السلام عليكم ورحمة الله وبركاته
ذا رد لي لـ أحد الزملاء بدورة تخصص الأحوال المدنية ،
اقتباس:
|
المشاركة الأصلية كتبت بواسطة جنوبي منشآت
وانا اخوك حتي حنا بالميدان او الإدارة ما ندري وش خبر هالتخصص كونه جديدَ
ويمكن تلاقي حتي مركز التدريب ما عندهم علم اكيد عنه لانه اول تخصص يدرسونه
بس من المسمى وعلي حسب ما سمعت هنا بالمنتدى انه مجال عملكم مستقبلا
حراسة مقار الاحوال المدنية وممكن معها المحاكم وترى من ناحيتي اشوفه حلوَ لو بس تتعين قريب من اهلك
افضلك من حراسة موقع لـ ارامكو والغاز طول الوقت كاتمك ولا تفتيش تريلات والاحوال بشكل عام حراسة
مثل الحالي عليها الي هم الشرطة مكتب وتكون الحراسه بداخل المقر بشكل عام ومن ناحية الارقام العسكرية
مثل ما وضحت لك قبل ، انت من وقت دخولك للدورة تعتبر لك خدمة وتعتبر عسكري بس ما يوضحون لك
رقمك العسكري الا مع التعيين ويمكن حتي ما تعرف رقمك العسكري الي يوم تباشر بعد التعيينَ < مثليَ
ولا ترى الدورة محسوبه لك خدمة وذا شيء حلوُ ولمصلحتك مستقبلا وتبي النصحيه الي ودي تمشي عليها
لا تاخذ الاخبار من اي احد وتصدقها حتي انا يمكن يكون كلامي مجرد (تصريف) كذا ترى تلعب في نفسيتك
وادري انت في الدورة محتاج تعرف بس وانا اخوك الي صبرك خمس شهور واكثر يصبرك كم شهر
وترى راح الكثير ولا بقى لكم الا القليل ان شاء الله ومن ناحية الفلوس فـ تطمن بإذن الله انها نازل ما يبغالها
كلام بس متى ذي الله أعلم وترى افضل لك انها تتاخر تتجمع وتنزل لك دفعة وحده علي الاقل حــــاول تستفيد منها
لو بسيارة ولا تبهذل عمرك بقرض او ما تتخرج وتتحسر انه راح في سياره والباقي منه طار ما تدري وين من الغلاء
لو تحط القرض ب زوجة ولا ببيت لك بديرتك والله إنه احسن من سيارة تصدم فيها تروح تشليح وادري بالدورة طفره
وحاله لا توصف مرت علي لكن ياخوك لا تفكر في شيء ترى الدنيا ما تضمن حتى تعيش بكره ولا تموت
عيش حياتك وكمل دورتك وتوكل علي الله في أمرك وبيجيك يوم تتذكر ذي الايام مجرد ذكـــرى راحـت
وياما بتسمع عن امن المنشآت والخياس ، وانت عقلك براسك شوف الصح من الخطأ محط مرتاح في حياته ترى
علي الاقل ، وظيفة تكسيك وتعيشك وتزوج وتصرف منها الي تحب افضل من جلسة البيت
يمكن تتعب نفسياً اذا جاء تعيين بالشرقية لان ترى الاغلب بالشرقية بس ترى النقل مفتوح قدم طلبك وبيجيك الخيرَ
لو انت بتقدم نقل في اول يوم تباشر العمل ما احد يمنعك ولا يقولك لا ذا من حقك وابسط حقوقك
اللهم لك الحمد ، انا اخذت دورتي في الشرقية عام 28 ، وفي بالي 100% راجع للشرقية
سبحان الله جاء تعينيَ بجده بأخر سنة 28 ، مع ان اهلي بالجنوب لكن اول الوضع ارتحت بجده ولا بغيت انقل
نقلوُ شباب لجازان كانو من دورتي تعينو معي بجده لانهم قدمو نقل قبليَ ، مع ان وقتها يقولون: النقل لجازان مستحيلْ
