( الجزء الثآلث ) أمن المنشآت ،،، كل مآيتعلق بأمن المنشآت

هلوستن فرااوله · #**10131** (**permalink**) 13-07-2011, 11:41 PM

يا شباب انا الي الحين ما جتني رساله بس بجهز الطلبات با النسبه للجزمات وانتو بكرامه

كيف شكلها هي انواع مو نوع واحد يعني اجيب اي نوع عادي ؟؟

وبا النسبه للرسايل وين المفتين يعطونا فتوه عن الرسايل متي بتجي وين الواسطات نبي نعرف متي؟

نيوزلاندا · #**10132** (**permalink**) 13-07-2011, 11:48 PM

السلام عليكم ورحمة الله وبركاته
الفانليه كم قصير او طويل

البرنس هادي · #**10133** (**permalink**) 13-07-2011, 11:55 PM

بالله لو سمحت انت من وين اشتريت البذله الرياضه والقبوع و والبجامه ومن ايت محلات وش اسمها؟؟

من سوق الهفوف عمارة السبيعي والملحم

نيوزلاندا · #**10134** (**permalink**) 14-07-2011, 12:05 AM

اقتباس:

المشاركة الأصلية كتبت بواسطة البرنس هادي

بالله لو سمحت انت من وين اشتريت البذله الرياضه والقبوع و والبجامه ومن ايت محلات وش اسمها؟؟

من سوق الهفوف عمارة السبيعي والملحم

اني من النعيريه اشتريتوه من اسبورتنج
بس سوالي هل هو كم طويل ام قصير
الله يهدي الشباب مكتوب عندي بالورقه كم قصير
وفي ناس تقول كم طويل

الجواب الكافي · #**10135** (**permalink**) 14-07-2011, 12:08 AM

ياشباب انا ابي اجيب معي جوالي.. فيه شباب يقولون راح يحطونه بالامانات .. هل هذا صحيح والا يصادرونه مني

وولليد · #**10136** (**permalink**) 14-07-2011, 12:12 AM

السلام عليكم ورحمة الله وبركاته

كيف الحال ياوحــوش

والله من زمان ماشاركت ولا شفت المنتدى قطنــت في المركز من يوم دربونا السعوديين كل اسبوع محجوز بس الحمد لله طلعت ذالاسبوع عقب مافلسعت هههههه

والله انا جاي بأعطي نصـآيــح لأخواني المستجديـن الله يوفقكم وييســر اموركم ولا ابي منكم الا الدعاء

اول شيء ياحبـآيبي واهم شيء الصبر

والله وقت دورتكم ماشاء الله ميه بالميـه كلها اسبوعين ويجي رمضان ويصير كل تدريبكم بالمساء وتفلونها ان شاء الله طبعاً اول اسبوع بيجيكم نفسيه اكيد اي واحد ينفس الا اللي بياخذها بفله خلك وسيع صدر ولا تفكر في الخروج اذا ضاق صدرك عشان الحبس 45 يوم او اقل تذكر فيه مساجين عشرات السنين وش يسوون واذا على الكرف خذها من باب انك تضبط لياقتك البدنيه والصحية وخل معنوياتك عاليه وان شاء الله مايعوقكم شيء

والله معنا ناس دببـه مررره وماشيــن في الدوره احسن مايكون الدوره يبي لها صبر كلها كم شهر وتخرجون بإذن الله

طبعاً زي ماقلت اهم شيء اول اسبوع اصبرو وثاني اسبوع بعدين تبدون تفلونها مع بعض والله تضحكون ضحك ماعمركم ضحكتوه برى في حياتكم يجي مواقف واشياء وانت مهلوك تضحك بتستاسع صدوركم مع الوقت اهم شيء خلو عنكم النفسيه ولا تقرب من احد يقول ( متى نطلع , ياليتني مادخلت , ياليتنيي كملت دراسه , ... إلخ ) لانهم يحبطون معنويـآتكـم

وبعدين انت فكر فيها الرجال اللي دخلو دورات وخلصوها وش عندهم اكثر منك ؟؟ كلكم نفس بعض اللهم العزيمه والصبر

