( الجزء الثآلث ) أمن المنشآت ،،، كل مآيتعلق بأمن المنشآت

مخلب نمر · #**601** (**permalink**) 17-03-2011, 04:51 PM

الله يعينكم خذوها بفله بس

لو ودك وش يردك · #**602** (**permalink**) 17-03-2011, 04:52 PM

والله ياشباب بالنسبه لاختبار الرياضه

المفروض ان المدة الي دخلنا في الدوره وهي من تاريخ 18\2

كافيه لتنزيل الوزن وزيادة اللياقه زميلي بالفصيل مع بداية الدوره كان وزنه كبير ومايقدر حتى يمشي مو يهرول

والحين هو من افضل الطلاب بالرياضه لان اذا مانجحت بالرياضه مراح تنجح بالمشاة لان المشاة تحتاج لياقه

عاليه

على شان تطبق صح طيب السؤال الي وزنه 80 وفوق وله شهرين بالدوره ليه مانزل وزنه والى الان لياقته

ضعيفه اذا لقينا جواب لسؤال هذا نقدر وقتها نقرب وجهات النظر

بس من وجهة نظري ان اغلب الضعفين بالرياضه من بداية الدوره مايهتم ومايطبق التمارين الرياضيه بشكل

صحيح لاتظنون ان اللياقه بس بالهروله حنا نسمع بعد التكميل في حصة الرياضه المسئول يقول لفه او لفتين

هروله وبعدها تمارين لياقيه تطبيق التمارين هذي بشكل صحيح هو الي يخليك في المرات الجايه تكون الهروله او

الجري بشكل اسهل بس الي مكان مهتم بهذا كله من البدايه تلقاه محتار بهذا الوقت والي يخلق اعذار وقت الهروله

ويقول عندي اصابه وتمر الاسابيع وهويمثل انه مصاب كله هذا راح ياثر على نجاحه بالدوره الي يقدر يصلح

اخطائه من الحين يبدء حتى لو طلعت اجازه واصل هروله وتمارين لو تلف حول بيتكم هذا كله من مصلحتك

ولاتطيح بالاكل حاول تنزل وزنك المعذره على الاطاله ولو حصل اخطاء

تحياتي لكم وبالتوفيق للجميع

مخلب نمر · #**603** (**permalink**) 17-03-2011, 04:56 PM

عندنا ناس اوازنهم فوق 80 وطلعو الحواجز كلها وفي الهروله ما يوقف مو شرط ينزل وزنه عشان يصير تمام اذا يبي يسوي شي يسويه

لو ودك وش يردك · #**604** (**permalink**) 17-03-2011, 05:03 PM

كلامك صحيح اخوي مخلب النمر

لكن برضو لو وزنه نزل اكثر بيكون كل شي عنده اسهل بس هي بختصار ابذل مجهود اكبر والله بيسرها لك

abusaud · #**605** (**permalink**) 17-03-2011, 05:12 PM

يا شباب انا وزني قبل الدورة 94 والان 82

في نزول جيد

لكن الحواجز تراها تبي خفة يعني تبي وزن من 75 وتحت وقوة بالاقدام والكتفين

انا الشي الوحيد اللي خايف منة الحواجز فقط

لدرجة ان الشقلبة اللي تسويها بعد الحاجر مقدر اطبقها عدل ورجعوني عليها اكثر من 8 مرات ولا اسويها صحيحةة

الباقي سهل ان شاء الله

لو ودك وش يردك · #**606** (**permalink**) 17-03-2011, 05:19 PM

على حسب تعليمات الملازم للمدربين البكستانيه ان تدريباتنا تكون على اول اربع حواجز فقط

وان شاء الله مع المحاولات راح تكون اسهل بس نصيحه الي يبي يجتازها بسهوله اكبر عليه بتكثيف تمارين البشم

والبطن لان البشم بيقوي اكتافك وذراعك بحيث انك تقدر ترفع نفسك بشكل اسهل والبطن لما تشيله بكثرة التمارين

راح يكون جسمك متناسق وبتلاحظ الفرق لو استمريت على اداء هذي التمارين وتسهل عليك الحواجز لاتعتمد على

تمارين البشم والبطن بس لما تروح المركز في البيت تقدر تسويها على حسب قدرتك ...

