السلام عليكم

اليوم رحت لهم وصلت الساعه 7 ونص صباحا في مجمع البستات امام برج المملكه من جهه طريق الملك فهد

المهم يعطونك بطاقه على حسب موعدك مكتوب اسمك وقت مقابلتك

وبعدين تملى ورقه التوظيف

وبعدين تروح للغرفه فيها واحد يشرح عن الشركه ومن هالكلام

بعدها

طبعا مجموعه الساعه ثمان حوالي حنا تسعه

دخولنا في غرفه وكان فيه اثنين من الكويت

المهم عطونا ورقه وقالوا لنا اكتب لنا عدهه نقاط يواجهاا العميل ثم يقوم واحد ويشرحها

طبعا تكتب هالامور في خمس دقايق

ودقيقه تشرحها

طبعا تكتب الامور المعروفه مثل سوء التغطيه وقله الفروع وتجديد في الخدمات وانت ماشي

اكتب كم نقطه

بعدها ياخذونها ويكتبون عليها اسامينا كلنا

وبعدين ياخذون كل واحد ومقابله شخصيه لمده ربع ساعه

وبعدها يجيك الكويتي ويسوي معك مكالمه هاتفيه ويخبرك فيها

يعني يقول انا سائح وانت صاحب شركه سياحه ابي تقنعني اني ازور السعوديه بدال لا ازور دوله ثانيه وانت وشطارتك في الفهم والاقناع

وبعدين يقولك انت موظف في شركه تلفزيونات ويقول انا شريت منكم تلفزيون قيمته حوالي اربعه الالف ريال وطلع خربان او برجعه

ومن قوانين الشركه مافيه ترجيع فلوس وهو يبي يرجع فلوس

كيف تقنعه انت وشطارتك بعد وبجيييك كلام ماله داعي بس انت وصبرك معك

وبعدين تروح اختبار الذكاء على جهاز حاسب الالي يختبرك واحد هندي لابس سعودي ههههههههههههههههههههه

وبعدين تمسك الباب يقولون اذا صار نصيب ندق عليك علشان تقابل الدكتور الكويتي اللي بيجي من الكويت

واذا ماصار نصيب الله يستر عليك ويوفقك

طبعا المقابلات كلها حوالي ثلاث ساعات ونص

واي استفسار انا جاهز

عاطل وراقد

يا عمي بجدة العالم وقعوو عقوود تدريب

الله يكون بعونك
"سمعت ان الحلول الممتازة يشرطون تجيب اثنين يكفلونك هل هذا صحيح" !!!

مشكور اخوي اولا على هالمعلومات بس فيه مجموعه نقاط ياريت توضحها لي اكثر لانه مقابلتي معهم بكره ان شاء الله الساعه 7.30

اول شى المقابله الشخصيه اللي ربع ساعه ياريت تفصل لنا وش فيها بشكل اكبر وش الاسئله وهل فيه اسئله بالانكليزي؟
ثاني شى المكالمه الهاتفيه ايش المفروض ارد وخاصه على التلفزيون ابو 4 الاف وش الاجابه المثاليه وهل فيه اسئله غير هالسوالين؟
انت قلت اخوي ((انت وشطارتك بعد وبجيييك كلام ماله داعي بس انت وصبرك معك
)) كيف كلام ماله داعي ؟ كيف يعني وايش الهدف من هذا بالتفصيل؟؟
وبالنسبه لاختبار الحاسب باي لغه وكم مدته وايش نوعيه الاسئله وهل صعب او سهل؟؟؟

اكرر شكري لك وانتضر توضيحك

بالتوفيق لك وللجميع ان شاء الله

بس حبيت أستفسر طلبوا لغه أنجليزيه بالمقابله؟

والشي الثاني متى قالوا لكم بيردون عليكم؟

والله شي عجيب

الرجال راح يكمل نوم الله يسعده ويوفقه وان شاء الله يصحى قريب وتلقى المعلومات يالي دورك بكره يارب وفقهم وانا معهم

بااك

< وربي مانام

اخوي بالنسبه للجواب انت وشطارتك اقنعه ان مافيه ترجيع قولها سياسه الشركه ماتقبل

شوف لك حل

اهم شي القنوع هذا مطلب اساسي

بالنسبه للكلام اللي ماله داعي

بيقول لك الله ياخذكم كلكم والله لايوفقكم مثل كذا يعني لعن بيشوف كيف صبرك وشجاعتك في الموقف وكيف تبي ترد على هالموقف خاصه ان الوظيفه كول سنتر وناس تجيك اشكال وانواع

عرفت يبيلها شخص بارد وقنوع

هو سؤالين فقط اللي بيسالها لك

بالنسبه للانقلش وربي اليوم محد سالني انقلش لاتخافون

بالنسبه للاختبار الحاسب الالي اختبار ذكاء حاطين لك ثلاثين سؤال وتختار بالعربي طيب

ويسالك يقولك وين البروكسي حق الجهاز اللي انت فيه وبس يالطويل العمر
الاختبار عشر دقايق فقط




اللغه محد قال لنا شي والله

الرد وربي علمي علمك يقولون بندق عليك ولا ادري

اللي بيروح بكره يسالهم متى يدقون ثاني مره

علشان فيه مقابله ثانيه مع دكتور كويتي راح يجي السعوديه بيقعد فيها يوم يقابل الناس كلهم


وانا جاهز للحاضرين والغالين والله

واتمنى ان ماقصرت وقولت الشي المفيد

حياك اخوي لو عاطل زين نورتي الصفحه ياغناتي

عاطل وراقد

حياااك اخوي ,,,

الظاهر انا معاك بالتيم الصباح , ان شاء الله امورك طيبه ؟؟

بالنسبه للشباب اللي يسئلون عن الانجلش لاتخافون هم مايركزون ع اللغه لأنهم راح يدربونك اذا الله كتب وألتحقت معاهم !!

اهم شي عندهم المقابله الشخصيه واسلوبك بـ الكلام ,,

لأنك راح تكون كوول سنتر يعني واجهت الشركه للجمهور , فـ هم مايحبون العصبي والي يتنرفز !!

وبـ التوفيق للجميع ,,

اسمح لي ع الاضافه اخوي عاطل وراقد : )

مشكور جدا أخوي

بس ماقلت لنا المقابله الشخصيه اللي ربع ساعه وش كان فيها ؟؟