والله ان الايام في الدورة العسكرية تمشي بسرعه ماتخيلونها بتحسون ال45 خلصت في اسبوع وإذا خلصتو الـ45 تسهلت اموركم لأنك كل 4 ايام وانت طالع وتنبسط وترجع

المهم انا دخت قايم من الفجر ولا نمت زين ولا ادري وش قلت وش ماقلت بس شكلي ضيعت

ثاني شيء انتبه يحفضونك المدربين خلك بريء ولا تبزوط واي شيء يقوله نفذه الا اذا صرت خلاص ماتستحمل وقف عاد ولا راح يقولك شيء

ولا تنسون ترى التعب منسي والله كنا نهرول نعرج رجولنا رايحه فيها بس صبرنا وضفرنـآ

وبتتذكرون الكلمه هذي ( التعب منســي ) بتقولونها بعد كل جزا تاخذونه طبييييعي والله بعض الاحيان ودك تتجازا تفلها في الجزا واذا صار فيك نشاط زايد تهبل بالمدربين وتستعبط عليهم وتسوي نفسك دلخ وتضحك ياراجل

ايوه وش كنت اقول ؟؟؟

والله اني انلحست صراحه ومانيب رايق ارجع اقرى وش كتبت داااايخ وهلكان وتوني واصل الرياض يارجال خلها على ربك

شسمه وش كنت بقول

ايه الناس اللي ماجتهم رسايل بإذن الله تجيهم ترى فيه نااس مادخلو معنا الا بعد كم يوم وناس جو الاسبوع الثاني بإذن الله تجيكم الرسايل يارب انك تحقق امانيكم وكل مسلم

ولاتنسون اقرو قرأن واستغفرو في الثبوت ( هذى اهم شيء لانك بعض الاحيان تتصلب ساعه وتقعد تشطح بالتفكير وكذا يعني لو تستغفر احسن لك وتذكر الله ينقطع الوقت ولا تدري عنه )

لا اوصيكم ياوحوش لا احد يفصل والله اذا صبرتو اول اسبوعين او ثلاثه خلاص انتهت الدورة

لأن الكرف في اول ثلاث اسابيع بعدين يصير عندكم تعليم وتصيرون ترتاحون في التعليم ولا تنسون كل خميس اضاهر مافيه الا 3 حصص والجمعة مافيه ولا حصة ابد تغسل ملابسك تروش تنام على كيفك تصير كل اسبوع تحتري يوم الجمعة بس

بعد 3 اسابيع من الدورة يصير ماعندكم الا حصتين الصباح والعصر بسسسسسس يعني انواع الراحه والسوالف والضحك والسهــر طبعاً الحصتين حصة مشاه وحصه رياضة المشاة راحه والرياضة مع التعود تصير طبيعي يتعب المدرب وانت ماتعبت ياشيخ

ولا اوصيكم مع الاغراض المطلوبة لاتنسون تجيبون مرهم فولتارين لانه زين للعضلات والمفاصل وفيه مرهم رصاصي مرسوم عليه جسم عضلات مدري وش اسمه اشتروه بعد

وخوذو بودرة اطفال عشان مايجيكم تسلخات في الفخذ من الهروله

وفازلين

وفكس

وكثرو من الملابس الداخليه

وجيبو تايد ثنين

وكثرو شرابات لو تجيب 20 حبه زين عشان كل يومين واحد وعلى كيفك لو تكثر احسن

وحاول تجيب كنادر سبير

وزنوبات سبير << بتعانون من زرف الزنوبات هههههههه

وحاولو تكثرون في كل شيء عشان ماتحتاج شيء واللي بتحتاجه يجيبونه لك اللي بيزورونك ان شاء الله

وش بعد وش بعد

ايه جيبو 3 بدال خضراء احسن لكم

وفي النهاية نتمنى لكم قضاء اوقات ممتعه في الدورة

والله ياشباب اني اقول لخويي قرب التخرج والوناسه يقول بالعكس هنا الوناسة مع اخوياك

