السلام عليكم
بالبدايه ابي اقول لكم قصه اخوي واللي هو صاحب هالمشكله ويبي لها حل
هو متخرج تقريبا قبل سنه من معهد تمريض المهم اشتغل بمستوصف خاص وكان شارط على صاحب المستوصف انه مايتسجل عشان ماتروح عليه الوظيفه وهاذي كانت فكرتنا انه اذا تسجل بمكتب العمل او التامينات مايقدر انه يتوظف بوظايف وزارة الصحه
قبل فتره كان بيقدم على مستشفيات التشغيل الذاتي وطلب من صاحب المستوصف شهاده خبره وكتب له شهاده خبره من تاريخ مباشرته تقريبا 10 اشهر وتعتبر خبره حلوه
لاكن المشكله دخلنا ع النت وسالنا عن كيفيه ارفاق الخبره بالتقديم وسالنا واكثرهم يقولون لازم تكون موثقه من التامينات
وفي اللهم صلي ع محمد تسجيل باثر رجعي
السوال الان نقدر نسجل وندفع الرسوم قيمه التامينات لانوو حرام يضيع عليه خبره 10 اشهر اكيد تنفعه
والسوال الثاني نخليه يسجله بمكتب العمل ولا مايحتاج ؟؟
لانه باذن الله مايبي يترك الوظيفه الا اذا حصل وظيفه ثانيه مضمونه فهل يستفسرون عنه ويحصلونه غير مسجل وماتعتمد
ابي منكم الحلول تكفوووون
لانو حتى عقد مافيه بين المستوصف واخوي لانه يعرف العائله وكان مره متعاون وبرضو المستوصف كبير واكثر من فرع فـ ماكان يهمه انه يسجل سعوديين عشان ترتفع نسبه السعوده
والان وش الحل
وش الخطوات اللي نسويها ؟؟
واذا مافي حل الله يعين نسجل من الفتره هاذي والله يعوضه عن اللي راح
لاكن هل تكفي التامينات ولا برضو مكتب العمل ؟؟
نبغى نصايحكم تكفوووون

نعم شهادة الخبرة لازم مصدقة من التامينات
و لا يلزمه يسجل في مكتب العمل
لان شهادة التامينات اللى تسجل في مكتب العمل و تتعلق بالمنشاة او المستوصف
فقط عدد بدون ذكر اسماء و هذا من تخبط النظام و اللعب بالسعودة لكن لمثل اخوك تنفع
كنت اسجل اشخاص مثلا 5 نفس الاسماء مطابقة و اخرين يختلفون فقط العدد متساوي
الزبدة تنفع المهم يصدقها منهم و من الغرفة التجارية و هذي مقدور عليها
خله يتوكل على الله و يسجل و ياخذ الشهادة و يلغي أسمه اذا وجد وظيفة جديدة
و لا يستعجل على الشهادة خلها تصل سنة و أكثر و لا ينسى يسجلهابأثر رجعي
و لله يعين المستوصف يدفعون كل النسبة من تاريخ العمل و بسيطة تدفع مع اول شهر

ما اعتقد المستوصف بيوافق لأنه تسجيل بأثر رجعي بالاضافة إلى غرامة تأخير

تحياتي،،،

حلوة الدنيا
يقول أنه يعرفهم و هم موافقين
حتى لو هو يدفع الغرامة و لا هي كثيرة

مشكووووورين
المستوصف اكيد ماراح يرضى الا اذا حنا اللي نتكفل بالرسوم المتاخره لانو اذا ماخاب ضني انو كان اخوي ياخذ النسبه حقت التامينات
و كلم اليوم المدير قال مانعرف عن الاثر الرجعي لاكن نعبي لك استماره واسئل نفس التامينات اذا يقبلون تسجل الشهور السابقه بدون مانتخمل اي شي
لانو هو مايشتغل بالمركز الرئيسي للمستوصف والمسئول ماعنده معلومات شامله عن نظام التامينات ^_^
بالنسبه للغرامه هل تحسب على المستوصف ولا نقدر ندفعها حنا يعني لو ع الاقل نسجل كم شهر حرام تروح عليه الخبره كلها
وبالنسبه للغرامه نقدر ندفعها هي وحق التامينات وبدون مايكون في شي يضر المستوصف عشان مايرفضون مثلا
لفت نضر للمستوصف او امور مثل هاذي ؟؟
لانو المدير سعودي واخوي كان يداوم حتى بالسجلات ومتعب روحه معاهم
وعشان كذا كان متعاون لابعد درجه بشرط انو مايتحمل اي شي خصوصا انو بالبدايه كان طلب اخوي انو مايتسجل

ما لك غير تسالأ و تتاكد من التامينات
و تتحمل الرسوم و الغرامة هذا اذا قبلوا
و قلت لهم تصحيح غلط من المستوصف

مشكوووووووووووووووووووور اخوي راجو ^_^
ان شاءالله بيروح لهم اخوي اليوم ويشوف وش يردون له

شـكرا لك وبارك الله فيك... لك مني أجمل تحية .

استغر اللـــه