تاخرت في رفع طلب النقل وللحين الي تاريخك ذا بجده مرتاح ، ولو ما اهلي والغلاء والايجار والبعد كان تكيت بجده
وربك كريم ، اهم شيء باقي حيَ واحمد ربيَ علي كل شيء .. بإذن الله تتيسر اموري وامور المسلمين َ اجمعينْ
المعذره طولت عليك ، وترى ذي النصيحه منت ملزوم تاخذها من باب جد ، بس العاقل يمشي بعقله مو بكلام الناس
وفالك الصبر والتوفيق والتخرج والنجاح
|
بالنسبة لراتب الجندي في أمن المنشآت بكافة البدلات ، لحديثي التخرجَ وإلي يسآل عن مقدار الراتب
رتبة جندي الراتب الأساسي ،(المربوط الاول ) / 3220 ريال
بدل نقل / 500 ريال ، بدل إعاشة / 500 ريال ، إعاشة إضافية / 500 ريال ، بدل خطر / 600 ريال
بدل مكافحة إرهاب /805 ريال ، بدل يومية ميدان / 450 ريال
علاوة فنية (تخصص فني دوريات ) فئة 4 / 400 ريال .. الراتب مع خصم 9% للتقاعد / 6685,2 ريال
راتب الجندي أول بكافة البدلات ، لحديثي التخرجَ
رتبة جندي الراتب الأساسي ،(المربوط الاول ) / 3395 ريال
بدل نقل / 500 ريال ، بدل إعاشة / 500 ريال ، إعاشة إضافية / 500 ريال ، بدل خطر / 600 ريال
بدل مكافحة إرهاب /848,75 ريال ، بدل يومية ميدان / 450 ريال
علاوة فنية (تخصص فني دوريات ) فئة 4 / 450 ريال .. الراتب مع خصم 9% للتقاعد / 6938,2 ريال
راتب العريف بكافة البدلات ، لحديثي التخرجَ
رتبة جندي الراتب الأساسي ،(المربوط الاول ) / 3765 ريال
بدل نقل / 500 ريال ، بدل إعاشة / 500 ريال ، إعاشة إضافية / 500 ريال ، بدل خطر / 600 ريال
بدل مكافحة إرهاب /941,25 ريال ، بدل يومية ميدان / 450ريال
علاوة فنية (تخصص فني دوريات ) فئة 4 / 500 ريال .. الراتب مع خصم 9% للتقاعد / 7417,4 ريال
* في شهر محرم من كل سنة يرتفع الراتب بمسمى تعديل مربوط ( التعديل السنوي )
جندي / 130 ريال , جندي أول / 145 ريال ، عريف / 175 ريال
* لطلب النقل من منطقة لمنطقة يفضل وجود إثبات رسميَ ( صك إعالة - تقارير طبيه ...إلخ )
ويصنف النقل بـ فئات كل فئة تختلف اهميتها عن الآخرى
حسب اللإثبات المرفق مع طلب النقل .. (أ ) الأهم ، (ب) ، و ( ج)
* فتح باب القبول والتسجيل ( حسب كلام قائد القوات بحفل تخرج دورة مركز تدريب المنطقة الشرقية )
( وما ذكره في إحدى الصحف المحلية ) بإنه قريباً و بالصبر بإذن الله كل شي يجيَ
* تعليق علي رد بعض الإخوان من ناحية عمل حراسة مقار الاحوال المدنية إنه 7-2 ظهراً ، هذا العمل الإداري بالادارة ياخوي
اما مسمى حراسة بتكون شفتات علي مدار اليوم ، وليس دوام رسمي من 7 - لـ 2 .. وشكراً لك
وأي إستفسار او خدمة أو شي ، انا حاضر بالخدمة بس المعذره منكم قليل أخش علي الموضوع فـ إذا فيه أهميه الخاص مفتوح بـ/ـأي وقت ... وفالكم التوفيق والسدادَ إن شاء الله
21-12-2011, 04:15 PM
العرض العادي
