎مع الأسف ما ذكرته من جهات تمويل هو من باب " فقاعة تمويل صابونية " بدأت كبيرة وإنحدرت لتصل للهاوية

‎أفضل طريق للبدء مشروع هو بالتمويل الذاتي " لمن يستطيع " لأنه يخلق نوع من التحدي في النفس ويخلق طرع إبداعية للإستمرار

‎موفق بإذن الله ... لك مني أجمل تحية .

انتو ايش حقه معذبين عمرك سيروا علي فيس بوك
وابحثوا مع الاشخاص المعنين في هذا الامر
وتري هناك في اعلامين هدفهم هذا الامور
وراي ما تروحون هناك وتسوي قروب وتنشرون لااصدقاء وخاصه الاعالمين وركز عليهاا

ومن ضمنهم الاستذ علي الغفيلي تري مسوي صفحه هناك واكيد تركي دخيل مسوي

كل الاعلامين هناك

من وراي تجربه وانا اشوفها في فيس بوك كل يتفاعلون في قضايه الي تصير في مملكه

عاد كيف لو مثل هذا القضيه؟؟؟؟!!

انا قرات في احد منتدي عن مشروع زين وحدة من مندوبين ارسلتي لي الصفحه
راح احطه لكم

فعلا هم مجرد واجهات اعلامية ولعب بمستقبل الشباب
حسبنا الله ونعم الوكيل

شـكرا لك وبارك الله فيك... لك مني أجمل تحيه

اذا الوظايف الي مافيها فلوس ما تجيك الا بعد ما يروح نص عمرك ناس تتخرج من 1420 وتتوظف 1429 ؟
والله انا نفسي نفسي كذا يعني ان المواطن لما يروح بنك التسليف يقوله ابغى قرض عشان اسوي مشروع يرسله لغرفة التجارية وهناك يحددو له موعد مثلا بعد اسبوع ويسوون لهم جلسة فيها اكثر من طالب قرض يشرحون لهم فيها اولا كيف تختار مشروعك وثانيا كيف تسوي دراسة جدوى لمشروعك ويساعدوهم بارسالهم الى عناوين مزوديين مواد المشروع و كيف يدير الشاب مشروعه بعد استلامه للقرض ..

وبعدين حتى لو كانت في جهات اشرافية للمشروع وتاخذ فلوس مو مشكله المهم تساعد صاحب القرض في انجاح مشروعه وخذو ياخي 30 الف من القرض بس خلو مشروعي ينجح