01-02-2011, 02:28 AM
|
|
Guest
|
|
تاريخ التسجيل: Sep 2010
الدولة: علىـ كفـ القدر
المشاركات: 3,283
معدل تقييم المستوى: 0
|
|
يا شباب اسألو مجرب انا قدمت على الامن العام قبل سنتين وقالو لي عندك عمى اللوان وقدمت عليهم السنه اللي طافت وقالو عندك عمى اللوان وضعف نظر يعني كرشوني وقبل شهرين رحت لعيادات الحرس الوطني في الرياض في ام الحمام بالتحديد اخذت موعد مع دكتور اسمه طارق الدباسي كشف علي بمبلغ 600 ريال قال انت عندك انحراف في النظر وجفاف في النظر وضعف في القرانيه قلت وش الحل ما ينفع ليزك قال ابداً المهم الرجال صرف لي ادويه وعطاني وصفه للنظارات قلت طيب راحت خساره 600 ريال لاكن ماعليش الدنيا تجارب المهم انصكت الدنيا بوجهي يعني صارت الاخلاق (0) دقيت على واحد من العيال مسوي عملية ليزك قال لي انا سويت زيك لاكن فيه دكتور ابي ادلك عليه وان شاء الله راح تتحسن امورك المهم قلت منهو يا سنايدي قال هذا واحد اسمه الدكتور وليد الطويرقي في الرياض بالعلياء شارع التحليه واسم المستشفى (النخبه) المهم اخذت الرقم من الرجال وادق عليهم واخذ موعد عندهم واجيهم ويسوون فحوصات قالو موعدك مع الدكتور اليوم الفلاني على عمليت ليزك مع تثبيت نظر جيتهم على الموعد سويت العمليه لعين واحده فقط اخذت عندهم ساعه واربعين دقيقه لان فيها تثبيت نظر يطول سألت الدكتور قلت عمى الالوان له حل قال (لا) وانا الآن استخدم العلاج والنظر في تحسن وان شاء الله راح اسوي لعيني الثانيه عمليه عندهم
التكلفه ياشباب عيادات الحرس الوطني يقولون 5800 مع الكشف انا يوم قالو لي كذا ما صدقت قلت والله الرخص لاكن ما الله كتب
اما النخبه فأنا سويت العمليه لعين واحده بــ 5000 ريال والكشف 500 ريال يعني كلها 5500 يعلم الله انها ليست دعايه لهم ولاهموني بس انا ما ابي الخسائر لكم ولا ابغيكم تمرون باللي مريت انا فيه واللي يبغي رقمهم موجودعندي ...
بالمناسبه قبل اسبوعين قبلوني في الحرس الملكي وخلصت الاوراق لاكني رسبت في عمى الالوان اما النظر تمام
اتمنى اني افدتكم (امنيتي الوحيده منكم جميعاً انكم تدعون لي ان الله يزوجني اللي على بالي والله يوفقكم)
التعديل الأخير تم بواسطة غريب الحياه ; 01-02-2011 الساعة 02:35 AM
|
العرض العادي
