السلام عليكم ورحمة الله وبركاته

الف الف الف الف مبروووووووووووووووك الله انقبل وان شاء الله القبول النهائي يارب

اقسم بالله يا عيال اني ابكي على حاجتين

الاولى: انو نسبتي حلوه وربي حرام ينقبل اللي في الستين وانا 86.24 ولا انقبلت لكن الله يوفقه

ثانيا:كلمت الواسطه اللي معاي اللواء وكان كلامه قاسي علي يوم قالي الكلام هذا بكيت وسكر

الجوال في وجهي وين تبوني اروح ما تقولون لي

وهذا كلامي معاه بدايته ..........................

اللون اللي بالازرق كلامي () واللون الاحمر كلامه

سلام عليكم يا طويل العمر : وعليكم السلام ياهلا

شخبارك يا طويل العمر عساك بخير: بخير الحمدالله

انا ياطويل العمر جايك من طرف عبدالله السهلي : والنعم فيك وفيه ماعليك زود طال عمرك

طال عمرك طلعت الصبح ارقام المقبولين في الامن العام وما طلع رقمي ياطويل العمر:

ايوة طلعت طيب وش المطلوب مني

ياطوويل العمر انا داخلن على الله ثم عليك تشوف اموري وتكمل الاوراق الدخول للدوره والقبول النهائي:

انت كم عمرك ونسبتك كم وطولك كم

طولي يا طويل العمر 150 ونسبتي حلوه الحمدالله 86.24 وعمري 20

ماشاء الله تبارك الله نسبتك حلوه

هاه ياطويل العمر : قالي اخوي ما اقدر اوظفك لان ماطلع رقمك

ياطويل العمر تقدر ان شاء الله توه الارقام طالعه : قالي حتى لو طلعت مقدر اسوي لك شئ ياخوي
غصب هي اني اقدر

ياطويل العمر هدي اعصابك رتبتك اللواء مجرد اتصال منك لهم يتم قبولي نهائي وتكميل اوراقي

اسمعني مقدر اسوي لك شئ انت تدل الكليات والجامعات اهم يقبلونك ماحنا نقبل بزارين في هالعمر

وسكره في وجهي

ليش طلعت بزر انا وكنت متامل في الله ثم فيه

لكن الله ........................................
وتقولون ليش دمعتك نازله وليش لقبك محتاجك صديقي

الله يعوض عليكـ

أخوي خلي أملك بالله قوي وتذكر أنها ماتضيق الا تنفرج

وبعدين أنت طيرت السلقه اللواء في العجه لين شاف نفسه طويل عمر ومدري ايش

راس مالها رتبه والله لو تماسك أنت وياه لتلعن سلسبيله

محتاجك صديقي أنت توك في مقتبل العمر ماشاء الله عمرك 20 سنه وتوك متخرج

وش رايك فيني عمري 27 سنة وست سنوات عاطل ومازلت مكافح أدور وظيفه والله يرزقنا

وفيه مثل يقول ( كلام الطرررر مايضررررر ) واللواء هذا طررررررر

الله يوفقك خيو

الجايات اكثرياخوي
وعسى الله يرزقك

{{ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ * أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ }} البقرة 156 - 157

خيره ان شاء الله .... وان تكرهوا شيئا وهو خير لكم ....

الله يعوضك

الله يعييينك اخوووي ويوفقك بالوظيفه الى احلى من الامن العام


ولا يهمك تو العمر قدامك والوظايف بتجيك ان شاءالله


توك بعمر الشبااب والعمر قدااامك


الله يعينك ويسهل امورك يااارب

[align=center]ولا تنزل دمعتك ولايهمك لابقيت تهون على نفسك وتنزل دمعتك نزلها لرحمان الي ماتنام عينه نزلها وانت تفكر في الاخره ياخوك مابقى في الدنيا كثر الي مضى تعوض بالله ولاتحرق دمك وانت توك في عمر الزهور يام وياما ناس مثلك تخرجت في العشرينات ووصلت اعمارهم الاربعين ماحصلو شي ..وحطها براسك لاترتجي واسطه ارتجي رب العالمين وصدقني ربي بيوفقك[/align]

ولاتزعل نفسك وتضايق عمرك...!
حط كلامه ورا ظهرك ولاتوقف..
غيرك وانا اخوك يقدمون بالسنة 20 مرة
وماينقبلون وبرضه عندهم أمل
ومتوكلين على الله...!

عين خير يارجال والرزق على الله مهو عليه
والله بيرزقك احسن منها
ولاتبكي انت رجال .
بالتوفيق