11-04-2011, 07:58 AM
|
عضو مهم
|
|
تاريخ التسجيل: Apr 2008
المشاركات: 228
معدل تقييم المستوى: 878
|
|
سلام عليكم ورحمة الله وبركآتـه ,,
صباح الخير
حبايبي هو صدق باقي ثلاث شهور على تقديم الأمنية ..؟
انا مقدم عليها العام ولكن ما كتب لي فيها رب العالمين نصيب .,, والسنه ذي عندي بعثه ماستر في برنامج خادم الحرمين على آمريكا واضطريت اني آآجل موعد دراستي لآسباب شخصيه وافكر بشكل جدي في التقديم على الكلية
حبايبي بالنسبة للآمور صدقوني انها تسآهيل واللي يقول غير هالكلام ما عنده سالفه انا مجرب كل المراحل وراح اتكلم عن اكثر الاشكاليات اللي يعانون منها الاخوان في مشاركاتهم
بالنسبة للوزن :
لا تخاف من الوزن آتوقع ان معك لـحد 5 كيلو وراح يوقعونك على تعهد انك إذا انقبلت قبول نهائي ما تجي الا انت لحـآلك بدون الخمسه كيلو دبر نفسسك عاد اما تسجل في نادي او اي شيء من ذا القبيل اهم شيء تتخلص من الوزن اللي انت موقع عليه تعهد . انا اعرف واحد الان في الكلية عنده الوزن زائد وقع على تعهد والرجال في الكلية الحيين لكن حاول قدر المستطاع في الفتره الحالية انك تتخلص من الشحوم
بالنسبة للطول :
الطول كذآ شخص استبعدوه ومنهم شخص اعرفه انا شخصيآ الان مهندس في شركة معادن لانه ناقص عن الطول المطلوب 2 سم , حاول تشد نفسك ومهما يقولون لك لا تشد نفسك ترى هم يبغونك تمشي انت شد نفسك بالحيل , وإذا رفضوك تذكر ان الرزق عند رب العالمين ,
الترهلات :
مايدققون عليها كثير كثير طلبه شفتهم عندهم ترهلات لا تخاف من هالناحية لانك راح تجتاز ولا آحلق شنبي .
كشف العيون :
بسيط جدآ جدآ وحاول تمرن عيونك على اختبار عمى الالوان وموجود في النت تقدر تبحث في قوقل عنه ,
العيادة النفسية :
مجرد اسالـه غبيه تطرح عليك بشكل غبي وانت تجاوب عليها مثل " هل انت موسوس " او " هل تعاطيت المخدرات من قبل " او " هل يوجد احد في العائله يعاني من مرض نفسي " .. الـخ
عيادة الاسنان & الاذن :
ثواني يابطل وانت طالع من عندهم مجرد روتين يخليك تشوف التذمر في عيون الدكاترهـ
عيادة االضغط :
يقيس الضغط وضربات القلب ويقول لك آنزلـع
عيادة الجراحة :
هنا الكثير منكم متحرج من السؤال عنها الوضع بسيط ياسادة تدخل على الدكتور وانت لابس السروال القصير ويقول لك الدكتور اسحب ويناظر فيك اقل من ثآنيه ويقول لك ارفع ولف عشان يشووف ظهرك والقصد كله ان ما يكون فيك دوالي او عمليات جراحية قوية لا قدر الله
اللياقة :
انتبه تروح وانت ما عندك لياقة لانك راح تتعب لاني انا تعبت وانا موب مقياس ,
اول شيء جهاز ما يسمى بالاطالة طاولة خشبيه تدخل اقدامك فيها وتدفع الحديدة إلي الامام باصابع يديك وهو يسجل الرقم اللي تجيبـه ,
بالنسبة للركض كلكم تعرفون السير ابد هو بزآتو تركب عليه وتركض وفيه سرعات وكل سرعة بدرجة معينه انا اذكر قلت له خله مراحل وجلس يتكلم معي وفجئه الا وهو على 10
ع العموم يآحلوين تذكروا شيء واحد ان الرزق عند رب العالمين , ورزقك محفول مكفول عنده ولكن لا تفكر الا في رب العالمين وقتها لانه هو الرزق سبحاانه ,,
تصبحون على خير ,,,
عبد العزيز
|
العرض العادي
