أسأل الله أن يعوضك خير
ويرزقك الوظيفة العاجلة
أهم شئ لا تيأس وتوكل على الله

مشكلة البطالة
مفهوم البطالة
البطالة المقنعة
البطالة في العالم العربي
حلول البطالة btalah.com : وظيفة توظيف وظائف vacancies job jobs

السلام عليكم ورحمة الله..
كيف حالكم طيبببببببين ان شاء الله
والله يفرجها على الجميع والي ماكتب الله له نصيب السنه الماضيه ينكتب له هذه السنه بإذن الله
ويجعلنا الله فيها اوفر الحظ والنصيب ..

بصراحه الشي المقلق هو اختبار القياس الي درجته اقل من 60 في راسه اعادة الاختبار
والي فوق 70 برضو وده يعيد الاختبار !!

لو يفكونا من هالاختبار القياس ويفكونا من همه ..

الله يعين طيب انا ودي اعرف من الي جابو ما شاء الله عليهم درجات قويه في القياس من 70 وفوق .. نصائحهم هل هم دخلو دورات للقياس ؟ او فقط على الكتاب الموجود بالمكاتب؟
لانه كل شخص اختبر في القياس يطلع منه ويحس انه بيجيب درجه قويه
ويتفاجئ بظهور النتائج بدرجه ابدا ما كانت في الحسبان!!

أسأل الله ربي العرش العظيم ان يوفقنا ويسهل دروبنا لما يحبه ويرضاه..

هلا محب الخير يالله حية

مشاء الله التوقيع ما تغير الى الان

وش صار عليك

كثير من الشباب بعد ما انكرشو ما عاد صار لهم حس انواع النفسيات الله يدفع البلا ههههههههه

فية بعض الشباب السنة الماضية ما انقبلو قبل سنتين وانقبلو السنة الماضية مشاء الله عهليهم الحين باقي لهم كم شهر على التخرج للي تخصصة علمي

الله يوفقهم وعقبالنا

[align=center]
بدايتاً


اعرفو ان الارزاق بيد الله واعرفو ان بعض كلامي راح يزعل البعض منكم [/align][align=center]

ثاني امر

الي يحس انة بينكرش يظبط غرفتة لانة بيجلس شهر ونص انواع الامراض النفسية

ثالث امر

خلال فترة التقديم راح تجتهد في صلاتك وتصير مطوع فلا تربط دينك بمصلحة خل ايمانك لربك مو لوظيفتك ولامانع من الدعاء فلنا رب كبير ( قل ادعوني استجب لكم )

رابع امر

(( اذا احب الله شخص ابتلاة فمن رضي فلة الرضا ومن سخط فلة السخط )) فقولو الحمد الله على كل حال

خامس امر

الي يقدر يتوظف الحين بوظيفة قطاع حكومي براتب اكثر من 5000 ريال يمسكها بلا امنية بلا جرجيروالي يسحب عليها وينتظر التقديم ابجية البيت وابسحبة من خشمة لوظيفتة

سادس امر

التقديم للأمنية للعاطلين وللموظفين القطاع الخاص الغير مربوط بالخدمة المدنية والي متخرج اقل من سنتين والي وظيفتة مخيسة وعلى بند وماعندة مانع يستقيل

سابع الامر

الواسطة شبة معدومة في الامنية واكرر شبة معدومة

ثامن امر

الي يعاني من امراض وما يقدر يصحح وضعة او ما عندة واسطة نقول لة الله يشفيك ولا ترفع امالك كثير شد حيلك في البحث عن وظيفة افضل لك علشان ما تضيف على امراضك ظغط وسكر وامراض نفسية

تاسع امر

الي معدلة مخيس او قسمة زبالة زي قسمي لا ترفع امالك خل عندك خيار او جزر ثاني ممكن ترجع لة لا تورطت واذا جاك فرصة لوظيفة لا تتردد وتسحب عليها زي ما سوينا السنة الماضية اخرتها ما فية الا تشليق كوسة في البيت

عاشراً

الي قصير يوفر على نفسة الا الي عندة واسطة تشق خشمة

الحادي عشر

الدب من الحين ينحف نفسة يطامر في ذا البيت لين يركب طولة وزنة لا تشغلونا وقت التقديم زي السنة الماضية زي بعض الناس الله يذكرهم بالخير واكرر نابط من الحين لين ينقص وزنك

الثاني عشر

الي اهلة غير سعوديين يوفر على نفسة وان كانو اهلة لبنانيين يشد حيلة في القطاع الخاص وانا اظمن لة راتب 15 الف بشرط تصير عيونك زرق ونص هرجك هيدا وتئبرني الخ

الثالث عشر

الي يستحي من التفسخ وقت التقديم من الحين نقول لة شد حيلك وخلك رجال بلا في شكلك

الرابع عشر

الي انكرشو السنة الماضية للتذكير فية تقديم على الخدمة المدنية ( جدارة ) لا ينسى يقدم ويظبط وضعة والي ما تخرج نقول لة اربض في ارضك لين يبدا التقديم في بداية شهر ثمانية هجري

الخامس عشر

الي يدعي ربة لا ينسى يدعي للشباب معة

السادس عشر

الي عيونة مضروبة يحاول يسوي الليزك من الحين والي فية عمى الالوان يوفر على نفسة الا الي عندة واسطة

السابع عشر

الي سنونة متصافقة مع بعض وكل واحد يقول للثاني ابعد عني يحاول يظبط ضروسة من الحين علشان ما يشغلونك في التقديم

الثامن عشر

التخصصات المرغوبة معروفة ان كان تخصصك شطحة حاول ما تتحمس واجد

التاسع عشر

اذا كان عندك سؤال اسئل والشباب بيجاوبونك ويا ليت تقرى شوي قبل لا تسال حتى لا تتكرر الاسئلة زي السنة الماضية علشان ما تضيع الطاسة

اخيرا ً

كلامي ممكن يكون صح وممكن يكون خطاً ان اصبت فهو من الله وان اخطيت فهو من الشيطان

وشدو حيلكم من الحين



[/align]

[align=center]خروووووووج الى شهر 7 اشوفكم على خير وسلمحوني اذا غلط على احد والله لكم معزه خاصه يااعضاء هذا الموضوع بالتحديد اشوف فيكم الطموح والاحلام اللي اعيشها انا

سي يو [/align]

كيف وضعي في التقديم ::::
تخصص محاسبة من جامعة الملك خالد تقدير جيد ومعدل 3.40 من 5
متخرج الترم الأول