السلام عليكم ورحمة الله وبركاته ..
امس الاثنين خلصت من المقابله والله ياهو زحمه جيت الساعه 6 واخذت رقم وصار رقمي 45 ..
بسم الله ندخل بتفصيل المملل .
تفتيش طبعاُ وبدون جوالات وبعدين في عسكري جالس على طاول وكرسي وعنده الاسم ياخذ بطاقتك وتسحب رقمك
بعدها تجلس بالحوش على كراسي وفي اثنين عسكر يرتبون ومعهم الاستمارات القديمه الاي قبل المستشفى
ويصوتون بالاسماء ويسلمونك الاستماره .
وبعدها تدخل داخل الصاله وتجلس يمكن نص ساعه ويجون عسكر حوالي سته يعلمونكم كيف ترتبون الاوراق بالملف وحاطين خرمات تخرم اوراقك
الاورق ترتبها ..
اول شي الاستماره الاي موزعينها وثاني شي صورتين من البطاقه الاحوال وبعدين تحط حسن السيره والسلوك وبعدين الشهاده الثانويه وانا ما كتبت على صورة الاحوال شي لانها واضحه .
و طبعا الشهاده الثانويه مختوم عليها طبق الاصل
وحسن السيره والسلوك برضه مختوم عليها طبق الاصل واي شهادات ثانيه خلها برا لما يجيك الدور يدققون الشهادات اهم يرتبونها لك وياخذ منك ست صور شخصيه ويدبسهن
وبعدين اول ما تخلص من التدقق على الاوراق تروح تمسك سرا تختيم على الاوراق لايق وبعدين الوزن
والطول ويختم عليها الظابط لايق وبعدين تاخذ ورقتين وحده تعبي الجزء العلوي منها والثانيه تعبيها كلها
وكله كلام اسيله عاديه اذكر جريدتين تصدر من السعوديه وقناتين تحب ان تشاهدها وقناتين ما تحبها ويالله هلم مجره هههههههههه اسيله عاديه المهم عاديه مايبغا له شرح واي نوع من القالات تحب تقراها
وبعدين تمسك سرا طويلاً عريضاً هههههههههههههه بس بيروح الوقت تناظر هذا وتشوف رياجيل واجد سبحان الله روسهم فوق النجوم ههههههههههه ويمكن يمر احد وتعرفه لن عيونك بتنحول هذا رايح هذا
جاي ويالله قطع فيهم ههههههههههه وتونس ولا تفكر بالمقابله خل الرهبه تروح عنك ويمكن يمر احد يشبهلك ولا يمر واحد تعرفه ولا يمر واحد وتعركب له ههههههههههه
وتشوف واحد ياويلك منه على متنه تاج ونجوم وسيوف وكل شي ههههههههه بس يفتر ويناظر وحاط يديه ورا ظهره رايح جاي رايح جاي
المهم مالكم بطويله واذا جيت عند الاسمر الاي يصففك يخليك تفرع سيقانك وتمسك سرا سريع او ما تدخل في حمامات وانت بكرمه ههههههههههه وفيه يمينك غرفه فيها عسكرين وغرفه يسارك فيها عسكريين اول
ما تدخل تروح لم الغرفه الاي يسار ونصيحه رح للحربي هههههههه ياحليله والله رهيب رقيب ملتحي الله يوفقه بس تقرا ورقه ويسالك ويسولف معك سوالف عاديه رفعت صوتك ولا مارفعته اهم شي ان كلامك
واضح ماتخلي الرجال يقول هااه هااه هههههههه يعني تقول تكلم صديقك وتمزح معك انا بس قالي من وين وشلون ديرتكم وتلعبون كوره اخذت ميدليات ولا لا ربعتم جاكم مطر بس وقريت وقال لي شكل الكلمه هذي
واذا شكلتها انجحك وشكلتها مره غلط وقال لا غلط والثانيه الحمدلله جبتها وقال احسنت ..وانت خلك ذيب ترا هو يكلمك وحاط الورقه قدامه ويكتب فيها واهو يناظرك علشان ما تشوف ولا تحس ويكتب ويسولف معك
هي قدامك ولو تناظر تشوف وش كاتب هههههه بس سوالفه واجد
وقال يالله عط الورقه هذي للخيبري الاسمر الاي يصففكم وياخذه منك الورقه ويعطيها الغرفه الاي على الايمين وفيها عسكرين واحد شايب واقف والثاني يسارك والله الشايب رهيب ههههههه منسم مسكنا طابور ورا بعض قبل تدخل الغرفه وانا الثالث وفي واحد داخل يساله ويقول له وش تعرف عن يوسف بن يعقوب قال ما عرفه ههههههههه وناظر فينا وناد بالاسما ويقول هاا يافلان وش تعرف عن يوسف بن يعقوب قال ما عرف شي وناد بثاني قال وش تعرف عن يوسف قال ماعرفه ههههههه وجا دوري وقال لي يافلان وش تعرف عن يوسف بن يعقوب طلعت على جنب وقلت نبي عليه السلام قال مظبوط تعال امش ويناظر يالمشيه وقال لي رح خلص اوراقك وسريع سريع هذي المقابله الاولى..
واطلع قالو جهز صورة بطاقه وصوره شخصيه وافتح ملفك بالشكل كذا وتعطيه ويقول لك روح اجلس ونادي عليك صراحه في ناس انكبو مامعهم صور شخصيه راحو ورا وفكو الملف وطلعو منه صوره
شخصيه الاي كان مدبسه عسكر التدقق هههههههه وعطوه اياه وينادي على اسمك وتجي وتدخل الغرفه مقابل الغرفه الاي انت طلعت منها حقت المقابله الاولى وفيها ثلاث عسكر انا جيت عند رايد اسمه الماجد قال لي وش اسمك وشلونك وشلون طوحينك هههههه تصلي وبعدين قال وش الفرق بين صلاة الجمعه وصلاة العيد قلت له صلاة العيد الصالة اول وبعدين الخطبه وصلاة الجمعه العكس الخطبه وبعدين الصلاة وصلاة الجمعه هي اربع بس يسقط عنك ركعتين اذا حضرت الخطبه االاول والثانيه قال بس في فرق قالت هذا الاي اعرفه وقال يالله بتوفبق
ورحت انتظر تسليم الاستمارات الاي هي الملف الاخضر تجلس ويدخلونكم بغرفه وياخذ منك بطاقتك ويسالك العسكري اي مدينه تبي تراجع فيها الادله ويسجل ويعطيك الاستماره والاورقه وتوكل على الله
تنبيه خذ معك 7 او 8 صور شخصيه وجيب معك 3 صور بطاقة الاحوال ولا تجيب شهاداتك الاصل لاتجيبها لاتجيبها لاتجيبها بس جيب المختوم عليها طبق الاصل وجب بس وحده وحسن السيره والسلوك مختوم عليها طبق الاصل
واذا احتجت تصوير هم عندهم الاله تصوير يقول لك صور اذا احتاجها
عاد عندي هالملف وش كبره والله ماني فاهم منه اي شي ههههههههه وصراحه ماعندي ولا عسكري بالبيت والله يعين هههههههه ولا احد فاهم ..
الله يعين
وهذي كلللللللللللل السالفه من طقطق لسلام عليكم
وانا شاك اني طولت عليك بس الحمدلله قايم مصحصح ومفطر قلت خلني اجلدهم بسوالف ههههههههه
ويالله أي خطاء انا اسف واسمحولي
والله يكتب لكم التوفيق والخير
والسلام عليكم..
31-05-2011, 01:06 PM
العرض العادي
