03-05-2011, 04:15 AM
|
 |
عضو مهم
|
|
تاريخ التسجيل: Apr 2011
المشاركات: 228
معدل تقييم المستوى: 3217
|
|
[align=center]السلام عليكم
بقولكم اللي صآر معي بالتفصيل
حركت من البيت 6 وصلت 6 ونصف
جلست بالسيارة الين جت الساعه 7
جلسنا على الكرآسي بعدين جاء عسكري وزع علينا استمارات الكشف ومعها استمارات النفسيه
طبعاً حقت الكشف قال اكتبوا اسمائكم على الورقة ورقم البطاقة ورقم الطلب بيانات هو بيقولكم عليها
لما خلصنا قال وعدنا 9 بقوى الامن بالملز <- انا مختار هالمستشفى
المهم مشيت من عندهم طلعت على الملك فهد وكانت زحمة
وصلت على 8 رحت افطرت على شارع الستين بالملز مطعم اسمه القرموشي اللي يبي يفطر معي يحصلني صباح الثلاثاء ان شاء الله
بعدين جات الساعه 8:50 رحت للمستشفى قلت الحين بس دخلوا وتأخرت عليهم
حصلتهم لساتهم عند البوابه حتى جالسين بالشمس
المهم شفتهم كذا رحت للوالد بالمستشفى كان بالطوارئ وتعبان دعواتكم له بالشفاء العاجل
جلست عنده ربع ساعه ورجعت قلت اكيد فتحوا الباب 9 وربع
ونجلس نسولف والله خلصت السوالف ولا فتحوا البوابات الا 10:50 بعد معاناة ثم صفونا طابور بالاستقبال على الكرآسي
بعدين كل واحد يروح عند الاستقبال يطلع عنده بطاقة احواله ويبصم بالسبابه اليمين
ثم يروح الاشعه وطابور الله لا يوريكم توقعت ما اخلص الا العصر
طبعاً اذن الظهر واحنا تونا بالطابور حق الاشعه خلصت من الاشعه تقريباً على 1
قالوا موعدنا بوكرة 7 تجون بثيابكم مايحتاج بدله
انا طلعت تغديت ونمت من 3 العصر وصحيت 2 الليل والله تعبت ارهاق مانمت الا 3 ساعات اليوم اللي قبله
عاد نروح نشوف وش يصير معنا والله يسهل الامور
اللي مابعد سوا الفحص الدعوه سهله ان شاء الله وعليكم بالصبر
والله يوفقنا وياكم يارب
[/align]
|
الله يعطيك الف الف عااافية ع ها الخبر منتظرين من يوم السبت ماحد قاالنا 
العرض العادي
