حسبي الله ونعم الوكيــل ..

سلام عليكم ,
الحين انا ابي اعرف ليه تقولون عن السعودي انه كسلان , ولا يحب العمل , ويبي مكيف , ويبي مكتب ,, ومن ذا السوالف المآصخــه .. خلونا واقعيين مع انفسنـآ , السعودي محارب من كل جهه , من الدولة ومن العمالـة , حقك يالسعودي مهضووم , ولا تقدر تفتح فمك ولو تشوف الاجنبي يبيع بالملايين ما تقدر تقول له عينـك في راسك , والسبب غياب الرقابـة والتسيب الواضـح من الجمييع ..
انا واخوي كنا نبي نستاجر محطه في مكان معين , تدرون عاد من اللي مستاجرها يماني ومآجر السوبر ماركت على يمنه والمحطه على يمنـه وهلما جرهـ , طيب انا ابي اعرف وين دور مكتب العمل , وين دور المباحث الادارية , ليه ما يتحاسب الاجنبي على كل صغيرهـ وكبيرهـ , ليه ما يكون الاجنبي بالراتب ..؟

ليه تعود الاجنبي على النصف بدل ما كان يقنع بالراتب ..؟
ليه الاجنبي صار يتحكم فينا عقب ما كنا نتحكم في الاجنبي ,,؟
ليه شخصيه المواطن السعودي أمام الاجنبي مهزوزهـ ,,؟
ليه حق السعودي ضايع في كل دائرة حكوميـة ..؟
ليه يقوم الاجنبي بتحويل ملايين الريالات على ديرته بدون حسيب ولا رقيب ؟


ليـه وليـه وليــه ,, ونظل شعب غلبآن ومحطم والسبب ندرة القرارات الحازمة , غياب الوعي القآنوني عند المواطن السعودي , والمشكلة ان مثقفينا اللي يسمون انفسهم مثفين , همهم بس الاختلاط وقيآدة المرآهـ وذا اللي حنى فالحين فيه ..
بدل ما يسعودون محلات النساء .. يرضى الحبيب بآن يبيع الأجنبي على آهلـه ملابسهم .. ونجلس في المجالس ونتكلم عن الشرف وان السعودي عنده شرف وغيرهـ على محارمـه .. نركب السواق مع آهلنـآ ونجلس في المجالس ونقول قيآدة المرآهـ حرآم , والبيت فيه سواق ياخذ الحرمة ويوديهـآ والحبيب جالس يحكي عن الشرف والعفـه ..


تصدقون الحين صار عندنا جيل محطم ومنهزم دآخليـآ آجل الجيل القادم وش بيكون مخترع قنبلة نوويـة ,,؟
قسسم بالله لنبطي عظم , صدقوني يا آخوان الامر خطير جدآ والوضع لازم يكون فيه حزم من قبل الدولة ,

آخ بس يالقهر , دام كل شيء في يد الاجنبي والسعودي المتكرش صاحب القرار يشووفه ويصفق لـه , وينك يابو فيصل تشوف وش صار بالديرهـ بعد عينـك ,, عقبك البنقالي يسرق واليماني ابو شمـه يسرق والمصري يسرق والسوري واللبناني بعد يسرق ,, وحنى نناظر ولا نقدر نسوي شيء ويقولون لنا المواطن السعودي لمآذاا لا يعمل ,,

ياخي انا ابي انافس بس الاجنبي جنبي يبيع حتى لو بمكسب ريال ربحان , لان ما عنده مصاريف ولا بيت ولا عائله ولا شيء , رامي همومة في ديرته وجاي لسعودية براســه ويخزن في الفلووس لو ربح نص ريال باليوم في ديرته يعادل 10 ريال , لكن السعودي لو ربح باليوم 500 ريال دوبها تغطيه ,