السلام عليكم ورحمة الله وبركاته
مبروك للي انقبل عقبال الدوره ان شاء الله.
اللي ما أنقبل الله يعوضه بأفضل منها بأذن الله ولـ ـكـن....
ابي اي واحد يحط كلمه للمسؤولين عن الظلم اللي يصير وسببه الواسطه طبعا ونبي اي واحد يقدر يجيب صحفي من اي جريده لينقل معاناتنا من خلال قلمه للمسؤولين.
ابدأ انا{اناشد وزير الداخليه بأنصافنا نحن من لانملك واسطه والنظر في وضعنا الى متى ونحن لم يتم قبولنا ونحن نستحق القبول}

شباب ابي كل واحد يحط كلمه وانا بحاول اجيب صحفي ينقلها بأي جريده وابي مساعدتكم ياشباب

كل الصحف أتصل بنا جربو والله ماهو خسرانين شي

لكل المسؤلين اقولهم اتقوا الله والله ابنائكم الى توظفونهم على حسابنا والله حرام
قطعتم ارزاقنا يعني لا رواتب ولا وظائف ولا بيت ملك هذا كله وما فيكم احد عنده ضمير
حسبي الله ونعم الوكيل
حسبي الله ونعم الوكيل

سيدي نايف بقول انا وين الغلط فيني انا سيدي نايف ابنك انا وابن الوطن احمل مؤهل جامعي ودي بخدمة هالعلم والدين ثم الوطن لاكن حسافة سيدي ضاع حلمي بين اهل الواسطات قرب دقيقه سيدي ودي اهمس لك واقول اموالنا والنفط هذا لوين راح لمين راح ومن منه مستفيد ابناء البلد ياسيدي ماتو من الجوع اللعين
انا
حزين امي تناظرني وتقول بشر اسامه ها حبيبي عسى انقبلت رديت انا وفي الصدر عبرة لا يايمه لم يتم قالت غريبة عندك مؤهل وانت سجلت جندي قل يا اسامه وش يبون قلت مادري بس يمكن واسطة او شي من هذا القبيل
اشكي لمن ياسيدي ابوي وده اني اساعده الدين اثقل كاهله الا اقول ممكن طلب ودي اهاجر وابتعد يقلون به وظايف في قطر والراتب اكثر من المطر ضعف الرواتب عندنا لكن من اشروطهم اني اصير انا قطري وانا حسافة سيدي احمل بقلبي حب الوطن واقدر اهل المملكة


ترا كل الكلام كتبته انا اللحين من انتاجي اهو نثر مو شعر وعندي كلام اكثر من كذا

عفواً، لم يتم قبولك
من عام 1428 هـ