09-07-2011, 01:06 PM
|
 |
عضو مهم
|
|
تاريخ التسجيل: Apr 2011
المشاركات: 228
معدل تقييم المستوى: 3217
|
|
[align=center]السلام عليكم ورحمة الله وبركاته
صبحكم الله بالخير / مسآكم الله بالخير
اخباركم ان شاء الله تمام
ابشركم اليوم خلصت اموري بأمن المنشآت وكل الامور سهالات
بس نصيحة من اخ : اللي يبي يخلص بدري يروح لهم بدري يعني تقريباً الساعه 6 يكون عند الباب لاني دخلت 7 وما طلعت الا 10 ونصف زحمة الله لا يوريكم
المهم وخلونا بالمهم رحت لهم 7 ودخلنا بالساحه اللي بالمواقف كل واحد اخذ رقم بعدين عطونا ورقة اقرار ثم يوم جلسنا ع الكرآسي قالوا اللي يبي يتعين بالاحوال ياخذ ورقة اقرار ثانية طبعاً خاصة بالاحوال ويعطيك ورقة صفراء يقول لزقها بالدفتر طبعاً يكون تعيينك بالاحوال اذا خلصنا دورة ان شاء الله وانتظرنا الين دخلنا داخل الصآله طبعاً كلنا بالسرا على حسب الرقم وصلنا لتدقيق الاورآق طبعاً كل واحد يدبّس اوراقه بالدفتر : برنت الاحوال - صيحفة البصمات - الشهادة الثانوية الاصليه مع صورة منها - شهادة السيرة والسلوك مع صورة منها - صورة من بطاقتك + صورة من بطاقات المعرفين - صورة من بطاقة الوالد وصورة من دفتر العائلة وصورة من بطاقة الجد اذا كان موجود واذا متوفى الله يرحمه ما يحتاج - 8 صور شخصية 3 * 4 هذآ اللي صآر وياي بالكامل
* تنبيهات بسيطة للفائدة :
- كل ما تحضر مبكر تطلع مبكر
- الحضور بالبدلة او بالثوب مافيه اي مانع
- احضار الشهادات الاصليه لانهم رآح ياخذونها
- مافيه تدقيق بالوزن والطول ولا تشيلون همها
وفي الختام كتبت لكم هذآ الموضوع للفائدة
ربي يوفقكم ويسهل دروبكم ان شاء الله
طبعاً موعد الدورة اتوقعه يوم السبت القادم
لانهم يوم اعطوني ورقة الطلبات قالوا انتظر رساله هاليومين وخلص وجهّز طلباتك بسرعه
اي سؤآل أو استفسار انا حاضر وبالخدمة
موفقين ان شاء الله
[/align]
|
العرض العادي
