05-02-2011, 03:52 PM
|
 |
|
|
تاريخ التسجيل: May 2010
الدولة: نسعى في دروب الأمل حتى نصل
المشاركات: 3,939
معدل تقييم المستوى: 21474873
|
|
|
ما تلاحظون بدينا بالتخلي عن مبادءنا..........
السلام عليكم ورحمة الله وبركاته
من زمان وأنا أفكر بهالموضوع ... والي شجعني اكتب هوالي شفته ..
قبل كم يوم كنت في ايكيا وبالعاد لما ارووح اروح له قبل صلاااه العشااء
طبعا نظاام ايكيا وقت الصلاااااه الكااشير بس يقفل اماا السوق نفسه لاااا
يعني نجلس نتسووق عاادي حتى وقت الصلاااه
المشكله انوو رحت له هالمرره في العصر وجااء وقت صلاه المغررب بصرااحه انصدمت
والله انهم شيباان ورجال وشباب وكمان الحريم المشكله
ان صلااه المغررب مالها وقت طويل مثل العشااء والكل لاااهي بالسووق
وبالدنيااا
طيب ماا فكرووا لو زاارنا ملك المووت
وش عذرنا انا ما صليناااا!!!
كيف نبغا نزررع في اطفالنا حب الصلااااه وهم يشووفون العكس
كيف نطلب منهم شئ وحنا احياانا نسوي العكس
طبعا هالمووقف لأخت كاتبته تقول فيه :
أمس كنت طالعه لمطعم ...عادي ... عوايل وازعاج وبزران تعرفون يعني ...
لفت انتباهي بنات بين الـ10 - 15 سنه .. متزبرقين نوعا ما .. عباياتهم ع الكتف وبدون طرح مع أن بعضهم ما كانت ذاك الطفوله... كانت معهم حرمه كبيره .. حقيقة أنا ماشفتها لكن اللي معي شافوها ...
كان واضح انهم مدهرين ومشغولين وأصواتهم طالعه شوي ... يمكن لأنها كانوا قريبين مننا مدري ...
شوي الا صوت (( تششششششش)) ... تصفيق حااار ... صراخ .. هابي بيرثدي تو يو ... ألخ
الزبده كان عيد ميلاد ... الذي تم تحريفه مؤخرا وصار يوم ميلاد ...
من متى حنا نحتفل بأعياد الميلاد ؟؟ ...
ليش حنا نتقبل أي ثقافه غريبه علينا وممكن نتلهف عليها بعد ..
صايرين زي الأسفنجه نمتص كل شي لين ماقربت هالأسفنجه تصير سودا ...
هذا غير عيد الأم ... عيد الزواج... كريسمس .. عيد الحب ...
اللي قهرني بالسالفه أنو كان معهم وحده كبيره .. يعني أكيد بمباركه منها ...
هذولي اطفاال انتي تطاوعينهم ليش ؟؟؟
.
.
خلو الأعياد ... يمكن أنا كئيبه وماحب استانس
مظاهرنا ... للأسف أمهاتنا يربونا على شي ولما نكبر نشوف العالم شي ثااااني ..
وبالغصب نبغي نصير مثله ... وما أستثني نفسي من هالشي الله يعفو عنا أجمعين
ملابسنا صارت تشمر سنه بعد سنه ...
والحجاااب شي صراااحه صاار نلبس بهدف زينه اكثر من هدف الحجاااب ... والله احززن لما اشووفهم في المولااااات
ترضي مين !! عشاان الفت انظاار البشر ويقااال لي هذا كشخه
انا هنا ما راح انااقش حكم الحجاب ولا شي
انا بس ابغى اعرررف اش تحس فيه وشعوورهاا لما النااس تناااظرهااا..
وربي الحين اذا رحت السوق افرح اذا شفت متسترات احس لسى فيه نااااس فيها خير وان شااء الله قله قليله الي تشذ ..
والله صرت اخاف على نفسي وأخاف يجي يوم وا اتنازل عنها >> يارب تثبتنا يارب
وعلى طاري العبايات ... يرحم زمان أول يوم كان مايجي خامس سادس ابتدائي الا البنت متغطيه وويين تحس نفسها كبيره اذا لبستها ..
أما الحين الوحده توصل المتوسط وهي ماتتغطى ... واذا جاء الثانوي لبسوها نقاب على عبايتها
وحجة أمها >> بنتي توها صغيره ... تنتظرينها تشيب مثلا !!