اللهم صبرني · #**607** (**permalink**) 17-03-2011, 05:45 PM

بسم الله الرحمن الرحيم

السلام عليكم ورحمة الله وبركاته

مساء الخيييير للجمييييع ,,,,,

بالنسبه لدوره مركز تدريب امن المنشآت بالمنطقه الشرقيه الي على طريق الرياض المركز الجديد ,,,,

اتمنى انكم تذكرون المواقف الطريفه والذكريات الحلوه الي تمر عليكم في الدوره احسن من السب في الظباط او المدربين ,,,,

لانه بصراحه فيه شخصيات كبيره مطلعه على هذا المنتدى ,,,,,

ابي واحد عاقل وفاهم مثل اخونا رمز التميز يذكر الاشياء المطلوبه والاشياء الي تأثر عليكم او محتاجينها في حدود المعقووووول ,,,,,

وبعدين ابيكم تذكرون احسن حاجه تمر عليكم كل اسبوع وخاصه الاشياء الي انتم تحسون انكم انجزتوا او تعلمتوا مثل تطبيقكم للحواجز او توحيدكم للحركات او ثبوتكم في الميدان ,,,,

مثل واحد من زملائكم ذكر او وصف حاله ممتازه جدا وانا حسيت منه انه مفتخر في الحاجه هذا الي اهي وضع الثبوت اثناء قراءه القرارات على زملائكم هذي اشاء حلوه وتحمسكم ,,,,

وابي منكم انكم تخلون هذا المنتدى يكون نظيف من السب والتلفظ ,,,,

وشكرااا للجميييييييييييييييييييييييع ,,,,,,,

][ اسنع واحد ][ · #**608** (**permalink**) 17-03-2011, 06:13 PM

اهــداء الى طلاب دورة امن المنشئات في مركز حرس الحدود بالدمــاام

لقطات لطلاب دورتنا ودورات سابقه لحرس الحدود

اعـداد ، وكيل رقيب / عوض الشهـري

http://

لو ودك وش يردك · #**609** (**permalink**) 17-03-2011, 06:16 PM

وعليكم السلام ورحمة الله وبركاته

مساك الله بالنور والسرور أخوي اللهم صبرني

اتمنى تكون بااحسن حال ..

بالنسبه للكلام الي قريناه عن السب والشتم بالمسئولين اكيد هذا الشي ضايقنا ومكان ودنا نشوف مثل الكلام الي

نكتب لاكن الله يهديهم يارب ويصلحهم وان شاء الله نشوف مواضيع وردود عن الدورهـ تبسطنا وتكون ذكره حلوهـ

لنا انا من طلاب الدوره وبصراحه أستفدت كثير اشياء كثيرهـ أول شي وهي الاهم الصـلاة في وقتها وخاصة صلاة

الفجر والشي الحلو لاحظت بكثرة قرائتي للقرآن في بداية الدوره كانت تصعب علي كثير من الايات اني اقراها

لاني قبلها ماكنت اقرء القرآن كثير بس يوم بعد يوم صرت اقرء القرآن ونادر جدا مااخطي بالقرايه لين حسيت

بمتعه كبيره وانا اقرء هذي اكبر فايدة استفدت فيها من يوم انضميت للدوره الى الحين غير كذا حصلت على جسم

رشيق خفه بالحركه لياقه حلوه وهذا الشي نشكر عليه رب العالمين أول شي ثم المسئولين الي همهم وتعبهم على

شان يخرجونا رجال ينفعون نفسهم واهلهم وديرتهم وقت الشدايد بس بعض الطلاب الي يهديه مايفكر بالفايده

الي بيلقاها من الدوره ذي ويسب ويشتم المسئولين عن الدوره وكانهم جبروه عليها !!

أتمنى انهم يراجعون نفسهم قبل يحطون اللوم على غيرهم ...

بالنسبه للمواقف الطريفه كثيرهـ مرت علينا منها احد الطلاب الله يستر عليه استدعاه احد الظباط وقاله اسمك وذكر

الطالب اسمه من غير مايرفع صوته وطلب منه الظابط يعيد ذكر اسمه بس يرفع صوته ولما قال اسمه تكلم مع

الظابط دقايق بسيطه ولما انتهى قال للطالب انصرف الطالب كان مرتبك شوي الظابط طلب منه الانصراف بس

الطالب قال بصوت عالي انا الطالب العسكري فلان بن فلان ههههههههههه الظابط ماقدر يمسك نفسه ضحك كثير

يعني موقف بسيط حبيت اذكره وعن التمارين بصراحه انا احب تمارين المشاة أتحمس معها بعض الاحيان نتدرب

مع مدربين المشاة وفي نفس الوقت طلاب الموسيقى يتدربون في غرفه قريبه من الميدان وحنا نتدرب نسمع صوت

الموسيقى تعطينا حماس اكبر للتدريبات واحب التحدي بين الفصائل وأفضل يوم عندي يوم صار تحدي بين السرايا

وحصلت سريتنا على افضل سريه بالتوحيد وكان مسئول سريتنا مبسوط منا وهذي من الاشياء الممتعه بالدوره

اعتذر منكم على الاطاله بس حبيت اذكر الي عندي ويارب التوفيق للجميع أن شاء الله

تحياتي لكم ...