يالله انا تعبت اجيكم بعدين

ولا تنسون ذكر الله قولو مـــاشاء اللــه والله عندنا ناس جاهم عين بسبب دخولهم الدورة واخاف احد يجيب اجلي

يالله في امان الله ولا تنسونا من دعائكم يا ابظايات

عناقيد الغنج · #**10137** (**permalink**) 14-07-2011, 12:13 AM

ألف مبروك تحديد موعد الدوره ياوحوش والله يوفقكم

وخر وخر · #**10138** (**permalink**) 14-07-2011, 12:15 AM

شباب الرياض الي يبي الاغراض

عندكم بجامه النوم السماوي والمناشف مع والملابس الداخليه تحصلونها في المعيقليه بجانب اماره الرياض

اما ملابس الرياضه الخضراء طقم سروال و فانيله وقبوع تحصلونها في شارع عائشه بن ابي بكر مخرج 25 السويدي في محالات رياضه كثير

والشنطه من اي مكان

اما جزمه الرياضه يفضل عن تجربه بيت الفالح للرياضه

في ماركه اسمها ريبوك شركه بطله واسعارها معقوله

راح اعطيكم قائمه للاسعار :

بجامه النوم 40
منشفه كبير 40
منشفه صغير 10
فانيله داخليه بيضاء 10
هاف داخلي 10
سروال رياضي اخضر 20
فانيله رياضي اخضر كم قصير 20
طاقيه خضراء ساده 10
شربات بيضاء 5

الجزمه الرياضيه الطبيه للمشي والتمارين قيمتها عند الفالح 340 ريال
الاسعار للقطعه الواحده بالريال السعودي

-----------------------------------------------------------------------------------

انا مثلكم للحين ماوصلتني الرساله مسلم اوراقي الاثنين

وكل تاخيره وفيها خيره

وولليد · #**10139** (**permalink**) 14-07-2011, 12:18 AM

اقتباس:

المشاركة الأصلية كتبت بواسطة الجواب الكافي

ياشباب انا ابي اجيب معي جوالي.. فيه شباب يقولون راح يحطونه بالامانات .. هل هذا صحيح والا يصادرونه مني

اذا هربته يتصادر

رح قل لهم حطوه في الامانات اذا قالو لك حطه مع اي احد وكنت ماتعرف احد قل ما اعرف احد ويحطونه لك في الامانات

والله يوفقك

زعروو · #**10140** (**permalink**) 14-07-2011, 12:20 AM

[align=center]
السلام عليكم ورحمة الله وبركاته
الشباب الي ماجاته رساله ان شاء الله تجيه لانو انا سمعت من عسكري يوم السبت يقول في دوره بتاخر
ولاتخالفوووووو ان شاء الله تكون لكم خيره مادم استلمو منكم الشهادات الاصليه علشان يكتملون الي يسوى الكشف الطبي...... والله يوافق الجميع لا تشيلوووووووووو هم جزاكم الله خير .....
[align=center]معكم اخوكم زعرووو محب الخير[/align]
[/align]

( الجزء الثآلث ) أمن المنشآت ،،، كل مآيتعلق بأمن المنشآت

إستفسارات ونتائج الوظائف العسكرية

السلام عليكم ورحمة الله وبركاته أخوآآني بآرك الله فيكم بمآ أن /~ الموضوع الجزء الأول وصل تقريباً 805 صفحآت ، هذا الجزء الأول للمرآجعة والإطلآع :

( الجزء الثآلث ) أمن المنشآت ،،، كل مآيتعلق بأمن المنشآت

تسجيل الدخول

( الجزء الثآلث ) أمن المنشآت ،،، كل مآيتعلق بأمن المنشآت

إستفسارات ونتائج الوظائف العسكرية

السلام عليكم ورحمة الله وبركاته أخوآآني بآرك الله فيكم بمآ أن /~ الموضوع الجزء الأول وصل تقريباً 805 صفحآت ، هذا الجزء الأول للمرآجعة والإطلآع :

( الجزء الثآلث ) أمن المنشآت ،،، كل مآيتعلق بأمن المنشآت