والأولاااد الحين ما تفرقين بين الولد والبنت والله شي مؤسف صراااااحه
.
.
التلفزيون ...
ماراح أقول مااشوفه ابد ... لكنه محدود جدا ... أول كنت أتابع حت التشويش ايام الطفوله طبعا... لكن الحين النت اخذ وقتي ... واحاول اشغل نفسي عنه .. وانا ما اقصد التلفزيون عموما اقصد المسلسلات والبرامج التافهه ...
اللي اخذت من وقتنا الكثيييير للأسف .. تدخلين على ناس برمضان ماشفتيهم بتباركين لهم بالشهر ...
مالك مجال تسولفين ... شفتي البرنامج الفلاني؟؟ شفتي المسلسل الفلاني ؟؟ .. بنات اسمعوا هالبرودكاست اللي وصلني عن برنامج فلانه ... شفتوها وش سووت !!!
وتجيك وحده من أقصاها ملهوفه .. بنات وش صار على فلانه فاتني المسلسل
وينقلب المجلس الا تلفزيون وحش بخلق الله اللي بالتلفزيون ...
طيب ممكن أنا أشوف بس ليش اقعد اسوي دعايه واتحمل ذنوب خلق الله ... الواحد يالله يتحمل ذنوبه..
.
.
.
ساعات أقول ليش انا سطحيه وأركز بس ع المظاهر .. فلانه صح تسمع اغااني بس دايم ماشاء الله اشوفها تستغفر ماتخلي الأستغفار ... فلانه حجابها مدري شلون بس تراها داخله دار تحفيظ ... فلانه على كثر ماتسولف عن التلفزيون بس لبسها ساتر وعبايتها ساتره ... الأيمان بالقلب مو بالمظهر
طيب مظاهرنا جزء من عبادتنا وطاعتنا لربنا ... أجل ليش ليش نلبس جلال أو شرشف ساتر اذا جينا نصلي
ليش مانصلي بلبسنا عادي كلها صلاة والأيمان بالقلب ..
.
.
لوين حنا بنوصل ...
لما أجلس اتأمل الصغار يكسرون خاطري ... كيف بنثبت فيهم قيم الأسلام الصحيح واللي حولهم كله غلط ...
كيف نعلم البنات الحجاب الصحيح .. وكل اللي حولها عباياتهم اشكال وموديلات ..
يعني حنا بوقتنا كانت هالمظاهر شاذه .. بس هم بتصير هالمظاهر اعتياديه جدا واللي نطلبه منهم هو المستحيل والشاذ ..
كيف الأم والأب يعودن عيالهم على سماع الأغاني وبعدين يقولون لهم هذا حرام ؟..
كيف يدخلون البنت دار تحفيظ وترجع البيت تتابع برنامج اقل مايقال تاااافه ؟..
كيف من الأمهات خصوصا الأمهات الجدد تبغي تربي عيالها تربيه نيو لوك ... تبغي تدخلهم مدارس اجنبيه ... وتحتفل معهم كل سنه بأعياد ميلادهم .. ماتبي يطالعون برامج القنوات العربيه لااااا ... تبغي تربيهم تربيه أجنبيه تبغاهم أذكياء مثل عيال الأجانب .. بما أن الأعلام العربي اثبت فشله بهالجانب ...
.
.
يبي لنا نوقف شوي ونتأمل اللي حولنا ونعيد النظر بمظاهرنا وتصرفاتنا .. اعتقد اننا قاعدين نستغرق بمقولة الأيمان بالقلب وبنوصل لدرجة لايمكن وصفها ...
.
.
وبالنهايه أحب احيي كل مجتمع نبذ هالمظاهر عنه ومازالت شي شاذ وغير مقبول بالنسبه له >> لأن صلاح الفرد من صلاح المجتمع اللي يعيش فيه ..
أما بالنسبه اللي تجاهد بكل قواها وتمشي عكس التيار وتنبذ هالمظاهر وهي بوسط مجتمع مستغرق بهالمظاهر الصراحه هذي تستاهل بوسه ع الراس .. لأنها فعلا تجاهد جهاد النفس والله يعينها ويثبتها ..
والله يهدينا أجمعين لكل مافيه خير وصلاح لنا ولمجتمعنا ولأجيالنا القادمه ..
وفي النهاايه لا تنسووون اختكم ساره واختكم حصه من دعوااتكم في ظهر الغيب
التعديل الأخير تم بواسطة إِنتعآش~ ; 05-02-2011 الساعة 04:04 PM
|
العرض الشجري
